2016லேயே நடந்திருக்க வேண்டியது.. தாமதமாக திமுக கூட்டணிக்கு வந்துள்ளோம்.. பிரேமலதா விஜயகாந்த்
சென்னை: 2016ம் ஆண்டிலேயே கேப்டன் உயிருடன் இருந்தபோதே திமுக கூட்டணி வந்திருக்க வேண்டியது. 10 வருடம் தாமதமாக அது நடந்திருக்கிறது என்று தேமுதிக பொதுச் செயலாளர் பிரேமலதா விஜயகாந்த் கூறியுள்ளார்.
திமுக கூட்டணியில் இணைந்த பிறகு செய்தியாளர்களிடம் பிரேமலதா விஜயகாந்த் பேசினார். அப்போது அவர் கூறுகையில், அனைவரும் எதிர்பார்த்த கூட்டணி அமைந்துள்ளது. திமுகவும், தேமுதிகவும் இன்று கூட்டணியை உறுதி செய்துள்ளோம்.
கழக நிர்வாகிகள், தொண்டர்களின் விருப்பம் திமுகவுடன் கூட்டணி அமைக்க வேண்டும் என்பது. அதற்கேற்ப இதை அமைத்துள்ளோம்.
2016ம் ஆண்டிலேயே நாங்கள் இணைந்திருக்க வேண்டியது. கலைஞர் பழம் நழுவி பாலில் விழப் போகிறது என்றால். ஆனால் கேப்டன் இப்போது இல்லாத நிலையில் இந்தக் கூட்டணி தாமதமாக 10 வருடம் கழித்து நடந்துள்ளது. இந்தக் கூட்டணி 200 சதவீதம் வெற்றி பெறும்.
இப்போது கூட்டணிக்கு வந்துள்ளோம். உறுதி செய்துள்ளோம், கூட்டணி இறுதி செய்யப்பட்டுள்ளது. இனிமேல்தான் எத்தனை தொகுதிகள், யார் யார் எந்ததெந்த தொகுதியில் போட்டியிடுவார்கள் என்பது குறித்துப் பேசுவோம். அதற்காக குழு அமைத்து அதெல்லாம் நடைபெறும்.
மற்ற கேள்விகளுக்கு அடுத்தடுத்து நடைபெறும்போது நான் பதிலளிப்பேன் என்று கூறினார் பிரேமலதா விஜயகாந்த்.
தேர்தலில் நீங்கள் போட்டியிடுவீர்களா என்ற கேள்விக்கு பிரேமலதா விஜயகாந்த் பதிலளிக்கவில்லை.
சமீபத்திய செய்திகள்
சென்னைக்கு இன்று ஆரஞ்சு அலர்ட்: 10 மாவட்டங்களில் கனமழை கொட்டி தீர்க்கும் வானிலை மையம் எச்சரிக்கை!
.jpg)
இன்று முதல் சென்னையில் மழை தீவிரமடையும் : தமிழ்நாடு வெதர்மேன் எச்சரிக்கை
தென்தமிழ் தலையங்கம்: "ரெட், மஞ்சள், ஆரஞ்சு" - வானிலை அலர்ட்டுகளும், மக்களின் விழிப்புணர்வும்!
தீவிரமடையும் வடகிழக்கு பருவமழை: அரபிக்கடலில் ஆழ்ந்த காற்றழுத்த தாழ்வுப் பகுதி
கைபேசி இல்லாத காலத்து கல்லூரி நினைவுகள்.. ஞாபகம் வருதே, ஞாபகம் வருதே (1)!
Yasmin Cooking Tips: பாசிப்பருப்பு + பச்சரிசி கிச்சடி செய்வது எப்படி?
அடை காக்கும் தாய்க் கோழியாய் .. ஆசானுக்கு வாழ்த்துரை!
Spiritual Tour:.. பக்தியினால் நிறைந்த மனசு.. சென்னை to ராமேஸ்வரம் - ஆன்மீகப் பயணம் (பகுதி 2)
கொக்குக் கூட்டம் – வானில் தவழும் முத்துமாலை!
{{comments.comment}}