மறக்க முடியுமா இவரை?.. அதே க்யூட்னெஸ்.. அதே சிரிப்பு.. சிலிர்க்க வைத்த பெப்சி உமா!

Apr 04, 2023,04:45 PM IST

சென்னை : 1990 களில் தமிழக டிவி ரசிகர்களின் ஃபேவரைட் தொகுப்பாளர்களாக இருந்த சன் டிவி தொகுப்பாளர்கள் நண்பர்கள் குழு, தற்போது தனியார் நிகழ்ச்சி ஒன்றில் இணைந்துள்ள போட்டோக்கள் சோஷியல் மீடியாவில் பரவி உள்ளது.

1990 களில் தூர்தர்ஷனை தாண்டி மக்களிடம் அதிகம் பிரபலமாக இருந்தது சன் டிவி. இதில் தொகுப்பாளர்களாக இருந்தவர்கள் விஜய சாரதி, ரத்னா, பெப்சி உமா. ரசிகர்களுக்கு பிடித்த பாடல்களுடன் ஒவ்வொரு ஊராக சென்று சுற்றி காட்டியே ரசிகர்களை கவர்ந்தவர் விஜயசாரதி. தனது அடக்கமான, அமைதியாக பேச்சின் மூலம் செய்தி வாசித்தும், திரை விமரச்னங்கள் சொல்லியும் ரசிகர்களின் மனங்களில் இடம்பிடித்தவர் ரத்னா.

சினிமாவை தாண்டி மிக அதிகமான ரசிகர்கள் ஒருவர், அதுவும் டிவி தொகுப்பாளினி ஒருவருக்கு ரசிகர்கள் இருந்தார்கள் என்றால் அவர் பெப்சி உமா மட்டும் தான். சிரித்து சிரித்து, கொஞ்சி கொஞ்சி பேசும் இவரிடம் பேச வேண்டும் என்பதற்காகவே சன் டிவிக்கு விடாமல் போன் செய்தவர்களும், இவரது நிகழ்ச்சி எப்போது வரும் என டிவி முன் காத்து கிடந்தவர்களும் அதிகம். பல இளைஞர்களின் கனவு கன்னியாக கூட இருந்தார். அந்த அளவிற்கு ரசிகர்களை கவர்ந்தவர்.

இவர்கள் மூவரும் நீண்ட இடைவேளைக்கு பிறகு தனியார் டிவி நிகழ்ச்சி ஒன்று சந்தித்துக் கொண்டனர். அப்போது பழைய நிகழ்வுகளை பகிர்ந்து கொண்டுள்ளனர். இவர்கள் மூன்று பேரும் ஒன்று கூடிய போட்டோக்களை விஜய சாரதி தனது ட்விட்டர் பக்கத்தில் பகிர்ந்துள்ளார். " ரத்னா வழக்கமான அடக்கத்துடன் அப்படியே இருக்கிறார். பெப்சி உமா, மறக்க முடியுமா இவர? அதே சிரிப்புடன் அப்படியே இருக்கிறார். மாறவே இல்லை. கடவுளின் ஆசி அவருக்கு எப்போதும் இருக்க வேண்டும்" என கேப்ஷன் பதிவிட்டுள்ளார் விஜய சாரதி.

இந்த மூன்று பேருமே சன் டிவியின் ஆதி கால தூண்கள் என்றுதான் சொல்ல வேண்டும். அவரவர் பாணியை தனி அடையாளமாக்கி சன் டிவியை வளர்த்தெடுத்தவர்கள், தாங்களும் உயர்ந்தவர்கள். விஜயசாரதி பேசும் பேச்சுக்கே தனி ரசிகர் கூட்டம் உண்டு. பின்னால் நடந்தபடி பேசுவது, வித்தியாசமான செய்திகளை தொகுத்துக் கொடுப்பது.. பேட்டி காண்போரிடம் ஜாலியாக உரையாடுவது என டிசைன் டிசைனாக அனைவரையும் கவர்ந்தவர் விஜயசாரதி.

அதேபோல பெப்சி உமாவை அத்தனை சீக்கிரம் மறந்து விட முடியாது. அவரது பெப்சி உங்கள் சாய்ஸ் நிகழ்ச்சிக்காக அத்தனை பேரும் தவம் கிடப்பார்கள். அவரது கொஞ்சலான பேச்சும், யாரேனும் சீண்டினாலும் கூட அதை லாவகமாக சமாளிப்பது என்று கலக்கினார் உமா. ஒரு நடிகைக்கு உரிய அத்தனை மவுசும், செல்வாக்கும், கிரேஸும் உமாவுக்கும் இருந்தது.

இன்னொரு பிரபலம் ரத்னா. இவரது தமிழ் உச்சரிப்பு அத்தனை அழகாக இருக்கும். இவரது பேச்சுக்கும், உச்சரிப்பும் அத்தனை தித்திக்கும். நிறுத்தி நிதானமாக பேசி விட்டு ஒரு புன்னைகையுடன் நிறுத்துவார் பாருங்கள்.. அடடா.. சூப்பரப்பு. இந்த மூன்று பேரும் இல்லாத சன் டிவி.. சூரியன் இல்லாத பூமி போலத்தான் தோன்றுகிறது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

கோவை, நீலகிரிக்கு நாளை மறுநாள் மிக கனமழைக்கான ஆரஞ்ச் எச்சரிக்கை: வானிலை ஆய்வு மையம்

இந்திய இஸ்லாமிய மத குருக்களின் முயற்சியால்.. நிமிஷா பிரியாவின் மரண தண்டனை நிறுத்தி வைப்பு

அஜித்குமார் கொலை வழக்கு... காத்திருப்போர் பட்டியலுக்கு மாற்றப்பட்ட ஆஷிஷ் ராவத்திற்கு மீண்டும் பதவி

ஆசிரியர்கள், மாணவர்கள், பத்திரிகையாளர்களை வஞ்சிப்பது தான் திராவிட மாடல் அரசா?: நயினார் நாகேந்திரன்

Brain Health: இந்த 3 உணவுகள் சாப்பிட்டால் மூளை பாதிப்பு ஏற்படும்...எச்சரிக்கும் டாக்டர்கள்

இந்தியாவுக்கு வந்த டெஸ்லா.. மும்பையில் முதல் ஷோரூம் திறப்பு.. நீங் புக் பண்ணிட்டீங்களா?

உங்களுடன் ஸ்டாலின் திட்டம்.. சிதம்பரத்தில் தொடங்கி வைத்தார் முதல்வர் மு.க.ஸ்டாலின்!

தொடர் உயர்வில் இருந்து மீண்ட தங்கம் விலை... சவரனுக்கு ரூ.80 குறைவு!

கல்விக் கண் திறந்த காமராஜரின் பிறந்த நாள்.. கல்வி வளர்ச்சி நாளாக கொண்டாட்டம்