Kalaiyarasi Muthuvel Poem: சகிப்பு

Su.tha Arivalagan

May 14, 2026,04:40 PM IST

- கவி. கலை

சத்தியம் பொய்க்கும் போதும்

சத்தமிடாமல் சாந்தப்படுவது

சகிப்பு.

பெற்றாலும் பெண்மையிணைப்

போற்றாமல் ,

பொசுக்கிடும் போதும்

பொறுமை காப்பது

சகிப்பு.

வேதனைகள் வாட்டிடும் போதும்

போதனையால் மனம் நிறைவது

சகிப்பு.

திறமைகளைத் திருடியபோதும்

திண்ணமாய் திறந்த மனதுடன்

தினம் நடப்பது

சகிப்பு.

(சொ.கலையரசி, மதுரை மாவட்டம் வாடிப்பட்டியைச் சேர்ந்தவர். தாய் CBSE பள்ளி வேதியியல் ஆசிரியையாக 3 ஆண்டுகள் பணிபுரிந்து வருகிறார். கடந்த இரண்டு ஆண்டுகளாக "எழுதுக" என்னும் புத்தகம் எழுதும் இயக்கத்தோடு இணைந்து எழுத்துப்பணியாற்றி வருகிறார். 1. புழுதிமண் கவிதைத்தொகுப்பு, 2. உடைந்தும் உருவெடு குறுநாவல் என இரு நூல்களைப் படைத்துள்ளார். இறையன்பு IAS முன்னிலையில் அவை வெளியிடப்பட்டன.)