ஆன்லைன் ரம்மி தடை மசோதா .. ஆளுநர். ஆர்.என். ரவி ஒப்புதல்

Apr 10, 2023,04:47 PM IST

சென்னை: ஆன்லைன் ரம்மி தடை மசோதாவுக்கு நீண்ட இழுபறிக்குப் பின்னர் ஆளுநர் ஆர். என். ரவி ஒப்புதல் அளித்துள்ளார். இன்று காலைதான் ஆளுநரின் செயல்பாடுகளுக்குக் கண்டனம் தெரிவித்து சட்டசபையில் தீர்மானம் நிறைவேற்றப்பட்டது என்பது நினைவிருக்கலாம்.

ஆன்லைனில் ரம்மி விளையாட்டை பல்வேறு சூதாட்ட நிறுவனங்கள் நடத்தி வருகின்றன. இதில் சிக்கி பலரும் பாதிக்கப்பட்டுள்ளனர். 40க்கும் மேற்பட்டோர் தற்கொலை செய்து கொண்டுள்ளனர். மக்களின் வாழக்கை, உயிர், பணத்தை உறிஞ்சும் இந்த ரம்மி விளையாட்டை தடை செய்ய வேண்டும் என்று மாநில அரசுக்குக் கோரிக்கை விடுக்கப்பட்டு வந்தது.

இதையடுத்து கடந்த ஆண்டு அக்டோபர் 19ம் தேதி சூதாட்டத்தைத் தடை செய்து மசோதா நிறைவேற்றப்பட்டு ஆளுநருக்கு அனுப்பி வைக்கப்பட்டது. ஆனால் நீண்ட காலம் இதன் மீது நடவடிக்கை எடுக்காமல் வைத்திருந்த ஆளுநர் ஆர்.என். ரவி, கடந்த மாதம் 6ம் தேதி விளக்கம் கேட்டு திருப்பி அனுப்பி விட்டார். இது பெரும் சர்ச்சை மற்றும் விவாதத்தைக் கிளப்பியது. இருப்பினும் தமிழ்நாடு சட்டசபையில் இதே மசோதாவை திரும்ப நிறைவேற்றி அன்றே ஆளுநருக்கும் அனுப்பி வைக்கப்பட்டது.

வழக்கமாக 2வது முறை மசோதா ஆளுநருக்கு அனுப்பி வைக்கப்பட்டால் அதற்கு அவர் ஒப்புதல் அளித்தாக வேண்டும் என்பது நடைமுறையாகும். இருப்பினும் இதுகுறித்தும் நடவடிக்கை எடுக்காமல் இருந்தார் ஆளுநர். இந்த நிலையில் இன்று காலை ஆளுநரின் செயல்பாடுகளுக்கு எதிராக சட்டசபையில் தீர்மானம் நிறைவேற்றப்பட்டது. இதன் மீது உறுப்பினர்கள் ஆவேசமாக பேசியிருந்தனர்.

இந்த நிலையில் இன்று பிற்பகலுக்கு மேல் ரம்மி மசோதாவை ஆளுநர் ஒப்புதல் அளித்திருக்கும் செய்தி வெளியானது. இந்த மசோதாவில் உள்ளபடி, ஆன்லைனில் ரம்மி விளையாட தடை விதிக்கப்படுகிறது. மீறி விளையாடினால் 3 மாத சிறைத் தண்டனை அல்லது ரூ. 5000 அபராதம் அல்லது இரண்டும் சேர்த்து தண்டனை விதிக்கப்படும். என்பது குறிப்பிடத்தக்கது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

மக்களின் உழைப்பால் வளர்ச்சி அடைந்த இந்தியா சாத்தியம்...குடியரசு தின உரையில் ஜனாதிபதி பேச்சு

பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு

குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!

8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?

எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்

அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!

மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!

டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!

ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?