"நண்பேன்டா".. இது வேற லெவல் சீர்வரிசையா இருக்கே மாப்ள!

Sep 05, 2023,04:15 PM IST

மதுரை: மதுரை மாவட்டம் வாடிப்பட்டி அருகே காது குத்து விழாவில் ஜல்லிக்கட்டுக் காளையை சீராக கொடுத்து அசரடித்து விட்டனர் நண்பர்கள்.

கிராமத்துக் கல்யாணங்களைப் போல கலகலலப்பான சந்தோஷமான விஷயங்களைப் பார்க்கவே முடியாது. விதம் விதமான சீர்வரிசைகளுடன் அசரடித்து விடுவார்கள். யாருமே கற்பனை செய்து பார்க்க முடியாத அளவுக்கு சீர் கொடுத்து அசத்துவதுதான் இப்போதைய டிரெண்ட்டிங்காக உள்ளது.

அந்த வரிசையில் மதுரை மாவட்டம் வாடிப்பட்டி அருகே உள்ள ஆண்டிபட்டியில் நடந்த காது குத்தும் விழாவின்போது வித்தியாசமான சீர் வரிசை கொடுத்து அசத்தியுள்ளனர். அந்தப் பகுதியைச் சேர்ந்தவர்கள் பாலகிருஷ்ணன்-லதா தம்பதியினர். இவர்களது மகன், மகளுக்கு காதுகுத்து விழா நடைபெற்றது.

வழக்கமாக இதுபோன்ற நிகழ்ச்சிகளில் தாய்மாமான் சீர்தான் மற்றவர்களை விட தூக்கலாக இருக்கும். ஆனால் அதையும் தாண்டி அட்டகாசம் செய்து விட்டனர் பாலகிருஷ்ணனின் நண்பர்கள். சுமார் 500 கிலோ எடை கொண்ட ராட்சத மாலையை கிரேன் மூலம் ஊர்வலமாக எடுத்துவந்தனர். அதனை தொடர்ந்து பொய்க்கால் குதிரையாட்டம், ஆட்டம்பாட்டம், மேளதாளத்துடன் சீர்வரிசையை எடுத்து வந்தனர்.

பின்னர், பாலகிருஷ்ணன் தம்பதிக்கு பணத்தால் ராட்சத மாலையையும் அணிவித்தனர். கூடவே ஜல்லிக்கட்டுக் காளையையும் சீராக கொடுத்து மிரட்டி விட்டனர். இதனால் பாலகிருஷ்ணன்-லதா தம்பதியினர் மட்டும் இன்றி ஊர்மக்களும் கூட பார்ரா என்று ஆச்சரியப்பட்டுப் போய் விட்டனர்.

உறவினர்களே கூட இந்த அளவுக்கு யாரும் இந்தக் காலத்தில் செய்ய மாட்டார்கள். ஆனால் நண்பனின் குடும்பத்துக்காக, நாங்களும் தாய்மாமன்கள்தான் என்று உரிமையுடன் செய்த இந்த நண்பர்களைப் பார்த்து ஊரே வியந்து போயுள்ளதாம்.

சும்மாவா சொன்னாங்க.. "நண்பேன்டா"ன்னு!

சமீபத்திய செய்திகள்

என்னை இப்படி தேவையில்லாமல் புகழாதீர்கள்.. செனாப் பாலம் புகழ் மாதவி லதா வேண்டுகோள்!

தமிழகத்தில் எந்தந்த மாவடங்களுக்கு ரெட் அலர்ட்... ஆரஞ்சு அலர்ட் தெரியுமா?

பூனைக் கண்ணை மூடிக்கொண்டுவிட்டால் உலகம் இருண்டுவிடுமா என்ன? அமைச்சர் தங்கம் தென்னரசு கேள்வி!

பாமக ஒருங்கிணைந்த மாவட்ட பொதுக்குழு: அன்புமணி அறிவிப்பு!

ஒருங்கிணைந்த கல்வித் திட்ட நிதி... உறங்கி கோட்டை விட்ட தமிழக அரசு: டாக்டர் அன்புமணி ராமதாஸ்!

குற்றச்சாட்டுகளை வைக்கும் பாஜக முதலில் தனது முதுகை திரும்பி பார்க்க வேண்டும் : அமைச்சர் சேகர்பாபு

டிமார்ட் நிறுவனத்தின் பெயரில் போலி வெப்சைட் மோசடி.. மக்களே உஷாரா இருங்க

11 ஆண்டு பாஜக ஆட்சியில் இந்தியாவின் வளர்ச்சி அபரிமிதம்.. பிரதமர் மோடி பெருமிதம்

ராஜ்யசபா தேர்தல்: எம்பி., ஆகிறார் கமல்ஹாசன்...அதிமுக, திமுக வேட்பாளர்கள் மனு ஏற்பு

"நண்பேன்டா".. இது வேற லெவல் சீர்வரிசையா இருக்கே மாப்ள!

Comments

சமீபத்திய செய்திகள்

அதிகம் பார்க்கும் செய்திகள்