"சந்திரன் ஒரு கண்ணில்.. சூரியன் மறு கண்ணில்".. செப். 2ல் சீறிப் பாய்கிறது ஆதித்யா!

Aug 26, 2023,04:33 PM IST

பெங்களூரு: சந்திரயான் 3 திட்டத்தை வெற்றிகரமாக்கியுள்ள இஸ்ரோ, அடுத்து சூரினை ஆய்வு செய்யும் ஆதித்யா விண்கலத்தை விண்ணில் செலுத்தவுள்ளது.

இந்தியாவின் விண்வெளி ஆய்வுகளுக்கு மிகப் பெரிய உற்சாகமாக வந்து சேர்ந்துள்ளது சந்திரயான் 3 திட்டத்திற்குக் கிடைத்த வெற்றி. பூமி அல்லாத இன்னொரு கிரகத்தில் இந்தியாவின் காலடி சந்திரனில் பட்டுள்ளது. இது மிகப் பெரிய சாதனையாகும்.

இந்த சாதனையால் உற்சாகமடைந்துள்ள இந்திய விஞ்ஞானிகள் இன்னொரு வான வேடிக்கைக்குத் தயாராகி வருகின்றனர். அது தான் சூரியனை ஆய்வு செய்யும் ஆதித்யா எல்1 விண்கலத் திட்டம். செப்டம்பர் 2ம் தேதி ஆதித்யா எல் 1 விண்கலம் விண்ணில் செலுத்தப்படவுள்ளது. இது சூரியனின் கொரோனாவை ஆய்வு செய்யும். மேலும் சூரியப் புயல்களையும் இது ஆய்வு செய்து தகவல் அனுப்பும்.

பூமியிலிருந்து 10 லட்சம் கிலோமீட்டர் தொலைவில் சூரியன் உள்ளது. இதுவரை நாம் சூரிய ஆய்வில் ஈடுபட்டதில்லை. இதுதான் முதல் முறையாகும். சூரியனைச் சுற்றியுள்ள பகுதிகளை ஆய்வு செய்வதே ஆதித்யா விண்கலத்தின் முக்கிய நோக்கமாகும். சூரியனின் வெளிப்புறத்தில் 7 விதமான பகுதிகலை இந்த விண்கலம் ஆய்வு செய்யும். அதற்கேற்ற வகையில் இது வடிவமைக்கப்பட்டுள்ளது.

முழுக்க முழுக்க இந்திய தொழில்நுட்பத்தைப் பயன்படுத்தி ஆதித்யா விண்கலம் உருவாக்கப்பட்டுள்ளது. இதில் இந்தியாவின் முன்னணி நிறுவனங்கள் பல கை கோர்த்துள்ளன என்பது முக்கியமானது. பெங்களூரைச் சேர்ந்த இந்திய விண்வெளி இயற்பியல் கழகம் இதில் முக்கியமானது. பெங்களூரு யு.ஆர். ராவ் செயற்கைக் கோள் மையத்திலிருந்து ஆதித்யா விண்கலமானது, 2 வாரங்களுக்கு முன்பு இஸ்ரோவின் ஸ்ரீஹரிகோட்டா விண்வெளி ஏவு தளத்திற்கு கொண்டு வரப்பட்டு விட்டது.

சமீபத்திய செய்திகள்

மேகதாது அணை விவகாரம்: ஆகஸ்ட் 3ம் தேதி கர்நாடக முதல்வருடன் பேச பெங்களூர் செல்கிறார் முதல்வர் விஜய்

சோனம் வாங்சுக்கின் 26 நாள் உண்ணாவிரதத்தை மத்திய அரசு முடிவுக்குக் கொண்டு வந்தது எப்படி?

'ஜனநாயகன்' படம் பார்த்தால் சுறுசுறுப்பு வரும்: சபாநாயகர் ஜே.சி.டி.பிரபாகர் தகவல்

ஆடி வெள்ளிக்கிழமையன்று.. அம்மனுக்கு மஞ்சள் காப்பு.. அம்மன் வழிபாடு சிறப்புகள்!

எம்.எஸ். தோனியின் சாதனையை முறியடித்த ஸ்ரேயஸ் ஐயர்.. டி20 போட்டிகளில் புதிய உலக சாதனை

சிங்காரத்தேனே தென்மதுர மானே !

நாங்கள் பிறந்தது யார் செய்த குற்றம்?

பாறையும் செடியும்!

கொடுப்பதற்கென்றே பிறப்பெடுத்தவள் நீ!

"சந்திரன் ஒரு கண்ணில்.. சூரியன் மறு கண்ணில்".. செப். 2ல் சீறிப் பாய்கிறது ஆதித்யா!

Comments

சமீபத்திய செய்திகள்

அதிகம் பார்க்கும் செய்திகள்