இசைத்துறையின் உயரிய Grammy Award.. சங்கர் மகாதேவனின் சக்தி இசைக்குழு அசத்தல்!
வாஷிங்டன்: இசைத்துறையின் உயரிய விருதான கிராமி விருது சங்கர் மகாதேவனின் சக்தி இசைக்குழுவிற்கு கிடைத்துள்ளது.
இசைக்கலைஞர்களுக்கு உயரிய விருதாக கருதப்படுவது கிராமி விருது. இந்த விருது அமெரிக்காவைச் சேர்ந்த தி ரெக்கார்டிங் அகாடமி சார்பில் ஆண்டுதோறும் சிறந்த இசை கலைஞர்களுக்கு வழங்கப்பட்டு வருகிறது. 1951ம் ஆண்டு முதல் இந்த விருது வழங்கப்பட்டு வருகிறது.
இந்தாண்டிற்கான 66வது கிராமி விருது வழங்கும் விழா பிப்ரவரி 4ம் தேதி அமெரிக்காவில் உள்ள லாஸ் எஞ்சல்ஸ் நகரில் நடைபெற்றது. இந்த விழாவில் பல்வேறு நாடுகளைச் சேர்ந்த இசைக்கலைஞர்கள் கலந்து கொண்டனர். பல்வேறு பிரிவுகளின் கீழ் விருதுகளும் வழங்கப்பட்டன.
விழாவில் சிறந்த ஆல்பம் பிரிவில் இந்தியாவை சேர்ந்த சங்கர் மகாதேவனின் சக்தி இசைக்குழுவிற்கு விருது கிடைத்துள்ளது. பாடகர் சங்கர் மகாதேவன், செல்வகணேஷ் விநாயக்ராம், கணேஷ் ராஜகோபாலன், உஸ்தாத் ஜாகிர் உசேன் உள்ளிட்டோர் இடம் பெற்றுள்ள இக்குழுவினரின் "திஸ் மொமென்ட்" என்ற ஆல்பத்திற்காக இந்த விருது வழங்கப்பட்டுள்ளது. இந்த ஆல்பத்தில் மொத்தம் 8 பாடல்கள் இடம் பெற்றுள்ளன.
கடந்த ஆண்டு இந்தியாவின் பெங்களூரைச் சேர்ந்த ரிக்கி கேஜ், டிவைன் டைட்ஸ் ஆல்பத்துக்காக சிறந்த ஆடியோ ஆல்பத்திற்கு கிடைத்த நிலையில், இந்தாண்டு சக்தி இசைக்குழுவிற்கு கிடைத்துள்ளது. கடந்த ஆண்டு ஆர்ஆர்ஆர் படத்தில் இடம் பெற்ற நாட்டு நாட்டு பாடலுக்கும் கிராமி விருது கிடைத்திருந்தது குறிப்பிடத்தக்கது.
இந்த விழாவில் சங்கர் மகாதேவன் பேசுகையில், எனது குழு, கடவுள், குடும்பத்தினர், நண்பர்கள் மற்றும் இந்தியாவுக்கு நன்றி. இந்தியாவை நினைத்து நாங்கள் பெருமை கொள்கிறோம் என்று தெரிவித்துள்ளார்.
சமீபத்திய செய்திகள்
தமிழ்நாடு நாள்: தமிழின் இனிமையும் பண்பாடும் தலைமுறை கடந்தும் தழைத்தோங்கும்.. முதல்வர் விஜய்
நான் என்னுடைய சுய கணக்கெடுப்பை முடித்து விட்டேன்.. வீடியோ வெளியிட்ட முதல்வர் விஜய்
Census: தமிழகத்தில் ஆகஸ்ட் 1 முதல் முதற்கட்ட மக்கள்தொகை கணக்கெடுப்பு.. ஆன்லைனிலும் சமர்ப்பிக்கலாம்!
ரோஹித் சர்மா ஓய்வு பெற நிர்ப்பந்தமா.. உண்மையில் என்னதான் நடக்கிறது?
ஜோர்டானில் இருந்த அமெரிக்க போர் விமானங்களை அழித்ததாக ஈரான் அதிரடி தகவல்
ரயில் டிக்கெட் முன்பதிவை எளிதாக்க ஐஆர்சிடிசி (IRCTC) புதிய பீட்டா பதிப்பு அறிமுகம்
சிந்தனைச் சிதறல்.. தனித்துவமும் தன் மதிப்பும் மிகுந்த தனிமையே உயர்வானது!
ரஷ்ய எண்ணெய் வாங்கும் இந்தியா, சீனா மீது 100% வரி? அமெரிக்க நாடாளுமன்றத்தில் புதிய மசோதா
ஓய்வறியா தமிழ்ச் சூரியன்.. தளராமல் தமிழ் வளர்க்கும் பாரதிச்சுடர் நா.வே.நீலகண்டத் தமிழன்!
{{comments.comment}}