மதுரை: செங்கோட்டையன் செல்லாத நோட்டு. அவர் ஆயிரம் பேசுவார். விஜயை எந்த நாட்டுக்கு முதல்வரக்க போகிறார் செங்கோட்டையன் என்று அதிமுக முன்னாள் அமைச்சர் செல்லூர் ராஜூ தெரிவித்துள்ளார்.

இது குறித்து மதுரையில் செய்தியாளர்கள் சந்திப்பில் அவர் பேசுகையில், செங்கோட்டையனுக்கு வயசு என்ன தெரியுமா? இனிமே இவர் நாட்டுக்காக பேராடி என்ன செய்ய போகிறார். செங்கோட்டையன் செல்லாத நோட்டு. செல்லாத நோட்டு எதாவது பேசும். அவர் எங்க கட்சியில இருந்தவரு அவரை பற்றி நாங்கள் பேசக்கூடாது. அவரை யாரும் ஏற்றுக்கொள்ளவில்லை. அவர் ஆயிரம் பேசுவார். விஜயை எந்த நாட்டுக்கு முதல்வரக்க போகிறார் செங்கோட்டையன். ஏதாவது கல்லூரிக்கு வேண்டுமானால் முதல்வர் ஆக்கலாம். எல்லோரும் தன்னை எம்ஜிஆர் என சொல்லிக் கொள்ளலாம். மக்கள் அதை ஏற்க மாட்டார்கள். 

ஆதவ் அர்ஜூனா தூய்மையின் பிறப்பிடம். நாட்டுக்காக தியாகம் செய்த குடும்பம் அது. அவர் பேச வேண்டியது தான். இந்த நாட்டில் ஏழைகளின் உயிரை உருச்சி அட்டைப்பூச்சியை போல் ரத்தத்தை குடித்த குடும்பம் அது. பல மாநிலங்களில் லட்டரி சீட்டை நடத்தியது அந்த குடும்பம் தான். அவர் என்ன பேசினாலும் ஒன்றும் ஆகப்போவது கிடையாது. தேர்தலுக்கு பின்னர் தவெக என்னவாக போகிறது என்பது இப்போதா தெரிகிறது. ஆதவ்வின் பேச்சை விஜய்யின் ரசிகர்கள் ரசிக்கலாம். மக்கள் ரசிக்க மாட்டார்கள்.

ஆதவ் அர்ஜூனா எத்தனை ஊர்களுக்கு போயி மக்கள் பிரச்சனையை தீர்த்து வைத்துள்ளார். வரும் தேர்தலில் அதிமுகவிற்கும் திமுகவிற்கும் தான் நேரடியான மோதல். ஊடகங்கள் எங்களை திசை மாற்றுகின்றனர். தவெகவை பற்றி எங்களிடம் எதுவும் கேட்காதீர்கள். ஒரு காலத்தில் கருணாநிதியா?  எம்ஜிஆர் ரா? என்று இருந்தது. அதன்பின்னர் கலைஞரா? அம்மாவா என்று இருந்தது. இன்று ஸ்டாலினா? எடப்பாடியாரா என்று தான் உள்ளது. அதிமுகவிற்கும் திமுகவிற்கும் தான் நேரடி போட்டி என்று தெரிவித்துள்ளார்.