வெளுக்கும் வெயில்.. தமிழகத்தில் பள்ளிகள் திறப்பு ஜூன் 12 ம் தேதிக்கு தள்ளிவைப்பு

Jun 05, 2023,12:25 PM IST

சென்னை : தமிழகத்தில் பள்ளிகள் திறக்கப்படும் தேதி ஜூன் 12 ம் தேதிக்கு தள்ளிவைக்கப்படுவதாக தமிழக அரசு அறிவித்துள்ளது. இரண்டாவது முறையாக பள்ளிகள் திறக்கப்படும் தேதியில் மாற்றம் செய்யப்பட்டுள்ளதால் மாணவர்கள் மகிழ்ச்சி அடைந்துள்ளனர்.

தமிழகத்தில் கோடை விடுமுறை முடிந்து பள்ளிகள் ஜூன் 05 ம் தேதி திறக்கப்பட முடிவு செய்யப்பட்டிருந்தது. ஆனால் கடந்த சில வாரங்களாக தமிழகத்தில் வெயிலின் தாக்கம் மிக கடுமையாக இருந்து வருகிறது. அக்னி நட்சத்திரம் முடிந்த பிறகும் வெயிலின் தாக்கல் குறையவில்லை. பல ஊர்களில் கடந்த சில நாட்களாக வெப்பநிலை சதம் அடித்தது. பல இடங்களில் மழை பெய்த போதிலும் வெப்பம் குறையவில்லை.

தொடர்ந்து வெயிலின் தாக்கம் அதிகமாக காணப்படுவதால் தமிழகத்தில் பள்ளிகள் ஜூன் 5 ம் தேதிக்கு பதிலாக ஜூன் 07 ம் தேதி திறக்கப்படும் என கடந்த வாரம் பள்ளி கல்வித்துறை அறிவித்தது. இதனையடுத்து நாளை மறுநாள் பள்ளிகள் திறப்பதற்கான ஏற்பாடுகள் நடைபெற்று வருகிறது. மாணவர் சேர்க்கை ஒரு புறமும், மறுபுறம் மாணவர்களும் பள்ளிக்கு திரும்ப தயாராகி வந்தனர்.

இந்நிலையில் வெயிலின் தாக்கல் குறையாமல் இருந்து வருவதால் தமிழகத்தில் பள்ளிகள் திறக்கப்படுவது குறித்து ஆலோசிப்பதற்கு தமிழக முதல்வர் மு.க.ஸ்டாலின் தலைமையில் ஆலோசனை கூட்டம் நடந்தது. பள்ளி கல்வித்துறை அமைச்சர், உயர் அதிகாரிகள் ஆகியோருடன் நடந்த ஆலோசனைக்கு பிறகு பள்ளிகள் திறக்கும் தேதியை தள்ளி வைக்க முடிவு செய்யப்பட்டது. ஜூன் 7 ம் தேதிக்கு பதிலாக ஜூன் 12 ம் தேதி பள்ளிகளை திறக்க ஏற்பாடு செய்யப்பட்டுள்ளது.

அரசு உத்தரவை மீறி முன்கூட்டியே பள்ளிகளை திறக்கும் பள்ளி நிர்வாகங்கள் மீது கடுமையான நடவடிக்கை எடுக்கப்படும் எனவும் தமிழக அரசு அறிவித்துள்ளது.

சமீபத்திய செய்திகள்

ஸ்டெர்லைட்டுக்கு ஒரு நீதி என்.எல்.சிக்கு ஒரு நீதியா? உடனடியாக ஆலையை மூட வேண்டும்: டாக்டர் அன்புமணி

கடந்த 3 நாட்களாக சரிந்து வரும் தங்கம் விலை... மகிழ்ச்சியில் வாடிக்கையாளர்கள்!

பட்டாசு வெடித்து.. உயிரிழந்தவர் குடும்பத்திற்கு தலா 3 லட்சம் நிதி உதவி.. முதல்வர் மு க ஸ்டாலின்!

இந்தியாவுக்கும், பாகிஸ்தானுக்கும் இடையே முழு அளவிலான போர் மூண்டால் என்னாகும்?

தவெகவின் பூத் கமிட்டி மாநாட்டில்.. கலந்து கொள்வதற்காக சென்னையிலிருந்து புறப்பட்டார்.. விஜய்!

முட்டி மோதிய சென்னை சூப்பர் கிங்ஸ்.. மீண்டும் தோல்வி.. தட்டித் தூக்கிய ஹைதராபாத்!

ஆளுநர் ஆர். என். ரவி.. பாஜக தலைவராக வந்து அரசியல் செய்யலாமே.. அமைச்சர் கோவி. செழியன்

துணைவேந்தர்களுக்கு மிரட்டல்.. முதல்வர் ஸ்டாலின் அச்சப்படுகிறாரா.. ஆளுநர் ஆர். என். ரவி கேள்வி

ஏ.ஆர்.ரஹ்மான் மீது காப்புரிமை வழக்கு... ரூ.2 கோடி செலுத்த டெல்லி உயர்நீதிமன்றம் உத்தரவு!

வெளுக்கும் வெயில்.. தமிழகத்தில் பள்ளிகள் திறப்பு ஜூன் 12 ம் தேதிக்கு தள்ளிவைப்பு

Comments

சமீபத்திய செய்திகள்

அதிகம் பார்க்கும் செய்திகள்