வட தமிழ்நாட்டின் உட்புற மாவட்டங்களில்.. 2 நாட்களுக்கு வெப்ப அலை வீசும்.. தகிக்கிறது ஈரோடு!

May 04, 2024,09:50 PM IST

சென்னை: தமிழ்நாட்டின் வட உட்புற மாவட்டங்களில் இன்றும் நாளையும் வெப்ப அலை வீசும் என்றும், 7 மற்றும் 8ம் தேதிகளில் தமிழ்நாட்டில் பரவலாக சில மாவட்டங்களில் லேசானது முதல் மிதமான மழை வரை பெய்யக் கூடும் என்றும் வானிலை ஆய்வு மையம் தெரிவித்துள்ளது.

தமிழ்நாட்டில் வெயில் நிலவரம் மற்றும் மழைக்கான வாய்ப்பு குறித்து சென்னை வானிலை மையம் வெளியிட்டுள்ள அறிக்கை:

தமிழகத்தில் அதிகபட்ச வெப்பநிலை உள் மாவட்டங்களில் சமவெளிப் பகுதிகளில் அனேக இடங்களில் பொதுவாக இயல்பை விட இரண்டு முதல் நான்கு டிகிரி செல்சியஸ் வரை மிக அதிகமாக இருந்தது. வட தமிழக உள் மாவட்டங்களில் ஓரிரு இடங்களில் இயல்பை விட மிக மிக அதிகமாக இருந்தது. புதுச்சேரி மற்றும் காரைக்கால் பகுதிகளில் அதிகபட்ச வெப்பநிலை பொதுவாக இயல்பை ஒட்டி இருந்தது.

ஈரோட்டில் 110 டிகிரி பாரன்ஹீட் வெப்ப நிலை

வட தமிழக உள் மாவட்டங்களில் ஒரு சில இடங்களில் வெப்ப அலை வீசி உள்ளது. அதிகபட்சமாக ஈரோட்டில் 44.4 டிகிரி செல்சியஸ் (110 டிகிரி பாரன்ஹீட்) வெப்பநிலை பதிவாகியுள்ளது. இது இயல்பை விட 5.3 டிகிரி செல்சியஸ் அதிகமாகும். தமிழகத்தில் ஐந்து இடங்களில் அதிகபட்ச வெப்பநிலை 42 - 43 செல்சியஸ் பதிவாகியுள்ளது. அதிகபட்சமாக கரூர் பரமத்தியில் 42.5 (108.5) வேலூரில் 42.5 (108.5) திருத்தணியில் 42.5 (108.5), மதுரை நகரம் 41.2 (106.16) திருச்சி 40.7 (105.26), சேலம் 40.5 (104.9) தர்மபுரி 40.2 (104.36), பாளையங்கோட்டை 40.2 (104.36) மதுரை விமான நிலையம் 40.1 (104.18) பதிவாகியுள்ளது.

புதுவை மற்றும் காரைக்கால் பகுதிகளில் 36 - முதல் 38 டிகிரி செல்சியஸ் வெப்பநிலை பதிவாகியுள்ளது. சென்னையை பொருத்தவரை மீனம்பாக்கத்தில் 40.2 செல்சியஸ் வெப்பநிலையும் நுங்கம்பாக்கத்தில் 38.1 செல்சியஸ் வெப்பநிலையும் பதிவாகியுள்ளது.

7 மற்றும் 8ம் தேதிகளில் மழைக்கு வாய்ப்பு

தமிழ்நாடு புதுவை மற்றும் காரைக்கால் பகுதிகளில் நாளை மற்றும் நாளை மறுநாள் ஓரிரு இடங்களிலும் இடி மின்னலுடன் கூடிய லேசானது முதல் மிதமான மழை பெய்யக்கூடும். ஏழாம் தேதி தமிழகத்தில் சில இடங்களிலும் புதுச்சேரி காரைக்கால் பகுதிகளிலும் இடி மின்னலுடன் கூடிய லேசானது முதல் மிதமான மழை பெய்யக்கூடும். குறிப்பாக, தேனி, திண்டுக்கல், திருப்பூர், கோயம்புத்தூர், நீலகிரி, ஈரோடு, சேலம், தர்மபுரி மற்றும் கிருஷ்ணகிரி மாவட்டங்களில் ஒரு இடங்களில் கனமழைக்கு வாய்ப்பு உள்ளது.

எட்டாம் தேதி கோயம்புத்தூர், நீலகிரி, தேனி, திண்டுக்கல், விருதுநகர், தென்காசி, திருநெல்வேலி மாவட்டம் மலைப்பகுதியில் ஓரிரு இடங்களில் கன மழை பெய்ய வாய்ப்பு உள்ளது.

தமிழகத்தில் இன்றும் நாளையும் வட தமிழக உள் மாவட்டங்களில் ஓரிரு இடங்களில் வெப்ப அலை வீச கூடும். சென்னை மற்றும் புறநகர் பகுதிகளை பொறுத்தவரை அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 39 - 40 டிகிரி செல்சியஸ் வெப்ப நிலையும், குறைந்தபட்ச வெப்பநிலை 29 முதல் 30 டிகிரி செல்சியஸை ஒட்டியும் இருக்கும் என்று தெரிவிக்கப்பட்டுள்ளது.

சமீபத்திய செய்திகள்

இதயங்கள் நொறுங்கின.. பெங்களூரு வெற்றி.. ஐபிஎல் தொடரிலிருந்து வெளியேற்றப்பட்டது சென்னை சூப்பர் கிங்ஸ்

வங்கக் கடலில்.. மே 22ம் தேதி உருவாகிறது.. குறைந்த காற்றழுத்தத் தாழ்வு.. 24ம் தேதி வலுப்பெறும்!

நிருபர் கேட்டது.. "விஜய் மாநாட்டிற்கு போவீங்களா".. அதுக்கு சீமான் சொன்னது.. "ஐ ஆம் வெயிட்டிங்"!

எம்.ஆர். ராதா ஆன்மீக வேடங்களில் நடிச்சிருக்காரே.. மோடி வேடம் குறித்து சத்யராஜ் விளக்கம்!

வடிவேலு பாணியில் சும்மா இருந்தால் பரிசு.. ஆத்தாடி எங்க தெரியுமா.. நம்ம தென் கொரியாவுலதான்!

ஒரு முறைகேடும் இல்லை.. தொழிலாளர்களின் எல்ஐசி பிரீமியம் முறையாக செலுத்தப்படுகிறது.. எம்டிசி

குற்றாலம் அருவிகளில் வெள்ளப் பெருக்கு குறைந்தது.. ஆனாலும் குளிக்க தடை தொடர்கிறது!

உருவாகிறது பிரதமர் நரேந்திர மோடி பயோபிக்.. மோடி வேடத்தில் நடிக்கப் போகிறார் சத்யராஜ்!

புதிய உச்சத்தில் தங்கம் வெள்ளி விலை.. விறுவிறுவென உயர்வு.. அதிர்ச்சியில் வாடிக்கையாளர்கள்!

வட தமிழ்நாட்டின் உட்புற மாவட்டங்களில்.. 2 நாட்களுக்கு வெப்ப அலை வீசும்.. தகிக்கிறது ஈரோடு!

Comments

சமீபத்திய செய்திகள்

அதிகம் பார்க்கும் செய்திகள்