ஒரே கையில் 16 தோசை தட்டுகள்.. ஆச்சரியப்பட வைத்த வெயிட்டர்.. சபாஷ் போட்டஆனந்த் மகிந்திரா!

Feb 02, 2023,12:25 PM IST

மும்பை: ஹோட்டல் வெயிட்டர் ஒருவர், ஒரே கையில் 16 தோசை தட்டுக்களை அப்படியே அலேக்காக கொண்டு செல்லும் வீடியோவை ஷேர் செய்து அவருக்கு சபாஷ் போட்டுள்ளார் தொழிலதிபர் ஆனந்த் மகிந்திரா.

மகிந்திரா அன்ட் மகிந்திரா நிறுவனத்தின் அதிபர் ஆனந்த் மகிந்திரா தனது டிவிட்டர் பக்கத்தில் அவ்வப்போது ஏதாவது வித்தியாசமான வீடியோவைப் போட்டுக் கொண்டிருப்பது வழக்கம். பெரும்பாலும் திறமையாளர்கள் குறித்த வீடியோவாக அவை இருக்கும்.

அந்த வகையில் தற்போது ஒரு வீடியோ போட்டுள்ளார் ஆனந்த் மகிந்திரா. ஒரு ஹோட்டலில் வெயிட்டர் ஒருவர் 16 தோசைத் தட்டுக்களை ஆடாமல் அசையாமல் தனது இடது கையால் எடுத்துச் செல்லும் காட்சியே அது. அத்தனையும் சுடச்சுட தட்டில் வைக்கப்பட்ட மசால் தோசையாகும்.

இந்த வீடியோவைப் போட்டிருந்த ஆனந்த் மகிந்திரா, வெயிட்டர்களின் திறமையை ஒலிம்பிக்கில் சேர்க்க வேண்டும். அப்படிச் சேர்த்தால் இந்த ஜென்டில்மேன் தான் நிச்சயம் தங்கம் வாங்குவார் என்று கூறியுள்ளார். இந்த வீடியோ தற்போது வைரலாகியுள்ளது. அடுத்தடுத்து ஒவ்வொரு தோசைத் தட்டாக வாங்கி வாங்கி தனது கையில் அடுக்கிக் கொண்டே வரும் அந்த வெயிட்டர், 16 தட்டுகள் சேர்ந்ததும் அதை அப்படியே பொறுமையாக எடுத்துக் கொண்டு நகர்ந்து செல்கிறார். எந்தத் தடுமாற்றமும் அவரிடம் காணப்படவில்லை.

நம்ம ஊர் பாரம்பரியமான வேட்டியில் அந்த ஹோட்டல் சர்வர்கள் உள்ளனர். அது பெங்களூரில் உள்ள வித்யார்த்தி ஹோட்டல் என்று பலரும் கமெண்ட்டில் கூறியுள்ளனர்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

திமுக.,விற்கு எதிராக போர்க்கொடி தூக்கும் கூட்டணி கட்சிகள்.. அடுத்து என்ன நடக்கும்?

முதல்வர் விஜய்யுடன் ப.சிதம்பரம் திடீர் சந்திப்பு.. இது தான் காரணமா?

இன்னுமா கிராஷ் கோர்ஸ் படிக்கிறீங்க.. இது தான் மாற்றமா? முதல்வர் விஜய்க்கு இபிஎஸ் கேள்வி

இசைஞானி என்னும் இசைத்தோணி!

Chettinadu Recipe: செட்டிநாட்டு அடுப்படியில் அதிரடியான சிக்கன் லெக் பீஸ்.. (ஹோட்டல் ஸ்டைலில்)

பாஜக.,வில் இருந்து விலகினார் அண்ணாமலை?.. புதிய கட்சி துவங்க போவதாக தகவல்

இசை உலகின் மகுடம்.. இசைஞானி இளையராஜா பிறந்த நாளுக்கு பிரபலங்கள் வாழ்த்து

கேரளாவில் ஜூன் 4ல் தொடங்குகிறது தென்மேற்கு பருவமழை: வானிலை மையம் அறிவிப்பு

தனியார் பள்ளிகள் தங்களது கல்விக் கட்டணத்தை தகவல் பலகையில் வெளியிட உத்தரவு!