தமிழகத்தில் ஆவில் பால் பச்சை பாக்கெட் விலை உயர்வா? ஆவின் நிர்வாகம் விளக்கம்
சென்னை : தமிழகத்தில் ஆவின் பச்சை நிற பால் பாதக்கெட்டின் விலை லிட்டருக்கு ரூ.6 உயர்த்தப்பட்டதாக சமூக வலைதளங்களில் பரவி வரும் தகவலுக்கு தமிழக அரசு மற்றும் ஆவின் நிர்வாகம் அதிகாரப்பூர்வமாக மறுப்பு தெரிவித்து விளக்கம் அளித்துள்ளது.
கடந்த சில தினங்களாக சமூக வலைதளங்களில், திமுக அரசு ஆட்சிக்கு வரும் போது பால் விலையைக் குறைப்பதாகக் கூறி விட்டு, தற்போது ஆவின் பச்சை நிற பால் பாக்கெட்டின் விலையை லிட்டருக்கு ரூ.6 உயர்த்திவிட்டதாகத் தகவல்கள் பரவின. இது பொதுமக்கள் மற்றும் இல்லத்தரசிகளிடையே பெரும் அதிர்ச்சியை ஏற்படுத்தியது.
இந்த விவகாரம் தொடர்பாக தமிழ்நாடு தகவல் சரிபார்ப்பகம் (Fact Check Unit) மற்றும் ஆவின் நிர்வாகம் வெளியிட்டுள்ள விளக்கத்தில் கூறியிருப்பதாவது:
தமிழ்நாடு முழுவதும் ஆவின் பால் விலையிலோ அல்லது அதன் வகைகளிலோ எந்தவித மாற்றமும் செய்யப்படவில்லை. பழைய விலையிலேயே பால் விநியோகம் தடையின்றி நடைபெற்று வருகிறது.
ஆவின் நிறுவனம் சமீபத்தில் 'கிரீன் மேஜிக் பிளஸ்' (Green Magic Plus) என்ற புதிய வகை பால் பாக்கெட்டை அறிமுகப்படுத்தியுள்ளது. இதில் வைட்டமின் ஏ மற்றும் டி சத்துக்கள் கூடுதலாகச் சேர்க்கப்பட்டுள்ளன. மேலும், இதன் கொழுப்புச் சத்து 4.5% மற்றும் இதரச் சத்துக்கள் (S.N.F) 9% ஆக உயர்த்தப்பட்டுள்ளது. இதன் காரணமாகவே இந்த குறிப்பிட்ட புதிய வகை பாக்கெட் மட்டும் கூடுதல் விலையில் விற்பனை செய்யப்படுகிறது.
வழக்கமான பச்சை நிற 'கிரீன் மேஜிக்' (Green Magic - 4.5% Fat, 8.5% SNF) பால் பாக்கெட்டுகள் மாற்றமின்றி பழைய விலையிலேயே சந்தையில் கிடைக்கின்றன. அதன் உற்பத்தியும் நிறுத்தப்படவில்லை என ஆவின் நிர்வாகம் விளக்கம் அளித்துள்ளது.
சமீபத்திய செய்திகள்
Tamil Nadu Budget: ஆகஸ்ட் 5-இல் தமிழ்நாடு பட்ஜெட் தாக்கல்: சபாநாயகர் ஜே.சி.டி. பிரபாகர் அறிவிப்பு!
பெரம்பூர் தேர்தல் வழக்கு : முதல்வர் விஜய்க்கு நோட்டீஸ் அனுப்ப நீதிமன்றம் உத்தரவு
எம்எல்ஏ.,வை கைது செய்ய முடியுமா?: சபாநாயகர் விளக்கம்!
பிரதமர் மோடி நிபந்தனையின்றி மன்னிப்பு கேட்க வேண்டும் : ராகுல் காந்தி விமர்சனம்
“எங்களுக்கு அநீதி நடந்துள்ளது” – 'ஜனநாயகன்' ரிலீஸ் குறித்து இயக்குனர் எச்.வினோத் பரபரப்பு பேட்டி!
"புத்தகப் பை சுமை குறைக்கப்படும்": பள்ளிக் கல்வித் துறை அமைச்சர் ராஜ்மோகன் அறிவிப்பு!
மக்களவையில் 2ஆவது நாளாக எதிர்கட்சிகள் அமளி: தொடர்ந்து அவை ஒத்திவைப்பு!
பிரதமர் மோடி தலைமையில் தே.ஜ.கூட்டணி எம்.பி.க்கள் ஆலோசனைக் கூட்டம்
பி.வி. சிந்துவுக்கு விராட் கோலி சொன்ன அந்த ஒரு வார்த்தை.. ஜப்பானில் நடந்த மேஜிக்!
{{comments.comment}}