தூத்துக்குடி, நெல்லை மாவட்ட மக்களுக்கு ரூ. 6000 வெள்ள நிவாரணம் வழங்கப்படும் - முதல்வர் மு.க.ஸ்டாலின்
திருநெல்வேலி: தூத்துக்குடி மற்றும் திருநெல்வேலி மாவட்டத்தில் வெள்ளத்தால் பாதிக்கப்பட்ட மக்களுக்கு ரூ. 6000 நிவாரணத் தொகையாக வழங்கப்படும் என்று முதல்வர் மு.க.ஸ்டாலின் கூறியுள்ளார்.
தூத்துக்குடி மற்றும் நெல்லையில் இன்று வெள்ளம் பாதித்த பகுதிகளை முதல்வர் மு.க.ஸ்டாலின் நேரில் சென்று பார்வையிட்டார். மேற்கொள்ளப்பட்டு வரும் நிவாரணப் பணிகள் குறித்தும் அவர் அதிகாரிகளிடம் கேட்டறிந்தார்.
அதன் பின்னர் மாலையில் முதல்வர் ஸ்டாலின் செய்தியாளர்களைச் சந்தித்தார். இந்த சந்திப்பின்போது நான்கு மாவட்டங்களில் ஏற்பட்ட கன மழை மற்றும் பெருவெள்ளம் தொடர்பாக அரசு எடுத்த நடவடிக்கைகளை விளக்கிக் கூறினார் முதல்வர். அதன் பின்னர் பிரதமர் நரேந்திர மோடியை தான் சந்தித்தது குறித்தும் அவர் விளக்கினார்.
பிரதமர் மோடியை 20 நிமிடங்கள் தான் சந்தித்ததாகவும், கோரிக்கைகளை மனுவாக அவரிடம் கொடுத்துள்ளதாகவும், தென் மாவட்டங்களுக்கு மட்டும் ரூ. 2000 கோடியை உடனடியாக விடுவிக்க வேண்டும் என்று தான் கேட்டுக் கொண்டதாகவும், உடனடியாக நடவடிக்கை எடுப்பதாக பிரதமர் உறுதி அளித்ததாகவும் முதல்வர் தெரிவித்தார்.
அதன் பின்னர் நெல்லை, தூத்துக்குடி மாவட்டத்தில் வெள்ளத்தால் பாதிக்கப்பட்ட மக்களுக்கு ரூ. 6000 நிவாரணம் வழங்கப்படும் என்றும், கன்னியாகுமரி, தென்காசி மாவட்ட மக்களுக்கு ரூ. 1000 வழங்கப்படும் என்றும் முதல்வர் அறிவித்தார்.
தனது பேட்டியின்போது அடிக்கடி டெல்லி செல்லும் ஆளுநர், மத்திய அரசிடம் வலியுறுத்தி வெள்ள நிவாரண நிதியைப் பெற்றுத் தர வேண்டும் என்றும் கோரிக்கை விடுத்தார்.
சமீபத்திய செய்திகள்
11 மாவட்டங்களில் நாளை கனமழை பெய்ய வாய்ப்பு: சென்னை வானிலை மையம் அறிவிப்பு!
கன்னியாகுமரி கண்ணாடி பாலத்தில் விரிசலா.. மாவட்ட கலெக்டர் அழகு மீனாவின் விளக்கம் இதுதான்!
இலங்கை தமிழ் அகதிகளுக்கு நீண்டகால விசாவும், குடியுரிமையும் வழங்கும் சட்ட திருத்தமும் தேவை: அன்புமணி
மதுரை விமான நிலையத்திற்கு முத்துராமலிங்கத் தேவர் பெயர்.. 2 தலித் கட்சிகள் எதிர்ப்பு
முதல்வர் மு.க.ஸ்டாலின் தலைமையில் நாளை திமுக மாவட்டச் செயலாளர்கள் கூட்டம்
தலைமை சொல்வதை கேட்பதே எனது பொறுப்பு: தமிழக பாஜக தலைவர் நயினார் நாகேந்திரன்!
ரஷ்யா மீது 2வது கட்ட பொருளாதார தடை விதிக்கப் போறேன்.. டொனால்ட் டிரம்ப் அறிவிப்பு
கண்மணியே உன் கா(த)ல் தடம் தேடி..1 (கவிதைத் தொடர்)
ஆசிய கோப்பை ஹாக்கி 2025.. 8 வருடங்களுக்குப் பிறகு கோப்பையை வென்று இந்தியா அசத்தல்
{{comments.comment}}