மழையே மழையே.. மறுபடியும் ஒரு மழைக்காலம் வந்தாச்சு.. காலையிலே சூப்பராக நனைந்த சென்னை

Oct 14, 2025,05:31 PM IST

சென்னை: சென்னை மற்றும் புறநகர் மாவட்டங்களில் காலையிலேயே செமையான ஒரு மழை பெய்து மக்களைக் குளிர வைத்து விட்டது. இந்த மழை இன்று முழுக்க அவ்வப்போது தொடரும் என்று தமிழ்நாடு வெதர்மேன் தெரிவித்துள்ளார்.

வட கிழக்குப் பருவ மழை வரப் போகிறது. நாள் நெருங்கி விட்டது. 16ம் தேதிக்கு மேல் மழை தொடங்கலாம் என்று வானிலை மையம் ஏற்கனவே அறிவித்துள்ளது. இந்த நிலையில் தற்போதே அதற்கான சூழலை சென்னை சந்திக்க ஆரம்பித்து விட்டது. சில நாட்களாகவே அவ்வப்போது சின்ன சின்னதாக மழை பெய்து வந்தது. கூடவே வெயிலும் இருந்தது.

இந்த நிலையில் இன்று காலை டோட்டலாக சூழல் மாறியது. காலையில் சரியான மழை ஒன்று பெய்து தீர்த்தது. குறிப்பாக புறநகர்களில் சூப்பராக மழை பெய்தது. திடீர் கன மழையால் மக்கள் ஹேப்பியாகி விட்டனர். இந்த மழை இன்று முழுவதும் அவ்வப்போது இருக்கும் என்று தமிழ்நாடு வெதர்மேன் தெரிவித்துள்ளார்.

மேலும் 15ம் தேதி முதல் 18ம் தேதி வரையிலான காலகட்டத்தில் கன மழையாக இது அதிகரிக்கும் என்றும் வெதர்மேன் தெரிவித்துள்ளார். ஆக, இந்த வட கிழக்குப் பருவ மழைக்காலம் சரியான அதிரடியுடன் தொடங்கும் என்று எதிர்பார்ப்போம்.

அதேபோல தூத்துக்குடி முதல் சென்னை வரியைலான கடலோர மாவட்ட மக்கள் இன்று முதல் வெளியில் செல்லும்போது குடையுடன் போங்க என்றும் வெதர்மேன் அட்வைஸ் கொடுத்துள்ளார்... வாங்க மக்களே இன்னும் ஒரு மழைக்காலம் வந்தாச்சு.. சந்தோஷமாக அனுபவிப்போம்.. கூடவே ஜாக்கிரதையாகவும் இருந்து கொள்வோம்.