பிரதமர் பதவியே கொடுத்தாலும் கூட.. பாஜக, ஆர்எஸ்எஸ்ஸில் சேர மாட்டேன்.. சித்தராமையா

Jan 31, 2023,03:58 PM IST

ராமநகரா, கர்நாடகா: எனக்கு பிரதமர் பதவியே கொடுப்பதாக கூறினாலும் கூட நான் ஆர்எஸ்எஸ்ஸிலோ, பாஜகவிலோ சேர மாட்டேன் என்று அதிரடியாக பேசியுள்ளார் கர்நாடக முன்னாள் முதல்வரும், மூத்த காங்கிரஸ் தலைவருமான சித்தராமையா.

கர்நாடக மாநிலம் ராமநகரா மாவட்டத்தில் உள்ள மாகடியில் நடந்த கட்சிக் கூட்டத்தில் பேசும்போது இப்படிக் கூறினார் சித்தராமையா. அவர் பேசுகையில், பாஜகவுக்கும் சரி, மதச் சார்பற்ற ஜனதாதளத்துக்கும் சரி கொள்கையோ, நல்ல பார்வையோ கிடையாது. பணத்துக்கா, பதவிக்காக எதையும் செய்யக் கூடியவர்கள் அவர்கள். கொள்கை இல்லாத கூட்டணி அமைக்கவும் தயாராக இருப்பவர்கள் அவர்கள். யாருடன் வேண்டுமானாலும் இணையத் தயாராக இருப்பவர்கள் அவர்கள்.

குடியரசுத் தலைவர் பதவியே தருவதாக இருந்தாலும், பிரதமர் பதவியே தருவதாக கூறினாலும் நான் பாஜகவிலோ அல்லது ஆர்எஸ்எஸ்ஸிலோ சேர மாட்டேன். எனது பிணம் கூட அவர்களின் அலுவலகத்திற்குப் போகாது.

என்னை இந்துக்களுக்கு எதிரானவன் என்று கூறுகிறது பாஜக. சித்தராமுல்லா கான் என்று என்னைக் கூறுகிறார் பாஜகவின் சிடி ரவி. காந்திஜி உண்மையான இந்து. ஆனால் காந்தியைக் கொன்ற கோட்சேவை அவர்கள் வணங்குகின்றனர். அவர்களுக்கு ஏதாவது கண்ணியம் இருக்கிறதா.. இப்படிப்பட்டவர்களுடன் கை கோர்க்கும் மதச்சார்பற்ற ஜனதாதளத்துக்கு ஏதாவது யோக்கியதை இருக்கிறதா?

நான் முதல்வராக இருந்தபோது அனைவருக்கும் உணவு என்ற பாதுகாப்பைக் கொடுத்தேன். அன்னபாக்யா யோஜனா என்ற திட்டத்தைக் கொண்டு வந்தேன். ஆனால் அதை பாஜக அரசு தொடர்ந்ததா.. இல்லை. விவசாயிகளின் கடன்களைத் தள்ளுபடி செய்தோம். 7 கிலோ இலவச அரிசி கொடுத்தோம். அதை பாஜக 5 கிலோவாக குறைத்து விட்டது. மீண்டும் நாங்கள் ஆட்சிக்கு வந்தால் 10 கிலோ இலவச அரிசி கொடுப்போம். இல்லத்தரசிகளுக்கு மாதம் ரூ. 2000 உதவித் தொகை வழங்குவோம். ஆனால் ஏதாவது ஒரு சாதனை இவர்களிடம் உள்ளதா.. இல்லை என்றார் சித்தராமையா.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

நான் என்னுடைய சுய கணக்கெடுப்பை முடித்து விட்டேன்.. வீடியோ வெளியிட்ட முதல்வர் விஜய்

Census: தமிழகத்தில் ஆகஸ்ட் 1 முதல் முதற்கட்ட மக்கள்தொகை கணக்கெடுப்பு.. ஆன்லைனிலும் சமர்ப்பிக்கலாம்!

ரோஹித் சர்மா ஓய்வு பெற நிர்ப்பந்தமா.. உண்மையில் என்னதான் நடக்கிறது?

ஜோர்டானில் இருந்த அமெரிக்க போர் விமானங்களை அழித்ததாக ஈரான் அதிரடி தகவல்

ரயில் டிக்கெட் முன்பதிவை எளிதாக்க ஐஆர்சிடிசி (IRCTC) புதிய பீட்டா பதிப்பு அறிமுகம்

சிந்தனைச் சிதறல்.. தனித்துவமும் தன் மதிப்பும் மிகுந்த தனிமையே உயர்வானது!

ரஷ்ய எண்ணெய் வாங்கும் இந்தியா, சீனா மீது 100% வரி? அமெரிக்க நாடாளுமன்றத்தில் புதிய மசோதா

ஓய்வறியா தமிழ்ச் சூரியன்.. தளராமல் தமிழ் வளர்க்கும் பாரதிச்சுடர் நா.வே.நீலகண்டத் தமிழன்!

மிஸ்..இந்த வாட்டியும் வந்ததா!.. அஞ்சாப்பு அட்டகாசங்கள்