பந்திக்கு முந்து, படைக்குப் பிந்து.. இதுக்கு நிஜமான அர்த்தம் என்ன தெரியுமா?

Sep 29, 2026,03:39 PM IST

- அ. சுபாலட்சுமி

"பந்திக்கு முந்து, படைக்குப் பிந்து" என்பது உணவருந்தும் சிறப்பையும், போர்க்கால உத்தியையும் அல்லது வலது கையின் இயக்கத்தையும் குறிக்கும் ஒரு பழமொழி ஆகும்.

பொதுவான பொருள்

பந்திக்கு முந்து: உணவு அருந்தும் பந்திக்கு எப்போதுமே முந்திக்கொண்டு (முதலில்) செல்ல வேண்டும்.

படைக்குப் பிந்து: போர்க்களத்தில் எதிரிகளை எதிர்கொள்ளும் போது அல்லது சண்டைக்குச் செல்லும் போது பின்னால் நின்றால் தன்னை காப்பாற்றிக்கொள்ள முடியும்.

உண்மையான / ஆழமான அர்த்தம் (விடுகதை விளக்கம்)

இது உண்மையில் ஒரு விடுகதை பாணியில் உருவான சொற்றொடர் ஆகும். இதன் நேரடிப் பொருள் வலது கை ஆகும்.

பந்திக்கு முந்தும்: நாம் பந்தியில் சாப்பிட உட்காரும் போது உணவை எடுக்க நம் வலது கைதான் முதலில் முந்திக் கொண்டு செல்லும்.

படைக்குப் பிந்தும்: போரில் வில்லில் நாணைப் பூட்டி அம்பை எய்யும் போது, வலது கையை எவ்வளவு தூரம் பின்னோக்கி இழுக்கிறோமோ, அந்த அளவுக்கு அம்பு வேகமாகப் பாய்ந்து எதிரியைத் தாக்கும்.

இதுவே பந்திக்கு முந்தும் படைக்கு பிந்தும் என்று நம் வலது கையை குறித்து கூறிய விடுகதை ஆகும். தமிழர்கள் வீரர்கள் அன்றி கோழைகள் அல்ல.

எனவே மை டியர் மக்களே.. இனிமேல் இந்தப் பழமொழியை சாப்பாட்டு சமாச்சாரத்திற்குப் பயன்படுத்தாமல் தவிர்ப்போம்.. ஓகேவா!

(அ.சுபாலட்சுமி M.Sc, M.Ed, ஆசிரியர். பொழுதுபோக்கு: ஓவியம் வரைதல், கைவினை பொருட்கள் செய்தல்)

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

புல்லாகி, பூடாய், புழுவாய், மரமாகி பல்விருகமாகிப், பறவையாய்ப் பாம்பாகி!

பந்திக்கு முந்து, படைக்குப் பிந்து.. இதுக்கு நிஜமான அர்த்தம் என்ன தெரியுமா?

Tuesday Special: செட்டிநாடு ரெசிப்பி.. பிஞ்சு சுண்டைக்காயில் பிரியமான பச்சடி.. செம்ம டேஸ்ட்டி!

ஜெம் வீரமணி வழக்கு: முதல்வர் விஜய்யை விசாரிக்கக் கோரி டி.ஆர்.பாலு கோர்ட்டில் மனு

Short Story: மீளுதல்!

பன்முகம் கொண்ட மேஜர் சுந்தர்ராஜன்.. Let us know about this Gentleman!

சோழப் பேரரசின் மாபெரும் குலவிளக்கு: பேரரசி செம்பியன் மாதேவி

அழகு தமிழ் ராகத்திலே ஆனந்தமாய் மெட்டு எடு அன்பாக மாமன் நெஞ்சம் அடியே நீ தொட்டுவிடு!

நான் நிரந்தரமானவன்.. திருச்சியில் அரங்கேறிய மரபுப் பா கவியரங்கம்!

பந்திக்கு முந்து, படைக்குப் பிந்து.. இதுக்கு நிஜமான அர்த்தம் என்ன தெரியுமா?

Comments

சமீபத்திய செய்திகள்

அதிகம் பார்க்கும் செய்திகள்