ஆட்டிப்படைக்கும் குளிர்.. டெல்லி சிறைக் கைதிகளுக்கு குளிக்க சுடு தண்ணீர் தர உத்தரவு!

Jan 10, 2023,09:32 AM IST

டெல்லி: டெல்லியில் கடும் குளிர் நிலவி வருவதால் அங்குள்ள சிறைக் கைதிகள் குளிப்பதற்கு சுடு தண்ணீர் தர துணை நிலை ஆளுநர் வி.கே.சக்ஸேனா உத்தரவிட்டுள்ளார்.

டெல்லி சிறைகள் குறித்த ஆய்வுக் கூட்டம் டெல்லியில் துணைநிலை ஆளுநர் சக்ஸேனா தலைமையில் நடந்தது. அப்போது டெல்லியில் நிலவி வரும் கடும் குளிரைத் தொடர்ந்து சிறைக் கைதிகள் நலனுக்கான நடவடிக்கைகள் குறித்து சில உத்தரவுகளை ஆளுநர் பிறப்பித்தார்.

டெல்லி திகார், ரோஹினி மற்றும் மண்டோலியில் உள்ள 16 சிறைகளிலும் அடைக்கப்பட்டுள்ள கைதிகள் குளிப்பதற்கு சுடு தண்ணீர் தர வேண்டும்.. 65 வயதுக்கு மேற்பட்ட கைதிகளுக்கு கம்பளி போர்வை தரப்பட வேண்டும். தற்போது கைதிகளுக்கு மரக் கட்டில் தரப்பட்டுள்ளது என்பது குறிப்பிடத்தக்கது.

தற்போது வசதியான கைதிகள் சுடுதண்ணீரை விலை கொடுத்து வாங்கிக் குளிக்கின்றனர். ஆனால் சாமானியக் கைதிகளால் அது முடியவில்லை என்பதால் அவர்கள் கடும் குளிரில் நடுங்கியபடி பச்சைத் தண்ணீரில் குளிக்கும் நிலை உள்ளது. அல்லது குளிக்காமலேயே இருக்கும் சூழலும் ஏற்படுகிறது. இதனால் சுகாதாரப் பிரச்சினையும் ஏற்படும் வாய்ப்பு ஏற்பட்டுள்ளது. இதையடுத்தே அனைவருக்கும் சுடு தண்ணீர் தர துணை நிலை ஆளுநர் உத்தரவிட்டுள்ளார்.

டெல்லியில் தொடர்ந்து கடும் குளிர் வாட்டி வதைத்து வருகிறது. வெளியில் பனிமூட்டமும் அதிகமாக இருக்கிறது. வானிலை ஆய்வு மையம் ரெட் அலர்ட்டும் விடுத்திருப்பது குறிப்பிடத்தக்கது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

விஜய் வேண்டுமா? ஸ்டாலின் வேண்டுமா?...தஞ்சையில் விஜய் ஆவேச பேச்சு

இந்தி பெயரை மொழிபெயர்த்து தமிழிலேயே குறிப்பிட வேண்டும்: எடப்பாடி பழனிச்சாமி வலியுறுத்தல்

உலக அமைதியை உருக்குலைக்கும் மத்திய கிழக்கு போர்.. பதற்றத்தைத் தணிப்பாரா பிரதமர் மோடி?

Iran war ஈரானின் புதிய தலைவராக அயதுல்லா அலி கமேனியின் மகன் மொஜ்தபா தேர்வு

மக்களின் மனங்களை வென்ற தாய் கிழவி: வெற்றியை கேக் வெட்டி கொண்டாடிய படக்குழுவினர்!

தமிழகத்தில் அடுத்த 7 நாட்களுக்கு மழை இருக்கா... இல்லையா... இதோ வானிலை மைய அறிவிப்பு!

உலக உடல் பருமன் தினம் 2026: குண்டானவர்கள் அதிகம் இருக்கும் நாடுகளில் இந்தியாவிற்கு எந்த இடம்?

Middle East tension: பதட்டத்தில் மத்திய கிழக்கு.. பரபரக்கும் உறவுகளும், நட்பும்.. அக்கறைக்கு நன்றி

சந்தோஷம்!