ஈரோடு கிழக்கு.. கமல்ஹாசன் ஆதரவு யாருக்கு.. பெரும் நம்பிக்கையில் காங்கிரஸ்!

Jan 21, 2023,10:20 AM IST

சென்னை: ஈரோடு கிழக்கு சட்டசபை இடைத் தேர்தலில் கமல்ஹாசனின் மக்கள் நீதி மய்யம் யாரை ஆதரிக்கும் என்ற எதிர்பார்ப்பு எழுந்துள்ளது.

ஈரோடு கிழக்கு சட்டசபைத் தொகுதிக்கு இடைத் தேர்தல் அறிவிக்கப்பட்டுள்ளது. பிப்ரவரி 27ம் தேதி தேர்தல் நடைபெறவுள்ளது.

இத்தேர்தலில் திமுக கூட்டணி சார்பில் காங்கிரஸ் போட்டியிடுகிறது. அதிமுக கூட்டணி சார்பில் அதிமுகவே களம் காணவுள்ளது. பாஜக நிலைப்பாடு தெரியவில்லை. ஆனால் தேர்தல் பணிக்குழுவை அக்கட்சி அமைத்துள்ளது. எனவே அக்கட்சி தனித்துப் போட்டியிடலாம் என்ற எதிர்பார்ப்பு உள்ளது.

இதுதவிர நாம் தமிழர் கட்சி கட்டாயம் வேட்பாளரை நிறுத்தும் என்பதால் இந்தத் தேர்தலில் நான்கு முனைப் போட்டி கண்டிப்பாக இருக்கும் என்று தெரிகிறது. மறுபக்கம் மக்கள் நீதி மய்யம், ஓ.பன்னீர் செல்வம் பிரிவு அதிமுக, தேமுதிக ஆகிய கட்சிகளின் நிலைப்பாடு குறித்து கேள்விகள் எழுந்துள்ளன.

சமீப காலமாக திமுகவை கமல்ஹாசன் கடுமையாக விமர்சிப்பதில்லை. மேலும் காங்கிரஸ் கட்சியுடனும் அவர் நெருங்கி வருகிறார். சமீபத்தில் டெல்லியில் நடந்த ராகுல் காந்தியின் பாரத் ஜோடோ யாத்திரையில் கலந்து கொண்டு உணர்ச்சிகரமாக பேசினார். ராகுல் காந்தியுடன் தனியாக ஒரு பேட்டியிலும் கலந்து கொண்டார். எனவே கமல்ஹாசன் இந்தத் தேர்தலில் போட்டியிடாமல் தனது கட்சியின் ஆதரவை காங்கிரஸுக்கு அளிக்கலாம் என்ற எதிர்பார்ப்பு உள்ளது.

மக்கள் நீதி மய்யம் கட்சி கடந்த பொதுத் தேர்தலில் ஒரு இடத்தில் கூட வெல்ல முடியவில்லை. ஆனால் கணிசமான வாக்குகளைப் பெற்று அனைவரையும் வியப்பில் ஆழ்த்தியது. கமல்ஹாசன் கோவை தெற்கு தொகுதியில் போட்டியிட்டு மயிரிழையில் பாஜக வேட்பாளர் வானதி சீனிவாசனிடம் தோல்வியுற்றார் என்பது நினைவிருக்கலாம்.

கடந்த காலங்களில் ஆம் ஆத்மி கட்சியுடன் மக்கள் நீதி மய்யம் கட்சி நெருக்கம் காட்டிய நிலையில் தற்போது காங்கிரஸ் பக்கமும் கமல்ஹாசன் சாய்ந்து வருவதால் இந்தத் தேர்தலில் கமல்ஹாசனின் நிலைப்பாடு எதிர்பார்ப்புகளை ஏற்படுத்தியுள்ளது.

சமீபத்திய செய்திகள்

தமிழ்நாட்டு மக்களின் ஒரே சின்னம் விசில்.. தவெகவுக்கு முதல் வெற்றி.. விசில் போடுவோம் - விஜய்

திருச்சி, பெரம்பலூர்உள்ளிட்ட 4 மாவட்டங்களில் கனமழைக்கு வாய்ப்பு.. வானிலை மையம் கொடுத்த தகவல்

விசில் கொடுத்தாச்சு.. கப்பு முக்கியம் பிகிலு.. மாமல்லபுரத்தில் ஆலோசனை.. ஆயத்தமாகும் விஜய்!

திமுக ஆட்சியில் கஞ்சா மயமான தமிழ்நாடு.. பாஜக தலைவர் நயினார் நாகேந்திரன் தாக்கு!

NDA கூட்டணியைப் பார்த்து செல்வப்பெருந்தகைக்கு குளிர் ஜூரம் ஏற்பட்டுள்ளது: அண்ணாமலை

2026 தேர்தலுக்கான விசில் ஒலித்தது-தவெக சின்னம் குறித்து பிரவீன் சக்ரவர்த்தி நெகிழ்ச்சி பதிவு!

திருப்பூரில் பரபரப்பு... கவிஞர் வைரமுத்து பங்கேற்ற நிகழ்ச்சியில் காலணி வீச்சு

தவெகவுக்கு விசில் சின்னம்: தேர்தல் ஆணையம் அதிரடி அறிவிப்பு!

மத்தியில் பிரதமர் மோடி தலைமையில் ஆட்சி..தமிழ்நாட்டில் அதிமுக ஆட்சி: எடப்பாடி பழனிச்சாமி திட்டவட்டம்

ஈரோடு கிழக்கு.. கமல்ஹாசன் ஆதரவு யாருக்கு.. பெரும் நம்பிக்கையில் காங்கிரஸ்!

Comments

சமீபத்திய செய்திகள்

அதிகம் பார்க்கும் செய்திகள்