அதிரடி ஏஜென்ட்டாக மாறிய ஷாம்.. தெலுங்கில் புது அதிரடி!

Oct 25, 2023,04:53 PM IST

சென்னை: அதிரடியான ரா ஏஜென்ட்டாக புதிய தெலுங்குப் படத்தில் கலக்கலான வேடத்தில் நடிக்கிறார் ஷாம்.

தெலுங்கில் மகேஷ்பாபு நடித்த தூக்குடு உள்ளிட்ட பல வெற்றி படங்களை இயக்கி இயக்குனர் சீனு வைட்லா. சீனு வைட்லா இயக்கத்தில் ஷாம் புதிய படத்தில் அதிரடியான கேரக்டரில் வருகிறார்.

இப்படத்தின் ஷூட்டிங் தற்போது இத்தாலியில் நடந்து வருகிறது. இப்படத்தின் சண்டை காட்சிகள் அனைத்தும் இத்தலியில் அதிரடியாக படமாக்கப்பட்டுள்ளது. குறிப்பாக இப்படத்தில் இதுவரை தான் ஏற்று நடித்திராத ரா ஏஜென்ட் கதாபாத்திரத்தில் நடிக்கிறார் ஷாம்.

கோபிசந்த், காவியா தாப்பர் ஆகியோர் முக்கிய கதாபாத்திரங்களில் நடிக்கின்றனர். இத்தாலி நாட்டில் உள்ள மிலன், மடேரா மற்றும் ரோம் உள்ளிட்ட நகரங்களில் இதன் படப்பிடிப்பு கடந்த 20 நாட்களாக நடந்து வருகிறது. இந்த படப்பிடிப்பில் ஷாம் நடித்த விறுவிறுப்பான ஆக்சன் காட்சிகள் படமாக்கப்பட்டுள்ளன. இப்படத்தின் முதற்கட்ட படப்பிடிப்பு முடிந்து படக்குழுவினர் தற்போது இந்தியா திரும்பியுள்ளனர்.

தமிழ் சினிமாவில் கடந்த 20 வருடங்களாக திரையுலக பயணத்தில் எந்த தொய்வும் இல்லாமல் சீராக பயணித்து வருபவர் நடிகர் ஷாம். இவர் நடிக்கும் படங்கள் அனைத்தும் காதாபாத்திரத்திற்கு முக்கியத்துவம் உள்ளவைகளாக தேர்ந்தெடுத்து நடித்து வருபவர். இதனால் தமிழ் மட்டும் மின்றி தெலுங்கு படங்களிலும் பிஸியான நடிகராகவே வலம் வருகிறார்.

இந்த வருட துவக்கத்தில் விஜய் நடிப்பில் வெளியான திரைப்படம் வாரிசு. இதில், விஜய்யின் அண்ணனாக சற்று வில்லத்தனம் கலந்த கதாபாத்திரத்தில் நடித்து ரசிகர்களிடம் நல்ல வரவேற்பை பெற்றார் ஷாம். இந்த நிலையில் தற்போது தெலுங்கில் பிரபல இயக்குநர் சீனு வைட்லா இயக்கி வரும் புதிய படத்தில் முதன்மை கதாபாத்திரம் ஒன்றில் நடித்து வருகிறார் ஷாம். இந்தப் படமும் ஷாமுக்கு பெரும் வெற்றியைத் தேடித் தரும் என்று நம்பலாம்.

சமீபத்திய செய்திகள்

தீபாவளி பண்டிகை 2026: தென்காசி, கன்னியாகுமரிக்கு சிறப்பு ரயில்கள்; நாளை புக்கிங் தொடக்கம்

பள்ளிகளுக்கு அங்கீகாரம் வழங்கிய விவரகாம் : அன்பில் மகேஷ் மனைவி ஜனனியிடம் விசாரணை நடத்த திட்டம்!

‘முரசு’ புயல் எச்சரிக்கை: சென்னை, திருவள்ளூருக்கு ஆரஞ்சு அலர்ட் வானிலை மையம் எச்சரிக்கை

செட்டிநாடு ரெசிப்பி.. தீபாவளிக்கு ஸ்பெஷல் ஸ்வீட்.. தித்திக்கும் கந்தரப்பம்

சிறைச்சாலை பாதுகாப்பில் கவன குறைவாக செயல்பட்டால்... முதல்வர் விஜய் போட்ட அதிரடி உத்தரவு

இரவும் பகலும் முதல் பூவாசம் வரை.. மறக்க முடியாத தென்னகத்து ஜேம்ஸ்பாண்ட்!

அன்பில் மகேஸுக்கு நவம்பர் 4 வரை போலீஸ் காவல்: சென்னை ஊழல் தடுப்பு சிறப்பு நீதிமன்றம் உத்தரவு!

அந்த பிரியாணி.. இந்த பிரியாணியை விடுங்க.. அவரைக் கொட்டை பிரியாணி சாப்பிட்டிருக்கீங்களா??

லஞ்ச வழக்கு: முன்னாள் அமைச்சர் கே.என்.நேருவின் மனுவை தள்ளுபடி செய்தது உச்சநீதிமன்றம்!

அதிரடி ஏஜென்ட்டாக மாறிய ஷாம்.. தெலுங்கில் புது அதிரடி!

Comments

சமீபத்திய செய்திகள்

அதிகம் பார்க்கும் செய்திகள்