பீஷ்மனின் பீடு!

Feb 03, 2026,04:44 PM IST

- எம்.கே. திருப்பதி


தேவ விரதன் ஒரு

தெய்வ புத்திரன் :


தாகம் மோகம் 

தந்தைக்கு ஈந்த 

தனித் திறன்!


கனவில் கொண்டு

கணை எடுத்தான் :

அணை எடுத்தான் :கங்கை 

ஆற்றைத் தடுத்தான்!




மீனவன் நோக்கு ---

மீறுமோ வாக்கு?


"வான் உள்ளவரை 

ஊன் உள்ளவரை 

பேண மாட்டேன் 

பெண்ணின் புணர்ச்சி!"


நவின்றது இப்படி 

நெடியோன் நாக்கு!


வானோர்

வழிபட்டனர் :

பீஷ்மன் என 

புதுப்பேர் இட்டனர்!


தந்தை சந்தனு - இவ்

விந்தை போற்றி 

கொடுத்த வரம் 

கோடியில் ஒன்று!


"நீ அழைக்கும் வரை 

அண்டாது மரணம்: 

மறலி கூட -- உன்

மனதுக்கு திரணம்!"


கோடரி பிடித்த 

பரசுராமன்   குருவானான் :


போட்டியில் குருவை 

அப்புறப்படுத்திய

ஆற்றலின் உருவானான்!


சந்திர குலம் 

சூரியன் போல்

சுடர் விட்டது:

பீஷ்மனின் பீடு இப்படி 

பேச வைத்தது!


இந்து வமிசத்து

இமயக் குன்று :

சத்தியம் தவறா 

சமயக் குன்று!


பாரதப்போரில் 

பார்த்தனுக்கு பகவான் போல்...


தம்பிகளின் சார்பில்

ஆட்சித் தேரை 

அவனே ஓட்டினான்!


இனியவர்களுக்கு -- அவன்

ஏற்றி வைத்த தீபங்களே 

அவனுக்கு

கொள்ளிக்கட்டையாய் மாறின!


காந்தாரியின் வரவு

சகுனியை தந்தது!


அம்பிகை அம்பாலிகையின் 

அழைப்பு...

சிகண்டியாய் சீறியது!


எவரும் வெல்ல முடியா 

அந்த வீரத்தை

சிகண்டிதான் நூறியது!


நீரின் புதல்வன்

தீயில் எரிந்தான்!


கங்கையின் கன்று

கங்கையில் கரைந்தான்!


( இன்று பீஷ்மர் முக்தியடைந்த திருநாள்)


(எழுத்தாளர் எம்.கே. திருப்பதி.. திருப்பூரைச் சேர்ந்தவர். நூல் படிப்பதில் ஆர்வம். அதன் நீட்சியாக கொஞ்சம் கொஞ்சம் எழுத்துப்பணி.  98 ஆம் ஆண்டிலேயே 4 சிறுகதை, கவிதைகள், துணுக்குகள் பத்திரிகைகளில் வெளிவந்திருக்கிறது. திருச்சி ஆல் இந்தியா வானொலி நிலையத்தில் கவிதை வாசித்திருக்கிறார். காவியக் கவிஞர் வாலி. கிரைம் நாவல் மன்னன் ராஜேஷ்குமாரின் தீவிர ரசிகன். திருவண்ணாமலை தடங்கள் பதிக்கும் பன்னாட்டு தமிழ்ச் சங்கத்தில் நடந்த பல்வேறு நிகழ்வுகளில் பங்கேற்றுள்ளார்)

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

news

தங்கத்தில் கலப்படம் செய்தால் கடும் நடவடிக்கை: இந்திய தர நிர்ணய ஆணையம் (BIS) அதிரடி எச்சரிக்கை!

news

கொளத்தூர் தொகுதியில் மீண்டும் மு.க.ஸ்டாலின் போட்டி? – திமுக எம்.பி., சொன்ன தகவல்

news

தங்கம் விலை வீழ்ச்சி... வாங்குவோருக்கு மகிழ்ச்சி; அடகு வைப்போருக்கு அதிர்ச்சி!

news

நானும் உன்னைப் போலவே....!

news

காணாமல் போன இன்னொரு குழந்தை யார்?.. அவள் யாரென்று தெரியுமா? (4)

news

மக்களே உஷார்...வெங்காயத்தை தொடர்ந்து தக்காளி விலையும் கிடுகிடுவென உயர்கிறது

news

எருக்கஞ்செடி.. ஆன்மீகம் மட்டுமல்ல.. பாரம்பரிய மருத்துவத்திலும் முக்கியமானது!

news

சபரிமலை பக்தர்களுக்கு ரூ.2 லட்சம் ஆயுள் காப்பீடு: எல்.ஐ.சி உடன் தேவஸ்வம் போர்டு ஒப்பந்தம்!

news

துளசிதேவிக்கும் சாளக்கிரமத்திற்கும் நடத்தப்படும் துளசி கல்யாணம்!

அதிகம் பார்க்கும் செய்திகள்