இந்தியாவுக்கு எதிரான.. 3வது டெஸ்ட் போட்டியிலும் கனே வில்லியம்சன் விளையாட மாட்டார்!

Oct 29, 2024,11:34 AM IST

மும்பை: இந்தியாவுக்கு எதிரான 3 போட்டிகள் கொண்ட டெஸ்ட் தொடரை 2-0 என்ற கணக்கில் ஏற்கனவே நியூசிலாந்து வென்று விட்ட நிலையில் முதல் இரு போட்டிகளிலும் விளையாடாத நட்சத்திர வீரர் கனே வில்லியம்சன், 3வது போட்டியிலும் விளையாட மாட்டார் என்று அறிவிக்கப்பட்டுள்ளது.

இங்கிலாந்து - நியூசிலாந்து உள்ளூர் டெஸ்ட் தொடரில் ஃபிட்டாக இருக்க வேண்டும் என்பதற்காக கனே வில்லியம்சன் 3வது டெஸ்ட்டில் ஆட மாட்டார் என்று அறிவிக்கப்பட்டுள்ளது.

தற்போது காயம் காரணமாக விளையாட முடியாத நிலையில் உள்ள கனே வில்லியம்சன், இந்தியாவுக்கு எதிரான முதல் இரு டெஸ்ட் போட்டிகளிலும் ஆடவில்லை. ஓய்வில்தான் இருந்து வருகிறார். தற்போது 3வது டெஸ்ட் போட்டியிலும் அவர் ஆட வேண்டாம் என்று நியூசிலாந்து கிரிக்கெட் வாரியம் முடிவு செய்துள்ளது.

இங்கிலாந்து அணி அடுத்த மாதம் நியூசிலாந்து செல்கிறது. இரு அணிகளுக்கும் இடையே டெஸ்ட் தொடர் நவம்பர் 28ம் தேதி தொடங்கவுள்ளது. முதல் டெஸ்ட் போட்டி ஹாக்ளி ஓவல் மைதானத்தில் நடைபெறவுள்ளது. இந்த டெஸ்ட் தொடருக்கு வில்லியம்சன் முக்கியம் என்பதால் அவருக்கு முழு ஓய்வளித்து தயார் நிலைக்குக் கொண்டு வர நியூசிலாந்து கிரிக்கெட் வாரியம் முடிவு செய்துள்ளது. தற்போது அவரது உடல் நிலையில் நல்ல முன்னேற்றம் தென்படுவதாக கிரிக்கெட் வாரியம் தெரிவித்துள்ளது. இதனால்தான் அவரை இந்தியத் தொடரில் ஆடுவதிலிருந்து விலக்கி வைக்கும் முடிவு எடுக்கப்பட்டதாக நியூசிலாந்து கிரிக்கெட் தலைமைப் பயிற்சியாளர் கேரி ஸ்டெட் தெரிவித்துள்ளார்.

முன்னதாக கடந்த 12 ஆண்டுகளில் டெஸ்ட் தொடரை உள்ளூரில் இழக்காத இந்தியா நியூசிலாந்திடம் அடுத்தடுத்து தோல்வியுற்று 0-2 என்ற கணக்கில் டெஸ்ட் தொடரை இழந்து விட்டது. தற்போது 3வது மற்றும் இறுதி டெஸ்ட் போட்டி மும்பை வாங்கடே மைதானத்தில் வருகிற வெள்ளிக்கிழமை தொடங்கவுள்ளது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

அதிமுக நட்சத்திர பேச்சாளர்கள் பட்டியல் வெளியீடு: எஸ்.பி.வேலுமணி, சி.வி.சண்முகம் பெயர் மிஸ்ஸிங்

புரட்டாசி மாதம் வந்தாச்சு.. 6வது தமிழ் மாதம்.. பெருமாள் வழிபாட்டுக்கு உகந்த புனித மாதம்!

த.வெ.க அரசின் முதல் சட்டப்பேரவைக் தொடர்: 12 மசோதாக்களுக்கு ஆளுநர் ஒப்புதல்!

இடைத்தேர்தல் களம்: தாராபுரம், மதுராந்தகத்தில் முதல்வர் விஜய் 4 நாட்கள் பிரச்சாரம்

நமநமக்கும் வாய்கள்.. கலகலக்கும் வயிறுகள்.. புரட்டாசி மாத அலப்பறைகள்!

Short Story: ஒரு பெரிய கெடா பூனை!

முகிலெனும் வெண் திரை விலக்கி.. விண்ணகப் பேரழகி!

மக்களே உஷார்...தமிழகத்தில் தீவிரமடையும் டெங்கு காய்ச்சல்: ஒரே நாளில் 1320 பேர் பாதிப்பு

2027 ஜனவரி முதல் மதுரை எய்ம்ஸ் வெளிப்புற நோயாளிகள் பிரிவு இயங்கும்: மத்திய அரசு தகவல்

இந்தியாவுக்கு எதிரான.. 3வது டெஸ்ட் போட்டியிலும் கனே வில்லியம்சன் விளையாட மாட்டார்!

Comments

சமீபத்திய செய்திகள்

அதிகம் பார்க்கும் செய்திகள்