பீகார் சட்டசபைத் தேர்தல்.. வாக்களிக்கத் தயாராகும் 7.4 கோடி வாக்காளர்கள்.. இறுதிப் பட்டியல் வெளியீடு
பாட்னா: பீகார் மாநில சட்டசபைத் தேர்தலுக்கான இறுதி வாக்காளர் பட்டியலை இந்திய தேர்தல் ஆணையம் (EC) செவ்வாய்க்கிழமை வெளியிட்டது. இந்த பட்டியலில் மொத்தம் 7.4 கோடி வாக்காளர்கள் உள்ளனர். இது முந்தைய எண்ணிக்கையை விட 6% குறைவு.
சிறப்பு தீவிர திருத்தப் பணி (SIR) காரணமாக, ஜூன் 24 அன்று இருந்த 7.9 கோடி வாக்காளர்களில் இருந்து சுமார் 47 லட்சம் வாக்காளர்கள் குறைந்துள்ளனர். ஆனால், ஆகஸ்ட் 1 அன்று வெளியிடப்பட்ட வரைவுப் பட்டியலை விட 17.9 லட்சம் வாக்காளர்கள் அதிகமாக உள்ளனர். 3.7 லட்சம் வாக்காளர்கள் "தகுதியற்றவர்கள்" என்று நீக்கப்பட்டனர். அதே நேரத்தில் 21.5 லட்சம் புதிய வாக்காளர்கள் சேர்க்கப்பட்டனர். இந்த பட்டியல் வெளியீடு தேர்தல் தேதி அறிவிப்புக்கான பணிகளைத் தொடங்கி வைத்துள்ளது. தேர்தல் செயல்முறையின் போது துணைப் பட்டியல்கள் வெளியிடப்படும். எனவே இறுதி எண்ணிக்கையில் சிறிய மாற்றம் இருக்கலாம்.
பீகாரில் தேர்தல் ஆணையம் நடத்திய சார் எனப்படும் SIR சிறப்பு திருத்த நடைமுறை பெரும் சர்ச்சையை ஏற்படுத்தியது. இது சுப்ரீம் கோர்ட் வரை சென்றது. தேர்தல் பிரச்சாரத்தை விட இந்த தேர்தல் வாக்காளர் பட்டியல் திருத்தப் பணிதான் பிரதானமாக இருந்தது. வழக்கமான பிரச்சினைகள் இரண்டாம் இடத்திற்கு தள்ளப்பட்டன.
எதிர்க்கட்சிகள் SIR-க்கு கடும் எதிர்ப்பு தெரிவித்தன. ஆரம்பத்தில் 65 லட்சம் வாக்காளர்களின் பெயர்கள் நீக்கப்பட்டன. பல்வேறு காரணங்களுக்காக இந்த நீக்கங்கள் நடந்தன. இதையடுத்து போராட்டங்கள் வெடித்தன. முதல் பெரிய போராட்டம் ஆகஸ்ட் 17 அன்று நடந்தது. காங்கிரஸ் எம்பி ராகுல் காந்தி வாக்காளர் அதிகார யாத்திரையை நடத்தினார். ஒட்டுமொத்த எதிர்க்கட்சிகளும் அவருக்கு ஆதரவு அளித்தன என்பது நினைவிருக்கலாம்.
சமீபத்திய செய்திகள்
Tamil Nadu Budget: ஆகஸ்ட் 5-இல் தமிழ்நாடு பட்ஜெட் தாக்கல்: சபாநாயகர் ஜே.சி.டி. பிரபாகர் அறிவிப்பு!
பெரம்பூர் தேர்தல் வழக்கு : முதல்வர் விஜய்க்கு நோட்டீஸ் அனுப்ப நீதிமன்றம் உத்தரவு
எம்எல்ஏ.,வை கைது செய்ய முடியுமா?: சபாநாயகர் விளக்கம்!
பிரதமர் மோடி நிபந்தனையின்றி மன்னிப்பு கேட்க வேண்டும் : ராகுல் காந்தி விமர்சனம்
“எங்களுக்கு அநீதி நடந்துள்ளது” – 'ஜனநாயகன்' ரிலீஸ் குறித்து இயக்குனர் எச்.வினோத் பரபரப்பு பேட்டி!
"புத்தகப் பை சுமை குறைக்கப்படும்": பள்ளிக் கல்வித் துறை அமைச்சர் ராஜ்மோகன் அறிவிப்பு!
மக்களவையில் 2ஆவது நாளாக எதிர்கட்சிகள் அமளி: தொடர்ந்து அவை ஒத்திவைப்பு!
பிரதமர் மோடி தலைமையில் தே.ஜ.கூட்டணி எம்.பி.க்கள் ஆலோசனைக் கூட்டம்
பி.வி. சிந்துவுக்கு விராட் கோலி சொன்ன அந்த ஒரு வார்த்தை.. ஜப்பானில் நடந்த மேஜிக்!
{{comments.comment}}