சிந்தனைச் சிதறல்.. நாம் யாரைப் பின் தொடர வேண்டும்?

Oct 09, 2026,12:24 PM IST

- அ.தாமஸ்

நம் ஒவ்வொருவரின் வாழ்வியல் பயணத்திலும் நாம் யாரைப் பின்தொடர வேண்டும்? யார் நம்மைப் பின் தொடர வேண்டும்? நாம் இணக்கமாக யாரோடு, இணையாக யாரோடு என்பதையும் நாமே தீர்மானிக்க வேண்டும்.

நம் வாழ்வில் நமக்கான நண்பன் யார்? எதிரி யார்? துரோகி யார்? என்பதைச் சரியாக அடையாளம் கண்டு நல்லவர்களை உடன் சேர்த்து அல்லவர்களைத் தூர வீசி உண்மையான முதிர்ச்சியின் முன்னோடிகளாக நாம் எந்நாளும் விளங்கும் நிலை பெற வேண்டும்.

நம் ஒவ்வொரு செயலுக்கும் விதியைக் காரணம் கூறும் மதியற்ற செயலை ஒருகாலும் செய்து விடக்கூடாது. விதியையும் வெல்லும் ஆற்றலை இறை குறையில்லாமல் கொடுத்திருக்கிறது என்பதை நாம் நம்பும் பொழுதே இந்நிலை சாத்தியமாகிறது.

இறை நம்பிக்கை என்பது இறையை மனதில் ஏற்று குறை என்பதை அறியும் நிலையிலேயே உடன் களைந்து துணிச்சலோடு நாம் செய்யும் ஒவ்வொரு செயலுக்கும் இறை துணை நிற்கும் என்ற நம்பிக்கையின் தான் நிலைபெறுகிறது.

(அ.தாமஸ் MSc, Bed, MPhil, MSc(psycho), Fscp(psycho), ஆசிரியர், வாணி கிராமம், சிவகங்கை மாவட்டம்)