Window Seat: விண்டோ சீட் கேட்டு வாங்கி.. கடைசியில் ஜன்னாலே இல்லாட்டி எப்புடிப்பா!

Feb 09, 2023,10:03 AM IST

டெல்லி: விண்டோ சீட்.. இந்த வார்த்தையைக் கேட்டாலே பலருக்கும் காதில் ஹெட்போன் மாட்டி அனிருத் பாட்டு கேட்கும் ஞாபகம் வந்து விடும். ஆனால் விண்டோ சீட்டுக்காக தனியாக டிக்கெட் புக் பண்ணி கடைசியில் அந்த இடத்தில் ஜன்னலே இல்லாமல் ஏமாந்து போயுள்ளார் ஒருவர்.

விண்டோ சீட்.. அதாங்க ஜன்னலோர சீட்.. இதைப் பிடிக்க பஸ் ரயில்களில்தான் அடித்துக் கொள்வார்கள் என்றில்லை.. விமானத்திலும் கூட இதே அக்கப்போர்தான். சமீபத்தில் கூட பிரேசிலில் ஜன்னலோர சீட்டுக்காக 15 பெண்கள் கூடி சரமாரியாக அடித்து ஜாக்கெட் கிழிந்து, தலைமுடி கொத்தாக பிய்ந்து கொண்டு போன கதையைப் பார்த்தோம்.

இந்த நிலையில் இன்னொரு விண்டோ சீட் கூத்து நடந்துள்ளது. ஆனால் பயப்படாதீர்கள்.. இது ஜாலியான கதைதான்.

அனிருத் மிட்டல் என்பவர் பிரிட்டிஷ் ஏர்வேஸ் நிறுவன விமானத்தில் ஒரு டிக்கெட் எடுத்துள்ளார். ஜன்னலோர சீட் வேண்டும் என்று வலியுறுத்திக் கேட்டுள்ளார். வேற சீட்டெல்லாம் வேண்டவே வேண்டாம் என்று கூறி வேண்டி விரும்பி ஒரு ஜன்னலோர சீட்டைப் பிடித்து விட்டார். இதற்காக எக்ஸ்ட்ராவாகவும் அவர் செலவிட்டதுதான் ஹைலைட்.

ஜன்னலோரமாக அமர்ந்து வானத்தை வேடிக்கை பார்த்தபடி.. பாட்டுக் கேட்டபடி.. உலகை ரசித்தபடி லண்டன் போகப் போகிறோம் என்று செம குஷியாக விமானத்துக்கு வந்தவர் அப்படியே வடிவேலு மாதிரி ஷாக்காகி விட்டார். ஏன்னு கேட்கறீங்களா.. மிட்டலுக்கு ஒதுக்கப்பட்ட சீட்டுக்கு பக்கத்தில் ஜன்னலே கிடையாது.. அவருக்கு முந்தைய வரிசையிலும், பின்னாடி உள்ள வரிசையிலும் ஜன்னல் இருந்தது. ஆனால் இவர் இருந்த வரிசையில் ஜன்னலே இல்லை.

எப்படி இருக்கும் மிட்டலுக்கு.. அப்படியே பக்கென்று ஆகி விட்டதாம். இதை உடனடியாக ஒரு போட்டோ எடுத்து தனது சொந்தக் கதை சோகக் கதையை சமூக வலைதளத்தில் போட வந்து குவிந்து விட்டன கமெண்ட்டுகள். விண்டோ இருந்தாலும் சண்டை.. இல்லாட்டியும் சோகம்..!

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

ஆணவம், அழிவுக்கு வழிவகுக்கும்; தொடர்ச்சியான ஆணவம், அழிவை விரைவுபடுத்தும்.. மு.க.ஸ்டாலின்

அனிதா ராதாகிருஷ்ணன் சொத்துக் குவிப்பு வழக்கு : அமலாக்கத் துறை மனு தள்ளுபடி

தவெக எம்எல்ஏ.,விடம் குதிரை பேரம் நடத்திய வழக்கு விசாரணைக்கு சென்னை ஹைகோர்ட் தடை

கைது செய்யப்பட்ட உதயநிதியை விசாரணைக்குப் பின்.. இன்றே விடுவிக்க வேண்டும்.. ஹைகோர்ட்

உதயநிதி ஸ்டாலின் கைது... அதிமுக பொதுச் செயலாலர் எடப்பாடி பழனிச்சாமியின் கருத்து என்ன?

உதயநிதி ஸ்டாலின் மீது வழக்குபதியப்பட்ட 9 சட்டப் பிரிவுகள் எவை? ஜாமீன் கிடைக்குமா?

உதயநிதி ஸ்டாலின் கைது.. தவெக கொண்டாட்டம்.. திமுக போராட்டம்.. தலைவர்கள் சொல்வது என்ன?

நான் அப்படி பேசவே இல்லை: கைது பற்றி உதயநிதி ஸ்டாலின் விளக்கம்

உதயநிதி ஸ்டாலின் கைது : டெல்லியில் எம்.பிக்கள்.. தமிழ்நாடு முழுவதும் திமுக.,வினர் ஆர்ப்பாட்டம்!