நீதி அழுகிறது.. சுப்ரீம் கோர்ட்டில் புதிய வரலாறு படைத்த மமதா பானர்ஜி!
டெல்லி: தேர்தல் ஆணையத்தின் சார் தேர்தல் பணிகளுக்கு எதிரான வழக்கில் இன்று மேற்கு வங்காள முதல்வர் மமதா பானர்ஜி நேரில் ஆஜராகி வாதாடி புதிய வரலாறு படைத்துள்ளார்.
உச்சநீதிமன்ற வழக்கில் ஒரு மாநில முதல்வர் ஒரு வழக்கில் ஆஜராகி வாதாடியது இதுவே முதல் முறையாகும் என்பதால் மமதா பானர்ஜி தேசிய அளவில் பேசு பொருளாகியுள்ளார்.
மேற்கு வங்கத்தில் சட்டசபைத் தேர்தல் நடைபெறவுள்ளது. இதையொட்டி தேர்தல் ஆணையம் அங்கு வாக்காளர் பட்டியலைத் திருத்தும் சிறப்பு தீவிரத் திருத்தப் பணிகளை நடத்தி வருகிறது (SIR). இந்த நடவடிக்கையை எதிர்த்து தொடரப்பட்டுள்ள வழக்கில், முதல்வர் மம்தா பானர்ஜி உச்ச நீதிமன்றத்தில் நேரில் ஆஜராகி வாதிட்டார்.
தலைமை நீதிபதி சூர்யா காந்த் தலைமையிலான அமர்வின் முன் ஆஜரான மம்தா பானர்ஜி வாதிடுகையில், நீதிமன்றத்தின் மூடிய கதவுகளுக்குப் பின்னால் நீதி அழுதுகொண்டிருக்கிறது. தேர்தல் ஆணையத்தின் இந்த நடவடிக்கை மக்களின் அடிப்படை உரிமைகளைப் பாதிப்பதாகும். தயவுசெய்து மக்களின் உரிமைகளைப் பாதுகாக்கவும்.
இது தொடர்பாகத் தேர்தல் ஆணையத்திற்கு ஆறு முறை கடிதம் எழுதியும் எனக்கு எந்தப் பதிலும் கிடைக்கவில்லை. எனது தொகுதியில் மட்டும் சுமார் 40,000 வாக்காளர் பெயர்கள் நீக்கப்பட்டுள்ளனர். நான் ஒரு கட்சி சார்பில் வாதாட வரவில்லை, மக்களுக்காக வாதாடுகிறேன் என்றார் மமதா பானர்ஜி.
மம்தா பானர்ஜியின் வாதங்களைக் கேட்டறிந்த உச்ச நீதிமன்றம், இது குறித்த மனு தொடர்பாக இந்தியத் தேர்தல் ஆணையத்திற்கு நோட்டீஸ் அனுப்ப உத்தரவிட்டது. இந்த வழக்கின் அடுத்தகட்ட விசாரணை வரும் திங்கட்கிழமைக்கு ஒத்திவைக்கப்பட்டுள்ளது.
வழக்கின் விசாரணையின்போது மமதா பானர்ஜியின் குற்றச்சாட்டுக்களில் ஒரு நியாயம் உள்ளது. அதை புறக்கணிக்க முடியாது. ஒவ்வொரு பிரச்சினைக்கும் தீர்வு உண்டு. தேர்தல் ஆணையம் அதை சரி செய்ய முன்வர வேண்டும் என்று நீதிபதிகள் தெரிவித்தனர்.
சமீபத்திய செய்திகள்
தமிழகத்தில் தீவிரமடையும் வடகிழக்கு பருவமழை: 27 மாவட்டங்களுக்கு கனமழை எச்சரிக்கை!
"பொய் வழக்கு...தில்லுமுல்லு அரசியல்!" – மன்னன் கைதுக்கு எடப்பாடி பழனிசாமி, செல்லூர் ராஜு கண்டனம்
கொளத்தூர் தவெக எம்எல்ஏ வி.எஸ்.பாபு டிஸ்சார்ஜா? அமைச்சர் அருண்ராஜ் விளக்கம்
கோவை பெரியார் அறிவுலகத்தில் ஊழல்? எழுத்தாளர் பெருமாள் முருகன் குற்றச்சாட்டிற்கு அமைச்சர் விளக்கம்
அதிமுக பிரமுகர் மன்னன் கைது: தவெக எம்எல்ஏ-விடம் ரூ.30 கோடி பேரம் பேசிய விவகாரத்தில் நடவடிக்கை!
தீபாவளி பண்டிகை 2026 : தமிழகம் முழுவதும் இன்று ரேஷன் கடைகள் இயங்கும் - அரசு அறிவிப்பு!
Deepavali Special Buses: தீபாவளி பண்டிகை - தமிழ்நாடு முழுவதும் 15,659 சிறப்பு பேருந்துகள் இயக்கம்
தமிழகத்தில் 5 தொகுதிகளுக்கு இடைத்தேர்தல்: டிசம்பர் 20-க்குள் நடத்த தேர்தல் ஆணையம் திட்டம்!
ரூ.100-க்கு 10 காய்கறிகள்! தீபாவளி பண்டிகையை முன்னிட்டு கூட்டுறவுத்துறை அதிரடி அறிவிப்பு!
{{comments.comment}}