ரேஸ் டீம் பெண்ணின் ஷூ லேஸை கட்டி விட்ட அஜீத் குமார்.. அஜீத்தே அஜீத்தே.. கொண்டாடும் ரசிகர்கள்

Feb 10, 2025,06:07 PM IST

டெல்லி: நடிகர் அஜீத் குமார் தனது ரேசிங் குழுவைச் சேர்ந்த ஒரு பெண்ணின் ஷூ லேஸை கட்டி விட்ட வீடியோ வெளியாகி அவரது ரசிகர்கள் அதைக் கொண்டாடி வருகின்றனர்.

அஜீத் குமார் எது செய்தாலும் தற்போது செய்தியாகிறது, பேசப்படுகிறது, வைரலாக்கப்படுகிறது. அவரது நடிப்பில் வெளியான விடாமுயற்சி தற்போது வெற்றிகரமாக ஓடி வருகிறது. இந்த நிலையில் மீண்டும் ரேஸுக்காக போர்ச்சுகல் போயுள்ளார் அஜீத். அங்கு அவர் செய்த செயல் ரசிகர்களை கொண்டாட வைத்துள்ளது.

தனது ரேசிங் டீமைச் சேர்ந்த ஒரு பெண்ணின் ஷுூ லேசை கீழே அமர்ந்து கட்டி விட்டு ஹெல்ப் செய்துள்ளார் அஜீத். எந்த ஈகோவும் பார்க்காமல் அவர் செய்த இந்த செயலை யாரோ வீடியோ எடுத்து வெளியிட அது இப்போது வைலராகி விட்டது. இந்த வீடியோவில் அஜீத் ரேசிங் உடையில் இருக்கிறார்.

தன்னை கேமரா படம் பிடிப்பதைக் கூட தெரியாமல் அஜீத் ஈகோ பார்க்காமல் இதைச் செய்துள்ளார். இதெல்லாம் ரத்தத்தில் இருப்பது என்று சிலர் கமெண்ட் கொடுத்துள்ளனர்.

அஜீத் குமார் நடிப்பில் அடுத்து குட் பேட் அக்லி படம் ரெடியாகி வருகிறது. ஆதிக் ரவிச்சந்திரன் இயக்கத்தில் உருவாகியுள்ள இப்படம் பெரும் எதிர்பார்ப்புக்கு மத்தியில் தயாராகிக் கொண்டுள்ளது. கடந்த 30 வருடமாக நடித்து வரும் அஜீத் குமார் தற்போது ரேசிலும் அதிக ஆர்வம் காட்டி வருவது குறிப்பிடத்தக்கது.