பாமகவின் இரு தலைவர்களும் பேச வேண்டும்: பாமக கவுரவ தலைவர் ஜி.கே.மணி
சென்னை: ராமதாஸ் - அன்புமணி இருவரும் அரசியல் புரியாதவர்கள் அல்ல. இரு தலைவர்களும் முதலில் பேச வேண்டும் என்று பாமக கவுரவ தலைவர் ஜி.கே.மணி தெரிவித்துள்ளார்.
பாமக நிறுவனர் ராமதாஸிற்கும், அவரது மகன் அன்புமணி ராமதாஸிற்கும் இடையே சமீப காலமாகவே மோதல் போக்கு நிலவி வருகிறது. இந்த மோதல் போக்கு இன்று குறைந்து விடும் நாளை குறைந்து விடும் என்று அக்கட்சியை சேர்ந்தவர்கள் இருவருக்கும் இடையே சமாதானம் பேசி வருகின்றனர். இந்த பேச்சுவார்த்தைகள் அனைத்தும் தோல்வியிலேயே முடிந்து வருகிறது. மேலும், மேலும் மோதல் போக்கே அதிகரித்து வருகிறது.
இந்த நிலையில், விழுப்புரம் மாவட்டம், திண்டினம் அடுத்த தைலாபுரத்தில் உள்ள இல்லத்தில் பாமக நிறுவனர் ராமதாஸை இன்று சந்தித்தார் பாமக கவுரவத் தலைவர் ஜி.கே.மணி. அதன்பின்னர் செய்தியாளர்களை சந்தித்து அவர் பேசுகையில், இருவரும் ஒன்றாக இணைந்து செயல்பட வேண்டும் என்பது தான் எங்கள் அனைவரின் ஆசையும். இருவரும் சேர்ந்து பேசி முன்னெடுத்துச் சென்றால் தான் கட்சி நன்றாக இருக்கும் என்பதை நாங்கள் அனைவரும் எதிர்பார்க்கிறோம். ராமதாஸ் மற்றும் அன்புமணி ராமதாஸ் இருவரும் அரசியல் புரியாதவர்கள் அல்ல. இரு தலைவர்களும் பேச வேண்டும்.
அதற்கான சூழ்நிலை விரைவில் உருவாகும் என நினைக்கிறேன். இருவரும் பேசி தீர்வு கண்டால் கட்சியின் வளர்ச்சிக்கும், தேர்தலை சந்திப்பதற்கும், கட்சியினர் இடையே உள்ள மன உளைச்சலுக்கும் நல்ல தீர்வாக இருக்கும். அதைத்தான் தினந்தோறும் பேசி வலியுறுத்தி கண்ணீர் வடித்துக் கொண்டிருக்கிறோம் என்று தெரிவித்துள்ளார்.
சமீபத்திய செய்திகள்
தமிழ்நாட்டில் அடுத்த 2 நாட்களுக்கு மழைக்கு வாய்ப்பு இருப்பதாக வானிலை மையம் அலர்ட்!
பசி,பட்டினியை போக்கவில்லை... தீபம் ஏற்ற வேண்டும் என கூறுகிறார்கள்: சீமான் ஆவேசம்!
வானுயர் ஜிஎஸ்டிபி வளர்ச்சி விகிதத்தில் தமிழ்நாடு சாதனை படைத்துள்ளது:முதல்வர் மு.க.ஸ்டாலின் பெருமிதம்
மெஸ்ஸியை பார்க்க முடியாமல் ரசிகர்கள் ஆவேசம்... ரசிகர்களிடம் மன்னிப்பு கேட்ட முதல்வர் மம்தா பானர்ஜி!
திமுக அரசின் துரோகத்திற்கு எதிராக தெருவுக்கு வந்த போராடும் அரசுஊழியர்கள்: அன்புமணி ராமதாஸ் வேதனை!
ஜிடிபி வளர்ச்சியில் தமிழ்நாடு புதிய சாதனை.. பெரிய மாநிலங்களில் நம்பர் 1 நாமதான்!
Flashback 2025.. தென்னிந்தியத் திரையுலகுக்கு பெரும் சோகம் தந்து விடைபெறும் 2025!
சினிமாத் துறையினரை தொடர்ந்து பாதிக்கும் மன அழுத்தம்.. உரிய கவுன்சிலிங் அவசியம்!
Amma's Pride ஆஸ்கர் விருதுக்குப் போட்டியிடும் சென்னையில் உருவான குறும்படம்!
{{comments.comment}}