என்னது முட்டை பொரியலா.. பயப்படாதீங்க.. இத வேற லெவல்ங்க.. வாங்க சமைக்கலாம்!

Dec 31, 2022,10:18 PM IST

வழக்கமான முறையில் முட்டை பொரியல் செய்து சாப்பிட்டு அலுத்துவிட்டதா?? கவலையை விடுங்க பாஸ்.. இதோ!! ஒரு மாற்று வழி இருக்கு.. இப்படி ஒரு முறை செய்து சுவைத்துவிட்டால் மீண்டும் மீண்டும் சாப்பிட தூண்டும்.. சலித்து போகவே போகாது.. அப்படிப்பட்ட முட்டை பொரியலை எப்படி செய்வது என்று தெரிந்து கொள்வோமா!!!

வாங்க கிச்சனுக்குள் போகலாம்

முட்டைப் பொரியல் செய்ய என்னெல்லாம் தேவை?

முட்டை - 4

பெரிய வெங்காயம் - 2

தக்காளி - 1

கரிவேப்பிலை - 10 இலைகள்

கொத்தமல்லி - 10 தண்டுகளுடன்

மிளகுதூள் - 1/2 தேக்கரண்டி

மிளகாய்தூள் - 1/4 தேக்கரண்டி

மஞ்சள் தூள் - 2 சிட்டிகை

கடுகு - 2 சிட்டிகை

சீரகம் - 1 சிட்டிகை

சோம்பு - 1 சிட்டிகை

உப்பு - தேவைக்கேற்ப

எப்படி பண்ணலாம்?

இரண்டு பெரிய வெங்காயத்தையும் ஒரு தக்காளியையும் நறுக்கி சேர்த்து நன்றாக அரைத்து எடுக்கவும்..

பிறகு கரிவேப்பிலை மற்றும் கொத்தமல்லியையும் பொடி பொடியாக நறுக்கி கொள்ளவும்.. நான்கு முட்டையையும் ஒரு பாத்திரத்தில் உடைத்து ஊற்றி நன்றாக அடித்து கலக்கி வைக்கவும்..

அடுப்பில் குழியான பாத்திரம் ஒன்றை வைத்து அதில் தேவையான அளவு நல்லெண்ணெய் ஊற்றவும்.. எண்ணெய் சூடேறியதும் அதில் கடுகு, சீரகம், சோம்பு போட்டு பொரியும் வரை காத்திருக்கவும்.. பிறகு அரைத்து வைத்திருக்கும் வெங்காயம் தக்காளி கலவையை ஊற்றி மிதமான சூட்டில் கிண்டவும்.. பச்சை வாசனை போன உடன் அதில் நறுக்கிய கரிவேப்பிலை கொத்தமல்லி தூவி கிளறவும்.. மஞ்சள் தூள், மிளகு தூள், மிளகாய் தூள், உப்பு சேர்த்து ஒன்றாகி எண்ணெய் திரண்டு வர, அப்போது அதில் அடித்து வைத்த முட்டையை ஊற்றி இடைவெளி விடாமல் கட்டி தட்டாமல் குறைந்த நெருப்பில் கிளறவும்..

முட்டை வெந்திருக்க வேண்டும் ஆனால் ஈர பதம் முழுமையாய் போய் விடாமலும் இருக்க வேண்டும்.. (கிட்டத்தட்ட ஆப் பாயில் மாதிரி). அந்த பக்குவத்தில் நெருப்பை அணைத்து, பரிமாறி சுவைத்து பாருங்கள்.. அருமையாய் இருக்கும்.. வாயில் வைத்தவுடன் கரைந்து போகும்.. சாப்பிட்டு முடித்தவுடனும் மீண்டும் சமைத்து உண்ண ஆசை வரும்..

இதை சாதம், தோசை, சப்பாத்தி, பூரி என எல்லா உணவுடனும் உண்ணலாம்.. அப்படியேவும் கூட சாயங்காலம் தேநீர் அருந்தும்போதும் சாப்பிடலாம்.. சுலபமான, சுவையான, சலிக்காத சிறு சமையல் ரகசியம்.. என்ன சாப்பிட்டு ருசிச்சீங்களா.. அப்படியே மற்றவரிடமும் பகிர்ந்து கொள்ளுங்களேன்!!

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

SIR:முதலமைச்சர் மு.க.ஸ்டாலின் உடனடியாக அனைத்து கட்சி கூட்டத்தை கூட்ட வேண்டும்: திருமாவளவன்

ஆந்திராவில் பேருந்து விபத்தில் 20 பேர் பலி: விபத்திற்கான காரணமாக வெளிவந்த அதிர்ச்சி தகவல்

ஐஸ்லாந்தும் என் ஆளுகையில்.. ஒத்தக் கொசு.. மொத்த நாடும் அலறுதே.. க(ப)டிச்சுப் பாருங்க!

12 மாவட்டங்களுக்கு இன்றும், 6 மாவட்டங்களுக்கு நாளையும் கனமழைக்கு வாய்ப்பு: சென்னை வானிலை மையம் தகவல்

பாமக செயல் தலைவராக ஸ்ரீகாந்திமதி நியமனம்: பாமக நிறுவனர் டாக்டர் ராமதாஸ் அறிவிப்பு!

Cyclone Montha... அக்.,28ல் ஆந்திரா மாநிலம் காக்கிநாடா அருகே கரையை கடக்கிறது: வானிலை மையம் அறிவிப்பு

நெல்லின் ஈரப் பதம்.. தமிழ்நாட்டில் மத்தியக் குழு.. நாமக்கல் அரிசி ஆலையில் இன்று ஆய்வு

10 மற்றும் 12ம் வகுப்பு பொதுத்தேர்வு அட்டவணை நவ., 4ம் தேதி வெளியீடு: அமைச்சர் அன்பில் மகேஸ்!

காலையில் தினமும் கண் விழித்தால் கை தொழும் தேவதை... டீ.. ஆனால் வெறும் வயிற்றில் குடித்தால்??