தமிழகத்தில் இன்று வரைவு வாக்காளர் பட்டியல் வெளியீடு
சென்னை : எஸ்ஐஆர் பணிகள் நிறைவடைந்து உள்ள நிலையில் டிசம்பர் 19ம் தேதியான இன்று தமிழகத்தில் வரைவு வாக்காளர் பட்டியல் வெளியிடப்படும் என தமிழக தேர்தல் அதிகாரி அர்ச்சனா பட்நாயக் தெரிவித்துள்ளார்.
தமிழகத்தில் 2026 ம் ஆண்டு ஏப்ரல் மாதத்தில் தமிழக சட்டசபை தேர்தல் நடத்தப்படலாம் என எதிர்பார்க்கப்படுகிறது. பிப்ரவரி கடைசி வாரம் அல்லது மார்ச் முதல் வாரத்தில் தேர்தல் தேதி அறிவிக்கப்பட வாய்ப்புகள் உள்ளதாக சொல்லப்படுகிறது. இந்நிலையில் தமிழகத்தில் கடந்த ஒரு மாதத்திற்கும் மேலாக சிறப்பு வாக்காளர் வரைவு திருத்தப்பணிகள் முழு வீச்சில் நடைபெற்று வந்தது. திமுக உள்ளிட்ட கட்சிகள் தொடர்ந்து எதிர்ப்பு தெரிவித்து வந்த போதும் தொடர்ந்து எஸ்ஐஆர் பணிகள் நடைபெற்று வந்தது.
இதன் விளைவாக பல மாவட்டங்களில் லட்சக்கணக்கான போலி வாக்காளர்களின் பெயர்கள் வாக்காளர் பட்டியலில் இருந்து நீக்கப்பட்டுள்ளதாக சொல்லப்படுகிறது. ஆனால் இதுவரை நடைபெற்ற எஸ்ஐஆர் பணிகளில் தமிழகம் முழுவதும் எவ்வளவு போலி வாக்காளர்களின் பெயர்கள் நீக்கப்பட்டது என்பது குறித்த அதிகாரப்பூர்வ புள்ளி விபத்தை தேர்தல் கமிஷன் இதுவரை வெளியிடவில்லை. இந்நிலையில் வரைவு வாக்காளர்கள் பட்டியல் இன்று வெளியிடப்படும் என தமிழக தேர்தல் அதிகாரி அர்ச்சனா பட்நாயக் தெரிவித்துள்ளார்.
வரைவு வாக்காளர் பட்டியல் வெளியான பிறகு வாக்காளர் பட்டியலில் பெயர் நீக்க, சேர்க்க, திருத்தங்கள் செய்ய விண்ணப்பிக்கலாம். பொது மக்கள் விண்ணப்பங்களை அளித்த பிறகு, அதனை ஆய்வு செய்து இறுதி வாக்காளர் பட்டியல் பிப்ரவரி மாதம் வெளியிடப்படும் என்றும் அர்ச்சனா பட்நாயக் தெரிவித்துள்ளார்.
சமீபத்திய செய்திகள்
Chennai Super Kings vs RR: முன்னாள் அணிகளுக்கு எதிராக களம் இறங்கும் சஞ்சு சாம்சன், ஜடேஜா!
DMK Election Manifesto: இல்லத்தரசிகளுக்கு ரூ.8,000 கூப்பன்: திமுக தேர்தல் அறிக்கையில் மெகா அறிவிப்பு
கலைஞர் மகளிர் உரிமைத் தொகை ரூ. 2000 ஆக உயர்த்தப்படும்.. திமுக தேர்தல் வாக்குறுதி
C Joseph Vijay... பெரம்பூர், திருச்சி கிழக்கு.. 2 தொகுதிகளில் தவெக தலைவர் விஜய் போட்டி!
234 தொகுதிகளிலும் தவெக தனி ஆவர்த்தனம்.. வேட்பாளர் பட்டியலை வெளியிடுகிறார் விஜய்!
Thiruvarur Aazhi Ther: திருவாரூர் தேர் – பலர் அறியாத சுவாரஸ்யமான தகவல்கள்!
புனித வாரம் தொடங்கியது.. தமிழ்நாடு முழுவதும் குருத்தோலை ஞாயிறு ஊர்வலம்
திருவாரூரில் மக்கள் வெள்ளத்திற்கு மத்தியில் அசைந்து வரும் ஆழித்தேர்!
முதல் தோட்டா.....!
{{comments.comment}}