இளையராஜாவின் மெட்டுடன்.. குரலெடுத்து பாடி.. பாரதிராஜாவை மகிழ்வித்த வைரமுத்து!

Aug 01, 2023,10:53 AM IST

சென்னை: தான் ஆடாவிட்டாலும் தன் சதை ஆடும் என்பார்கள்.. அது இளையராஜா - வைரமுத்துவுக்கும் கூட பொருந்தும். இளையராஜாவின் டியூனில் அவரே ஒரு பாடலை இயற்றி, இயக்குநர் பாரதிராஜாவிடம் பாடிக் காட்டி அவரை வாழ்த்தியுள்ளார்.

இளையராஜா - பாரதிராஜா - வைரமுத்து .. இந்த மூவர் கூட்டணியின் காலம் தமிழ்த் திரையுலகின் பொற்காலத்தில் என்று. எப்படி எம்எஸ்வி - கண்ணதாசன் - பீம் சிங் போன்றோரின் கூட்டணி திரையுலகில் கொடி கட்டிப் பறந்ததோ அதேபோலத்தான் இந்த ராஜாக்களும்.

தேனி மாவட்டத்து கள்ளிக் காடுகளில் திரிந்து அலைந்து வளர்ந்த இந்தக் கலைப் புயல்கள் தமிழ் திரையுலகுக்கு ஏற்படுத்திய தாக்கம் அத்தனை சீக்கிரம் மறக்க முடியாது. காலம் இவர்களைப் பிரித்துப் போட்டு விட்டது. இப்போது சேர்வார்கள்.. அப்போது சேர்வார்கள்.. இன்றாவது சேர்ந்து விடுவார்கள் என்று எதிர்பார்த்து எதிர்பார்த்து இனி இவர்கள் சேரவே மாட்டார்களா என்ற ஏக்கத்திலேயே ஒரு தலைமுறை வாழ்ந்து விட்டது.

இந்த நிலையில் பாரதிராஜா உடல் நலம் குன்றி தற்போது ஓய்வில் இருந்து வருகிறார். அவரை வைரமுத்து நேரில் போய்ப் பார்த்து நலம் விசாரித்தார்.. கவிப் பேரரசு ஆயிற்றே.. சும்மா போய் பார்த்து விட்டு வர முடியுமா.. ஒரு பாடலையும் எழுதி அதை தானே பாடியும் விட்டு வந்துள்ளார் வைரமுத்து. அவர் பாடிய ட்யூன் எது தெரியுமா.. தென் பாண்டிச் சீமையிலேயே.. ஒரு நண்பர் இளையராஜாவின் ட்யூனில்தான் இன்னொரு நண்பர் பாரதிராஜாவை வாழ்த்தி மகிழ்ந்துள்ளார் வைரமுத்து.

இளையராஜாவின் ட்யூனில் வைரமுத்து பாடல் எழுதி தானே பாடி வாழ்த்தியது அவர்களின் ரசிகர்களை இன்ப அதிர்ச்சிக்குள்ளாக்கியுள்ளது. ஆஹா.. இதுக்குத்தானேய்யா நாங்கெல்லாம் காத்துக் கிடந்தோம்.. தண்ணீரின்றி வறண்ட பூமியில்.. சொட்டு வைத்து விட்டுப் போனது போல இருக்கே என்று அத்தனை இசை உள்ளங்களும் மெய் மறந்து இதைக் கொண்டாடிக் கொண்டுள்ளன.

இப்படியாவது இவர்கள் சேர்ந்தார்களே என்ற சந்தோஷம்தான் அதில் மிகுதி.. நீங்களும் கேளுங்கள்.. நம்ம ராஜாக்களின்அன��புப் பரிமாறலை..!

இளையராஜா மெட்டில் பாரதிராஜாவை பாடி வாழ்த்திய வைரமுத்து

சமீபத்திய செய்திகள்

தமிழகத்தில் இன்று முதல் அடுத்த 7 நாட்களுக்கு மழை பெய்ய வாய்ப்பு: வானிலை மையம் தகவல்!

முதல்வர் மருந்தகத்தில் மாவு விற்பனை: முன்னாள் தமிழக பாஜக தலைவர் அண்ணாமலையின் எக்ஸ் தள பதிவு!

கருவறை முதல் கல்லறை வரை... அலட்சியமும் ஊழலும் மலிந்து போன திமுக அரசு: தவெக

ஸ்வஸ்திக் சின்னம்.. அதிர்ஷ்டம், மங்கலம் மற்றும் செழிப்பின் அடையாளம்!

AI-யிலும் வடிவேலுதான் கிங்கு.. எங்க பார்த்தாலும் அந்தக் குண்டுப் பையன்தான் உருண்டுட்டிருக்கான்!

சாலையில் கழன்று ஓடிய அரசுப் பேருந்து சக்கரங்கள்: 3 மாணவர்கள் படுகாயம்

அதிரடியாக தங்கம் விலை சவரனுக்கு ரூ.440 குறைவு... மகிழ்ச்சியில் வாடிக்கையாளர்கள்!

எழும்பூர் ரயில் நிலையத்தில் மறு சீரமைப்புப் பணிகள்.. 5 எக்ஸ்பிரஸ் ரயில்கள் தாம்பரத்துக்கு மாற்றம்!

அன்புள்ள மான்விழியே.. கடிதம் வாயிலாக காதலைத் தீட்டிய தமிழ்த் திரைப் பாடல்கள்!

இளையராஜாவின் மெட்டுடன்.. குரலெடுத்து பாடி.. பாரதிராஜாவை மகிழ்வித்த வைரமுத்து!

Comments

சமீபத்திய செய்திகள்

அதிகம் பார்க்கும் செய்திகள்