தேமுதிக வேட்பாளர் பட்டியல்...விருதுநகரில் விஜயகாந்த் மகன் விஜயபிரபாகரன் போட்டி

Mar 22, 2024,03:26 PM IST

சென்னை: லோக்சபா தேர்தலில் தேமுதிக சார்பில் போட்டியிடும் 5 பேர் கொண்ட வேட்பாளர் பட்டியல் வெளியிடப்பட்டுள்ளது. இதில் விருதுநகரில் மறைந்த நடிகரும், தேமுதிக தலைவருமான விஜயகாந்தின் மூத்த மகன் விஜயபிரபாகரன் போட்டியிடுகிறார்.

அதிமுக கூட்டணியில் இடம் பெற்றுள்ள தேமுதிகவுக்கு ஐந்து தொகுதிகள் ஒதுக்கப்பட்டுள்ளன. அதன்படி மத்திய சென்னை, திருவள்ளூர் (தனி), கடலூர், விருதுநகர், தஞ்சாவூர் ஆகிய தொகுதிகளில் தேமுதிக போட்டியிடவுள்ளது. நேற்றே தொகுதிகள் வெளியாகிய நிலையில், இன்று தான் தேமுதிக வேட்பாளர்கள் பட்டியலை வெளியிட்டுள்ளது. இந்த மக்களவை தேர்தலில் போட்டியிடும் அதிமுக மற்றும் தேமுதிக இரு கட்சிகளும் முன்னாள் தலைமைகளாக இருந்த ஜெயலலிதா மற்றும் விஜயகாந்த் இல்லாமல் இந்த தேர்தலை சந்திக்கின்றன.

தேமுதிக வேட்பாளர் பட்டியல் :

விருதுநகர் - விஜய பிரபாகரன்

திருவள்ளுர் (தனி) - நல்லதம்பி

மத்திய சென்னை - பார்த்தசாரதி

கடலூர் - சிவக்கொழுந்து

தஞ்சாவூர் - சிவனேசன்

ஆகியோர் தேமுதிக சார்பில் போட்டியிட உள்ள வேட்பாளர்களாகும். இந்த தேர்தலில் விருதுநகரில் பாஜக சார்பில் போட்டியிடும் ராதிகா சரத்குமாரை எதிர்த்து விஜயகாந்தின் மகன் விஜயபிரபாகரன் போட்டியிடுகிறார். இவ்விருவரும் போட்டியிடுவதால் விருதுநகர் இந்த வருடம் கலை கட்டும் என தொண்டர்கள் கருத்து தெரிவித்து வருகின்றனர். இணையதள பக்கங்களிலும் இது குறித்த தகவல்கள் தீயாக பரவி வருகின்றது.