பாமக.,வில் இருந்து ஜி.கே.மணி நீக்கம்...அன்புமணி அறிவிப்பு...என்ன செய்ய போகிறார் ராமதாஸ்?
சென்னை : பாமக.,வில் இருந்து அக்கட்சியின் கெளரவத் தலைவர் ஜி.கே.மணி நீக்கப்படுவதாக அன்புமணி தரப்பு அறிவிப்பு வெளியிட்டுள்ளது. அவரை அடிப்படை உறுப்பினர் பதவியில் இருந்தும் நீக்குவதாக தலைமை நிலைய அறிக்கை வெளியிடப்பட்டுள்ளது. இதற்கு பாமக நிறுவனர் டாக்டர் ராமதாஸின் எதிர்வினை என்னவாக இருக்கும் என்பது தான் அனைவரின் எதிர்பார்ப்பாக உள்ளது.
பாமக.,வில் 30 ஆண்டுகளுக்கும் மேலாக தலைவராக இருப்பவர் ஜி.கே.மணி. இவர் கட்சிக்கு எதிராக சட்ட விரோத செயல்களில் ஈடுபட்டதாக கூறப்பட்டது. அவர் மீதான குற்றச்சாட்டிற்கு விளக்கம் கேட்டும், இந்த குற்றத்திற்காக ஏன் அவரை கட்சியின் கெளரவ தலைவர் பதவியில் இருந்து நீக்கக் கூடாது என கேட்டும் ஜி.கே.மணிக்கு டிசம்பர் 18ம் தேதி நோட்டீஸ் அனுப்பப்பட்டது. ஆனால் அதற்கு அவர் பதிலளிக்காததால், இன்று அவர் கட்சியின் அடிப்படை உறுப்பினர் உள்ளிட்ட அனைத்து பதவிகளில் இருந்தும் நீக்கப்படுவதாக அறிவிக்கப்பட்டுள்ளது.
அன்புமணி தரப்பின் இந்த அறிவிப்பால் பாமக.,வில் உட்கட்சி பூசல் உச்சகட்டத்தை எட்டி உள்ளது. பாமக.,வின் முக்கிய தலைவர்களில் ஒருவராகவும், அக்கட்சியின் நிறுவனர் ராமதாசிற்கு மிகவும் நெருக்கமானவராகவும் பல ஆண்டுகளாக இருந்து வரும் மூத்த தலைவர் ஜி.கே.மணி. அவரை கட்சியில் இருந்து நீக்கி உள்ளதற்கு ராமதாஸ் தரப்பின் ரியாக்ஷன் எப்படி இருக்கும் என அனைவரும் எதிர்பார்த்துக் கொண்டிருக்கிறார்கள். இதனால் பாமக.,வில் அடுத்து என்ன நடக்கும், கட்சியின் எதிர்காலம் எப்படி இருக்கும் என தொண்டர்கள் உள்ளிட்ட அனைவரும் கலக்கத்தில் உள்ளனர்.
சமீபத்திய செய்திகள்
Tamil Nadu Budget: ஆகஸ்ட் 5-இல் தமிழ்நாடு பட்ஜெட் தாக்கல்: சபாநாயகர் ஜே.சி.டி. பிரபாகர் அறிவிப்பு!
பெரம்பூர் தேர்தல் வழக்கு : முதல்வர் விஜய்க்கு நோட்டீஸ் அனுப்ப நீதிமன்றம் உத்தரவு
எம்எல்ஏ.,வை கைது செய்ய முடியுமா?: சபாநாயகர் விளக்கம்!
பிரதமர் மோடி நிபந்தனையின்றி மன்னிப்பு கேட்க வேண்டும் : ராகுல் காந்தி விமர்சனம்
“எங்களுக்கு அநீதி நடந்துள்ளது” – 'ஜனநாயகன்' ரிலீஸ் குறித்து இயக்குனர் எச்.வினோத் பரபரப்பு பேட்டி!
"புத்தகப் பை சுமை குறைக்கப்படும்": பள்ளிக் கல்வித் துறை அமைச்சர் ராஜ்மோகன் அறிவிப்பு!
மக்களவையில் 2ஆவது நாளாக எதிர்கட்சிகள் அமளி: தொடர்ந்து அவை ஒத்திவைப்பு!
பிரதமர் மோடி தலைமையில் தே.ஜ.கூட்டணி எம்.பி.க்கள் ஆலோசனைக் கூட்டம்
பி.வி. சிந்துவுக்கு விராட் கோலி சொன்ன அந்த ஒரு வார்த்தை.. ஜப்பானில் நடந்த மேஜிக்!
{{comments.comment}}