71வது தேசிய திரைப்பட விருதுகள்.. ஷாருக் கான் சிறந்த நடிகர்.. எம்.எஸ். பாஸ்கர் சிறந்த துணை நடிகர்!
டெல்லி: 71வது தேசிய திரைப்பட விருதுகள் அறிவிக்கப்பட்டுள்ளன. இதில் ஜவான் படத்தில் நடித்த ஷாருக் கான் மற்றும் டுவெல்த் பெயில் படத்தில் நடித்த விக்ராந்த் மாசி ஆகியோர் சிறந்த நடிகருக்கான விருதைப் பகிர்ந்து கொள்கிறார்கள்.
சிறந்த துணை நடிகராக எம்.எஸ். பாஸ்கர் (பார்க்கிங்), துணை நடிகையாக ஊர்வசி (உள்ளொழுக்கு) ஆகியோர் தேர்வு செய்யப்பட்டுள்ளனர். சிறந்த நடிகையாக ராணி முகர்ஜி தேர்வாகியுள்ளார்.
பார்க்கிங் படத்திற்கு மொத்தம் 3 தேசிய விருதுகள் கிடைத்துள்ளன. சிறந்த தமிழ்ப் படம், சிறந்த துணை நடிகர், சிறந்த திரைக்கதை ஆகிய பிரிவுகளில் இப்படம் விருதுகளைப் பெற்றுள்ளது.
இசையமைப்பாளர் ஜி.வி. பிரகாஷ், சிறந்த பாடலுக்கான இசையமைப்பாளர் விருதைப் பெறுகிறார். தனுஷ் நடித்த வாத்தி படத்தின் பாடல்களுக்காக அவருக்கு இந்தப் பெருமை கிடைத்துள்ளது.
பெரும் சலசலப்பையும் சர்ச்சையையும் ஏற்படுத்திய தி கேரளா ஸ்டோரி படத்துக்கு 2 விருதுகளும், அனிமல் படத்திற்கு 2 விருதுகளும் கிடைத்துள்ளன.
பாலிவுட் சூப்பர் ஸ்டார் ஷாருக் கான் நடிக்க வந்து 30 வருடங்களுக்கு மேலாகி விட்டது. ஆனால் இப்போதுதான் முதல் முறையாக ஒரு தேசிய விருதைப் பெறுகிறார். அட்லீ இயக்கத்தில் உருவாகியிருந்த ஜவான் படத்தில் மிகச் சிறப்பாக நடித்திருந்தார் ஷாருக் கான். அப்படம் வசூலிலும் பட்டையைக் கிளப்பியது. ரூ. 1000 கோடிக்கு மேல் வசூலித்து வரலாறு படைத்தது ஜவான். தொய்வடைந்து போயிருந்த இந்தி சினிமாவுக்கு ஜவான் தான் புத்துயிர் ஊட்டியது என்பது நினைவிருக்கலாம்.
இந்த முறை சிறந்த நடிகருக்கான விருதை இரண்டு இந்தி நடிகர்கள் பகிர்ந்து கொண்டுள்ளனர். அதேபோல சிறந்த நடிகைக்கான விருதும் கூட இந்திக்கே போயுள்ளது குறிப்பிடத்தக்கது. ராணி முகர்ஜி நடித்த மிஸஸ் ராணி முகர்வசி வெர்சஸ் நார்வே படத்துக்காக அவருக்கு சிறந்த நடிகைக்கான விருது கிடைத்துள்ளது.
சமீபத்திய செய்திகள்
தீபாவளி பண்டிகை 2026: தென்காசி, கன்னியாகுமரிக்கு சிறப்பு ரயில்கள்; நாளை புக்கிங் தொடக்கம்
பள்ளிகளுக்கு அங்கீகாரம் வழங்கிய விவரகாம் : அன்பில் மகேஷ் மனைவி ஜனனியிடம் விசாரணை நடத்த திட்டம்!
‘முரசு’ புயல் எச்சரிக்கை: சென்னை, திருவள்ளூருக்கு ஆரஞ்சு அலர்ட் வானிலை மையம் எச்சரிக்கை
செட்டிநாடு ரெசிப்பி.. தீபாவளிக்கு ஸ்பெஷல் ஸ்வீட்.. தித்திக்கும் கந்தரப்பம்
சிறைச்சாலை பாதுகாப்பில் கவன குறைவாக செயல்பட்டால்... முதல்வர் விஜய் போட்ட அதிரடி உத்தரவு
இரவும் பகலும் முதல் பூவாசம் வரை.. மறக்க முடியாத தென்னகத்து ஜேம்ஸ்பாண்ட்!
அன்பில் மகேஸுக்கு நவம்பர் 4 வரை போலீஸ் காவல்: சென்னை ஊழல் தடுப்பு சிறப்பு நீதிமன்றம் உத்தரவு!
அந்த பிரியாணி.. இந்த பிரியாணியை விடுங்க.. அவரைக் கொட்டை பிரியாணி சாப்பிட்டிருக்கீங்களா??
லஞ்ச வழக்கு: முன்னாள் அமைச்சர் கே.என்.நேருவின் மனுவை தள்ளுபடி செய்தது உச்சநீதிமன்றம்!
{{comments.comment}}