வளமான வாழ்வு தரும் வைகாசி விசாக திருநாள்

Jun 02, 2023,09:40 AM IST

சென்னை : தமிழ் கடவுளான முருகப் பெருமானுக்குரிய முக்கிய விரத நாட்களில் ஒன்று வைகாசி விசாகம். சிவ பெருமானின் வெற்றிக்கண்ணில் இருந்து தோன்றிய ஆறு தீப்பொறிகள், சரவண பொய்கையில் உள்ள தாமரை மலர்களால் ஆறு குழந்தைகளாக தவழ்ந்தன. அப்படி முருகப் பெருமான் அவதரித்த தினம் தான் இந்த வைகாசி விசாக திருநாள்.

வைகாசி மாதத்தில் வரும் பெளர்ணமியும், விசாக நட்சத்திரமும் இணையும் நாளே வைகாசி விசாகமாகும். விசாகன் என்றால் மயில் மீது ஏறி பவனி வருபவன் என்று பொருள். இதனாலேயே முருகப் பெருமானுக்கு விசாகன் என்ற திருநாமமும் உண்டு. வைகாசி விசாகத்தன்று முருகப் பெருமானை நினைத்து விரதம் இருந்து வழிபட்டால் நினைத்த காரியங்கள் அப்படியே நடக்கும் என்பது ஐதீகம்.

வைகாசி விசாகத்தன்று உலகம் முழுவதிலும் உள்ள முருக பக்தர்கள் பால்குடம் ஏந்தியும், காவடி தூக்கியும் பாதயாத்திரையாக வந்து வழிபடுவது வழக்கம். முருகப் பெருமான், தீப்பொறியில் இருந்து உருவானர் என்பதால் அவரை குளிர்விக்க இந்த நாளில் பால் அபிஷேகம் செய்து வழிபடுவது வழக்கம். பால் அபிஷேகம் செய்து முருகனை குளிரச் செய்தால், அவர் மனம் மகிழ்ந்து நாம் வேண்டும் வரங்களை தருவார் என்பது நம்பிக்கை.

2023 ம் ஆண்டில் வைகாசி விசாகமானது ஜூன் 02 ம் தேதி, மங்களகரமான வெள்ளிக்கிழமையில் வருகிறது. வெள்ளிக்கிழமையில் வரும் வைகாசி விசாகம் என்பதால் இந்த நாளில் முருகப் பெருமானையும், மகாலட்சுமியையும் வழிபடுவது செல்வத்தை பெருக்கும். பொதுவாக முருகப் பெருமானை வழிபட்டாலே சிவன் மற்றும் பார்வதியின் அருளை பெற்று விடலாம். வைகாசி விசாகத்தன்று முருகப் பெருமானுக்குரிய ஆறெழுத்து மந்திரமான ஓம் சரவணபவ என்றும் மந்திரத்தை சொல்லி வழிபடுவது சிறப்பானதாகும்.

சரவணபவ என்ற மந்திரத்திற்குள் அனைத்து தெய்வங்களும் அடக்கம் என்பதால், இந்த நல்ல நாளில் இந்த அற்புதமான மந்திரத்தை சொல்லி வழிபட்டால் அனைத்து தெய்வங்களின் அருளையும் பெறலாம்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு

குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!

8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?

எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்

அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!

மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!

டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!

ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?

என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!