SIR பணிகளை நிறுத்த வேண்டும்.. இல்லாவிட்டால் வழக்குத் தொடர்வோம்.. அனைத்துக் கட்சிக் கூட்டம் தீர்மானம்

Nov 03, 2025,12:21 AM IST

சென்னை: உச்சநீதிமன்றத்தில் வழக்கு நிலுவையில் உள்ள நிலையில் SIR பணிகளை தேர்தல் ஆணையம் தமிழ்நாட்டில் மேற்கொள்ளவிருப்பது சரியல்ல. அந்தப் பணிகளை உடனடியாக நிறுத்த வேண்டும். இல்லாவிட்டால் அனைத்துக் கட்சிகளும் இணைந்து உச்சநீதிமன்றத்தில் வழக்குத் தொடருவோம் என்று திமுக சார்பில் நடந்த அனைத்துக் கட்சிக் கூட்டத்தில் இன்று தீர்மானம் போடப்பட்டது.

தமிழ்நாடு, கேரளா, புதுச்சேரி உள்ளிட்ட மாநிலங்கள் மற்றும் யூனியன் பிரதேசங்களில் SIR பணிகளை மேற்கொள்ளப் போவதாக தேர்தல் ஆணையம் அறிவித்துள்ளது. இதற்கு திமுக கூட்டணிக் கட்சிகள் கடும் எதிர்ப்பு தெரிவித்துள்ளன. அதேபோல தமிழக வெற்றிக் கழகம் உள்ளிட்ட பிற கட்சிகளும் இதை எதிர்த்துள்ளன.

இந்த நிலையில் இதுதொடர்பாக விவாதிக்க திமுக சார்பில் இன்று சென்னை தி.நகரில் அனைத்துக் கட்சிக் கூட்டத்திற்கு அழைப்பு விடுக்கப்பட்டிருந்தது. முதல்வர் மு.க.ஸ்டாலின் தலைமையில் நடந்த இந்தக் கூட்டத்தில் பங்கேற்க வருமாறு 64 கட்சிகளுக்கு அழைப்பு விடுக்கப்பட்டிருந்தது. அதில் தவெக, நாம் தமிழர் கட்சி, பாமக உள்ளிட்ட 21 கட்சிகள் வரவில்லை. அதிமுக, பாஜகவுக்கு திமுக சார்பில் அழைப்பு அனுப்பப்படவில்லை.

இந்தக் கூட்டத்தில் கட்சித் தலைவர்கள் தங்களது கருத்துக்களை எடுத்து வைத்துப் பேசினர். இறுதியாக முதல்வர் மு.க.ஸ்டாலின் பேசினார். அதைத் தொடர்ந்து தீர்மானம் நிறைவேற்றப்பட்டது. அதில், சார் பணிகளை உடனடியாக நிறுத்தி வைக்க வேண்டும். இல்லாவிட்டால் கட்சிகள் சார்பில் உச்சநீதிமன்றத்தில் வழக்குத் தொடரப்படும் என்று கூறப்பட்டிருந்தது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

Deepavali Special Buses: தீபாவளி பண்டிகை - தமிழ்நாடு முழுவதும் 15,659 சிறப்பு பேருந்துகள் இயக்கம்

தமிழகத்தில் 5 தொகுதிகளுக்கு இடைத்தேர்தல்: டிசம்பர் 20-க்குள் நடத்த தேர்தல் ஆணையம் திட்டம்!

ரூ.100-க்கு 10 காய்கறிகள்! தீபாவளி பண்டிகையை முன்னிட்டு கூட்டுறவுத்துறை அதிரடி அறிவிப்பு!

எம்.ஜி.ஆருடன் உலகம் சுற்றும் வாலிபன் படத்தில் நடித்து பிரபலமான.. தாய்லாந்து நடிகை மரணம்!

சென்னையில் உச்ச நீதிமன்ற கிளை அமைக்க வேண்டும்: பிரதமர் மோடிக்கு முதல்வர் விஜய் கடிதம்!

2027 உத்திரப் பிரதேச சட்டசபை தேர்தலில் போட்டியிட மாட்டேன்: அகிலேஷ் யாதவ் அதிரடி அறிவிப்பு!

அதிரடியாக உயர்ந்த தங்கம் விலை: சவரன் ரூ.1,04,800-ஐ தொட்டது! அதிர்ச்சியில் மக்கள்

டாஸ்மாக் கடைகளில் காலி பாட்டில்களை ஒப்படைத்தால் வங்கிக் கணக்கில் ரூ.10 வரவு

அமெரிக்க நாடாளுமன்றத்தின் செனட் மற்றும் பிரதிநிதிகள் சபையை கைப்பற்றியது ஜனநாயக கட்சி!

SIR பணிகளை நிறுத்த வேண்டும்.. இல்லாவிட்டால் வழக்குத் தொடர்வோம்.. அனைத்துக் கட்சிக் கூட்டம் தீர்மானம்

Comments

சமீபத்திய செய்திகள்

அதிகம் பார்க்கும் செய்திகள்