வெயிலுக்கு இதமாக... வரும் 11ம் தேதி 12 மாவட்டங்களில் கனமழைக்கு வாய்ப்பு: வானிலை ஆய்வு மையம்!

Mar 08, 2025,06:16 PM IST
சென்னை: தமிழகத்தில் வரும் 11ம் தேதி (செவ்வாய் கிழமை) 12 மாவட்டங்களில் கனமழை பெய்யும் என்று சென்னை வானிலை ஆய்வு மையம் தெரிவித்துள்ளது.


கடந்த சில நாட்களாக வெயில் வாட்டி வதைத்து வருகின்றது. இந்த வேளையில், குமரி, நெல்லை, தென்காசி, தூத்துக்குடி, விருதுநகர், மயிலாடுதுறை, தஞ்சை, திருவாரூர், புதுக்கோட்டை, சிவகங்கை, ராமநாதபுரம், நாகை ஆகிய 12 மாவட்டங்களில் கனமழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. இந்த வானிலை அறிவிப்பால் மக்கள் சற்று நிம்மதி அடைந்துள்ளனர்.

இது தொடர்பாக சென்னை வானிலை ஆய்வு மையம் வெளியிட்ட செய்திக் குறிப்பில், தமிழகம், புதுச்சேரி மற்றும் காரைக்கால் பகுதியில் இன்றும் நாளையும் வறண்ட வானிலை நிலவக்கூடும். காலை நேரத்தில் லேசான பனிமூட்டம் காணப்படும். வரும் 10ம் தேதி கடலோர தமிழகத்தில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். உள் தமிழகத்தில் வறண்ட வானிலை நிலவக்கூடும்.



வரும் 11ம் தேதி தமிழகத்தில் பெரும்பாலான இடங்களிலும்,12ம் தேதி சில இடங்களிலும், 13ம் தேதி ஒரிரு இடங்களிலும்   இடி, மின்னலுடன் கூடிய லேசானது முதல் மிதமான மழை பெய்யக்கூடும். வரும் 11ம் தேதி கன்னியாகுமரி, திருநெல்வேலி, தென்காசி, தூத்துக்குடி, விருதுநகர் மற்றும் ராமநாதபுரம் மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.

தமிழகத்தில் இன்றும், நாளையும் அதிகபட்ச வெப்பநிலையாக சில இடங்களில் 5 டிகிரி ஃபாரன்ஹீட் வரையும், வட தமிழகத்தில் ஓரிரு  இடங்களில் 7 டிகிரி  ஃபாரன்ஹீட்  வரையும் வெப்பநிலை அதிகரிக்க வாய்ப்பு உள்ளது. சென்னை மற்றும் புறநகர் பகுதிகளில் இன்று ஓரளவு மேகமூட்டத்துடன் வானம் காணப்படும் என்று தெரிவிக்கப்பட்டுள்ளது.
செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

news

பொங்கல் பண்டிகை 2027: சொந்த ஊர் செல்வோருக்கான ரயில் டிக்கெட் முன்பதிவு நாளை துவக்கம்

news

“ஒரு பக்கெட் தண்ணீரைக் கூட கர்நாடகாவால் நிறுத்த முடியாது” - துரைமுருகன் திட்டவட்டம்

news

தனியார் பள்ளி அங்கீகார முறைகேடு வழக்கு: அன்பில் மகேஷ் ஜாமீன் மனு விசாரணை ஒத்திவைப்பு

news

நீடிக்கும் சர்ச்சைகள்- சிக்கும் எம்எல்ஏக்கள் - முதல்வர் விஜய் என்ன செய்ய வேண்டும்?

news

நம்மைக் காக்கும் காவல் தெய்வம்.. என் உயிர்த் தோழன்!

news

மடியில் விழுந்த மலர்

news

Afternoon Thoughts: தித்திக்கும் தேன் செய்யும் காரியத்தைப் பாருங்களேன்!

news

நெல்லை ஸ்பெஷல் முந்திரிக் கொத்து சாப்பிட்டிருக்கீங்களா!

news

கந்த சஷ்டி விரதம் 3ம் நாள்.. சென்னிமலை சுப்பிரமணிய சுவாமி திருக்கோவில் மகிமை

அதிகம் பார்க்கும் செய்திகள்