கள்ளக்குறிச்சி சம்பவம்: பிறந்தநாள் கொண்டாட்டங்கள் வேண்டாம்.. ரசிகர்களுக்கு விஜய் உத்தரவு

Jun 21, 2024,09:05 PM IST

கள்ளக்குறிச்சி:   தனது பிறந்த நாள் கொண்டாட்டங்களைத் தவிர்த்து, கள்ளக்குறிச்சியில் உயிரிழந்தவர்கள் மற்றும் சிகிச்சை  பெறுவோரின் குடும்பங்களுக்குத் தேவையான அனைத்து உதவிகளையும் நேரடியாகச் சென்று வழங்கிட அனைத்து மாவட்ட தமிழக வெற்றிக் கழக நிர்வாகிகளுக்கு விஜய் உத்தரவிட்டுள்ளார்.


கள்ளக்குறிச்சி மாவட்டம் கருணாபுரம் பகுதியில் கள்ளச்சாராயம் அருந்தி 50க்கும் மேற்பட்டோர் உயிரிழந்துள்ளனர். மேலும், பலர் தீவிர சிகிச்சை பெற்று வருகின்றனர். அவர்களில் பலரின் நிலைமை கவலைக்கிடமாக உள்ளது. பலியானவர்களின் எண்ணிக்கையும் தற்போது அதிகரித்து கொண்டே வருகிறது. 




இந்நிலையில், பல்வேறு அரசியல் கட்சி தலைவர்கள் தங்களது  இரங்கலையும், அனுதாபங்களையும் தெரிவித்து வருகின்றனர். தமிழக வெற்றிக் கழக தலைவரும், நடிகருமான விஜய் நேற்று கள்ளக்குறிச்சிக்கு நேரில் சென்று இறந்தவர்களின் குடும்பத்திற்கு ஆறுதல் கூறினார். அதனைத் தொடர்ந்து மருத்துவமனையில் சிகிச்சை பெற்று வருபவர்களின் நிலைமை குறித்து மருத்துவர்களிடம் கேட்டறிந்தார். இந்நிலையில், தனது பிறந்த நாள் கொண்டாட்டங்களைத் தவிர்த்து, கள்ளக்குறிச்சியில் பாதிக்கப்பட்டவர்களுக்கு உதவுமாறு விஜய் தனது கட்சி நிர்வாகிகளுக்கு உத்தரவிட்டுள்ளார். 


இது குறித்து தமிழக வெற்றிக் கழகத்தின் பொதுச் செயலாளர் புஸ்ஸி ஆனந்த் வெளியிட்டுள்ள அறிக்கை:


தனது பிறந்த நாள் கொண்டாட்டங்களைத் தவிர்த்து, கள்ளக்குறிச்சியில் உயிரிழந்தவர்கள் மற்றும் சிகிச்சை பெறுவோரின் குடும்பங்களுக்குத் தேவையான அனைத்து உதவிகளையும் நேரடியாகச் சென்று உடனே வழங்கிட அனைத்து மாவட்ட நிர்வாகிகளுக்கும் தளபதி விஜய் அவர்கள் உத்தரவிட்டுள்ளார்.


எனவே தலைவர் அவர்களின் உத்தரவின்படி, கழக நிர்வாகிகள், கள்ளக்குறிச்சியில் பாதிக்கப்பட்ட குடும்பத்தினரை நேரில் சந்தித்து அவர்களுக்குத் தேவையான மருத்துவ உதவி மற்றும் அத்தியாவசியப் பொருட்கள் உள்ளிட்ட தேவையான உதவிகளை உடனடியாகச் செய்ய வேண்டும் எனக் கேட்டுக்கொள்கிறேன் என்று கூறியுள்ளார்.

சமீபத்திய செய்திகள்

news

காவிரி நீர் பிடிப்பு பகுதிகளில்.. தொடரும் கனமழை.. மேட்டூருக்கு 1 லட்சம் கன அடி வரை நீர் வர வாய்ப்பு!

news

தமிழ்நாட்டிற்கு இன்று எல்லோ அலர்ட்.. கன மழைக்கு வாய்ப்பு‌.. குடை must!

news

ஆடி தள்ளுபடி.. பொருளுக்குதான்.. சிரிக்கிறதுக்கு இல்லை.. வாங்க, வந்து நல்லா கலகலன்னு சிரிங்க!

news

வங்கதேசத்தில் பெரும் கலவரம்.. போர்க்களமாக மாறிய நகரங்கள்.. 100க்கும் மேற்பட்டோர் பலி.. ஊரடங்கு!

news

இலங்கை டூருக்கான இந்திய அணி தேர்வு.. ரசிகர்கள் குழப்பம் + ஷாக்.. கெளதம் கம்பீர் கையில் டேட்டா!

news

ஜூலை 20 - இன்றைய பஞ்சாங்கம், நல்ல நேரம்

news

இன்று எந்த ராசிக்காரர்களுக்கு அன்பு, பாசம் கிடைக்க போகிறது?

news

ஆம்ஸ்ட்ராங் கொலை.. தலைமறைவாக இருந்த புளியந்தோப்பு அஞ்சலை.. ஓட்டேரியில் கைது!

news

அம்மா உணவகங்களை சிறப்பாக நடத்த ரூ 21 கோடி.. ஆய்வுக்குப் பின் முதல்வர் ஸ்டாலின் அதிரடி உத்தரவு

அதிகம் பார்க்கும் செய்திகள்