மருத்துவமனையில் அனுமதிக்கப்பட்ட.. பாஜக மூத்த தலைவர் எல்.கே. அத்வானி எப்படி இருக்கிறார்?

Dec 14, 2024,02:45 PM IST

டெல்லி: திடீர் உடல்நலக்குறைவு காரணமாக பாஜக மூத்த தலைவர் எல்.கே.அத்வானி மருத்துவமனையில் அனுமதிக்கப்பட்டுள்ளார். அவரது உடல் நிலை ஸ்திரமாக இருப்பதாக மருத்துவமனை வட்டாரத் தகவல்கள் தெரிவிக்கின்றன.

பாஜக மூத்த தலைவர் எல்.கே.அத்வானி 1999-2004 வரை மத்திய உள்துறை அமைச்சராகவும், 2002-204 வரை துணைப் பிரதமராகவும் பதவி விகித்தவர். தற்போது அவருக்கு 97 வயதாகிறது. தீவிர அரசியலை விட்டு வெகு காலத்திற்கு முன்பே விலகி விட்ட அவர் ஓய்வில் இருந்து வருகிறார்.

அத்வானிக்கு கடந்த ஜூலை மாதம் சிறுநீரக தொடர்பான தொற்று ஏற்பட்டிருந்தது. அப்பொழுது மருத்துவனையில் அனுமதிக்கப்பட்டு சிகிச்சை பெற்று வந்தார். அதன்பின்னர் உடல்நிலை சீரான நிலையில் வீடு திரும்பினார். அதன்பின்னர் ஒரிரு நாளில் மீண்டும் உடல்நிலை பாதிக்கப்பட்டது. மீண்டும் மருத்துவமனையில் அனுமதிக்கப்பட்டார்.

அதன்பின்னர் அவ்வப்போது மருத்துமனைக்கு போவதும் வீட்டிற்கு வருவதுமாக இருந்து வருகிறார். தற்போது அவருடைய உடல்நிலை சீராக உள்ளதாகவும்,அவர் தொடர்ந்து மருத்துவக் கண்காணிப்பில் இருந்து வருவதாகவும் மருத்துவமனைத் தரப்பில் தெரிவிக்கப்பட்டுள்ளது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்