விறுவிறுப்பாகும் பாஜக.. கூட்டணிக் கட்சிகளுடன் பேச 7 பேர் கொண்ட குழு.. அறிவித்தார் அண்ணாமலை
சென்னை: தமிழ்நாட்டில் கூட்டணிக் கட்சிகளுடன் தொகுதிப் பங்கீடு குறித்துப் பேசவும், தேர்தல் பணிகளை முடுக்கி விடவும், 7 பேர் கொண்ட குழுவை மாநில பாஜக தலைவர் அண்ணாமலை அறிவித்துள்ளார்.
லோக்சபா தேர்தல் நடைபெற இன்னும் ஒரு சில வாரங்களில் உள்ள நிலையில் அரசியல் களம் சூடு பிடிக்க ஆரம்பித்துள்ளது. இதற்காக ஆளும் கட்சிகள், எதிர்க்கட்சிகள் என ஒவ்வொருவரும் தங்கள் கட்சியுடன் இணைந்துள்ள கூட்டணி கட்சிகளுக்கான தொகுதி பங்கீடு குறித்த ஆலோசனையில் இறுதிகட்ட முடிவுகள் எடுக்கப்பட்டு வருகின்றன.
இந்த நிலையில், 7 பேர் கொண்ட குழு ஒன்றை மாநில பாஜக தலைவர் அண்ணாமலை அறிவித்துள்ளார். இதில் மத்திய இணை அமைச்சர் எல்.முருகன், எம்எல்ஏக்கள் வானதி சீனிவாசன், நயினார் நாகேந்திரன், எச் ராஜா, தமிழ்நாடு மேலிடப் பார்வையாளர் அரவிந்த் மேனன், சுதாகர் ரெட்டி, முன்னாள் மத்திய அமைச்சர் பொன். ராதாகிருஷ்ணன் ஆகியோர் இடம்பெற்றுள்ளனர். இந்தக் குழு பாஜகவில் இடம்பெறும் கூட்டணி கட்சிகளுடன் பேசுவது, தேர்தல் பணிகளை ஒருங்கிணைப்பது ஆகியவற்றை செயல்படுத்தும் எனவும் அறிவித்துள்ளார்.
தமிழ்நாட்டில் பாஜக தேர்தல் பணிகளில் தீவிரம் காட்ட ஆரம்பித்துள்ளது. இரண்டு நாள் பயணமாக தமிழ்நாட்டிற்கு வந்த பிரதமர் நரேந்திர மோடி பல்லடம் மற்றும் திருநெல்வேலியில் மிகப்பெரிய பிரம்மாண்ட பொதுக் கூட்டத்தில் அனல் பறக்கப் பேசியதால், பாஜகவினர் உற்சாகமடைந்துள்ளனர். திமுகவை குறி வைத்து அவர் பேசியது பரபரப்பையும் ஏற்படுத்தியது.
இந்த நிலையில் கூட்டணி குறித்த கட்சிகளுடனும் தொகுதி பங்கீடு குறித்து பேசுவதற்காகவும், தேர்தல் பணிகளை முடுக்கி விடுவதற்காகவும், மாநில அளவில் குழு ஒன்றை மாநில பாஜக தலைவர் அண்ணாமலை அறிவித்துள்ளார். இதை தொடர்ந்து கூட்டணி கட்சியுடன் பேச்சு மற்றும் தொகுதிப் பங்கீட்டுப் பணிகள் வேகம் பிடிக்கும் என எதிர்பார்க்கப்படுகிறது.
சமீபத்திய செய்திகள்
எந்த ஷா வந்தாலென்ன?.. தமிழ்நாடு என்றைக்குமே டெல்லிக்கு Out of Control தான்: முதல்வர் மு.க.ஸ்டாலின்!
கூட்டணி குறித்த முடிவுக்கு இபிஎஸ்சுக்கே அதிகாரம்..அதிமுக பொதுக்குழுவில் 16 தீர்மானங்கள் நிறைவேற்றம்
2026 சட்டசபைத் தேர்தலுக்கு முன் கூட்டணி விரிவாக்கம்.. ராஜ்யசபா தேர்தலை உற்று நோக்கும் தி.மு.க
விஜய்யின் பேச்சு அரசியல் முதிர்ச்சியின்மையை காட்டுகிறது:புதுச்சேரி உள்துறை அமைச்சர் நமச்சிவாயம்
தமிழகத்தில் இன்று முதல் அடுத்த 7 நாட்கள் ஓரிரு இடங்களில் மிதமான மழைக்கு வாய்ப்பு: வானிலை ஆய்வு மையம்
அனைத்து ரேஷன் அட்டை தாரர்களுக்கும் பொங்கல் பரிசு: புதுச்சேரி முதல்வர் ரங்கசாமி அறிவிப்பு
ஆஸ்திரேலியாவில்.. 16 வயதுக்குட்பட்ட குழந்தைகளுக்கு சமூக ஊடகத் தடை.. எந்தெந்த செயலிகளுக்கு ஆப்பு?
தவெகவுடன் கூட்டணி வருமா?.. பதிலளிக்காமல் தவிர்த்த புதுச்சேரி முதல்வர் ரங்கசாமி
12 ஆண்டுகளுக்குப் பிறகு மீண்டும் நடிக்க வரும் அப்பாஸ்.. படம் பேரு என்ன தெரியுமா?
{{comments.comment}}