சென்சாரில் ஆட்சேபிக்கப்பட்ட வடக்கன் படத்தின் தலைப்பு.. ரயில் என மாற்றம்.. டிஸ்னி நிறுவனம் அறிவிப்பு!

Jun 03, 2024,05:04 PM IST

சென்னை: டிஸ்கவரி சினிமாஸ் தயாரிப்பில் உருவாகியுள்ள வடக்கன் என்ற படத்தின் தலைப்பு 'ரயில்' என மாற்றப்பட்டுள்ளதாக இப்பட தயாரிப்பு நிறுவனம் அறிவித்துள்ளது.

டிஸ்கவரி சினிமாஸ் தயாரிப்பில் உருவாகியுள்ள திரைப்படம் வடக்கன். இப்படத்தில் பாஸ்கர் சக்தி என்ற பிரபல எழுத்தாளர் இயக்குனராக அறிமுகமாகிறார். இவர் வெண்ணிலா கபடி குழு, எம்டன் மகன், நான் மகான் அல்ல உட்பட சுமார் 10 படங்களில் வசனகர்த்தாவாக பணியாற்றியுள்ளார். தமிழ்நாட்டில் பணி புரியும் வடமாநில தொழிலாளர்களை மையப்படுத்தி உருவாகியுள்ள இப்படத்தில் புதுமுக நடிகர் குங்குமராஜ், வைரமாலா, பர்வேஸ் மெஹ்ரூ, சமிரா உட்பட பலர் நடித்துள்ளனர்.

வடக்கன் படத்தின் டீசர் சமீபத்தில் வெளியாகி பலரின் கவனத்தை ஈர்த்து வருகிறது. இதனைத் தொடர்ந்து இப்படம் விரைவில் வெளியாகும் என ஏற்கனவே பட குழுவினர் அறிவித்திருந்தனர்.

இந்த நிலையில் டிஸ்கவரி சினிமாஸ் தயாரிப்பில் உருவாகியுள்ள வடக்கன் படத்தின் தலைப்பு மாற்றப்பட்டுள்ளதாக இப்பட தயாரிப்பு நிறுவனம் அறிக்கை ஒன்றை வெளியிட்டுள்ளது. அதில்

எங்கள் டிஸ்கவரி சினிமாஸ் நிறுவனத்தின் தயாரிப்பில் உருவாகி விரைவில் வெளியீடுக்காக காத்திருக்கும் வடக்கன் திரைப்படத்தின் பெயர் தணிக்கை அதிகாரி தடை செய்ததால் தற்போது ரயில் என்று மாற்றப்பட்டுள்ளது என்பதை தெரிவித்துக் கொள்கிறோம். படத்தின் வெளியிட்ட தேதி அடுத்த அறிவிப்பில் வெளியாகும். உங்களின் அனைவரின் ஆதரவையும் ஒத்துழைப்பையும் வேண்டுகிறோம் என தயாரிப்பாளர் வேடியப்பன் கூறியுள்ளார்.