அடேங்கப்பா.. இப்பவே இவ்வளவு வித்தைகள் காட்டுறாரே விவேக் ராமசாமி!

Aug 23, 2023,11:53 AM IST

வாஷிங்டன்: அமெரிக்க அதிபர் தேர்தலில் குடியரசுக் கட்சி சார்பில் போட்டியிட மும்முரமாக முயற்சித்துக் கொண்டிருக்கும் இந்திய அமெரிக்கர் விவேக் ராமசாமி உடற்பயிற்சி செய்யும் வீடியோவை போட்டுள்ளார். அது வைரலாகியுள்ளது.

இந்திய வம்சாவளியைச் சேர்ந்தவர் விவேக் ராமசாமி. தொழிலதிபரான அவர் அங்கு குடியரசுக் கட்சி சார்பில் அதிபர் தேர்தலில் போட்டியிடக் களம் குதித்துள்ளார். இவருடன் சேர்த்து மேலும் 3 இந்திய வம்சாவளியினர் போட்டிக் களத்தில் இருந்தாலும் கூட விவேக் ராமசாமிக்குத்தான் ஆதரவு பெருகி வருகிறது.

முன்னாள் அதிபர் டொனால்ட் டிரம்ப் மற்றும் விவேக் ராமசாமி இடையேதான் யார் வேட்பாளர் என்பதில் போட்டிஅதிகமாக உள்ளது. இதில் வென்று விவேக் ராமசாமி வேட்பாளராக அறிவிக்கப்பட்டால் அதுவே ஒரு மிகப் பெரிய சாதனைதான்.

இதுவரை அமெரிக்க அதிபர் தேர்தலில் இந்திய வம்சாவளியைச் சேர்ந்த யாருமே போட்டியிட்டதில்லை. எனவே விவேக் ராமசாமிக்கு அந்த வாய்ப்பு கிடைத்தால் அது முதல் சாதனையாக மாறும். தேர்தலில் வெற்றி பெற்றால், முதல் இந்திய அமெரிக்க அதிபராகும் சாதனையையும் அவர் படைப்பார். அது உலக சாதனையாகாவும் மாறும்.. அது அப்புறம் நடக்கட்டும்.

இப்போது விவேக் ராமசாமியின் பேச்சுக்கள் பலரையும் கவர்ந்திழுக்க ஆரம்பித்துள்ளனவாம். டிவிட்டர் உரிமையாளர் எலான் மஸ்க்கே கூட விவேக் ஆதரவாளராக மாறி விட்டார். பலரும் அவரது பேச்சுக்களை வரவேற்க ஆரம்பித்துள்ளனர். பல்வேறு தொலைக்காட்சிகளும் கூட அவரது பேட்டிகளை ஒளிபரப்ப ஆர்வம் காட்டுகின்றன.

இந்த நிலையில் விவேக் ராமசாமி செய்த உடற்பயிற்சி வீடியோ வைலாகியுள்ளது. அந்த வீடியோவில் ஜம்ப் செய்து உடற்பயிற்சி செய்கிறார் விவேக் ராமசாமி. மேலும் மேலும் விவாதங்களுக்கு என்னை தயார் செய்கிறேன் என்று கூறி கேப்ஷனும் போட்டுள்ளார் விவேக் ராமசாமி. இது பலரையும் கவர்ந்திழுத்துள்ளது. மேலும் பலர் அங்கு வந்து கமெண்ட்டுகளையும் போட்டு கலகலக்க வைத்து வருகிறார்கள்.

இப்பவே இத்தனை வித்தை காட்டுகிறாரே.. நாளைக்கு அதிபரானால் என்னெல்லாம் பண்ணப் போறாரோ!

சமீபத்திய செய்திகள்

பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு

குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!

8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?

எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்

அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!

மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!

டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!

ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?

என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!

அடேங்கப்பா.. இப்பவே இவ்வளவு வித்தைகள் காட்டுறாரே விவேக் ராமசாமி!

Comments

சமீபத்திய செய்திகள்

அதிகம் பார்க்கும் செய்திகள்