பிரச்சாரத்துக்குப் போன இடத்தில்.. வீடு புகுந்து.. ரொட்டி சுட்ட வானதி சீனிவாசன்!

May 02, 2023,10:33 AM IST

பெங்களூரு: கர்நாடக சட்டசபைத் தேர்தல் பிரச்சாரத்திற்குப் போன இடத்தில் ஒரு பாஜக பிரமுகரின் வீட்டுக்குள் சென்று அங்கு சோள ரொட்டி சுட்டு அசத்தினார் கோவை தெற்குத் தொகுதி பாஜக எம்எல்ஏ வானதி சீனிவாசன்.

கோவை தெற்குத் தொகுதி எம்எல்ஏவாக இருக்கும் வானதி சீனிவாசன், பாஜக மகளிர் அணித் தலைவராகவும் இருக்கிறார். இதனால் நாடு முழுவதும் பெரும்பாலும் சுற்றுப் பயணத்திலேயேதான் இருப்பார். தற்போது கர்நாடக சட்டசபைத் தேர்தல் பிரச்சாரத்தில் அவர் ஈடுபட்டுள்ளார்.

இதற்காக பெங்களூரு சென்றிருந்த அவர் அங்கிருந்து கார் மூலம் காலபர்கி என்ற நகருக்குச் சென்றார். அங்கு மகளிர் அணிப் பிரமுகர்களுடன் இணைந்து பிரச்சாரத்தில் ஈடுபட்டார். அப்போது அங்கிருந்த பாஜக பெண் பிரமுகர் வீட்டுக்குள் சென்ற அவர் அங்கிருந்தவர்களுடன் பேசினார். பின்னர் அந்த ஊரில் மிகப் பிரபலமான ஜாவார் ரொட்டி அதாவது சோள ரொட்டி பற்றிக் கேள்விப்பட்ட அவர் தானே அதைச் செய்வதாக விருப்பம் தெரிவித்தார்.

இதையடுத்து கிச்சனுக்குள் மகளிர் பட்டாளம் புகுந்தது. எப்படி அந்த ரொட்டியைச் சுட வேண்டும் என்று கேட்டுத் தெரிந்து கொண்ட வானதி, களத்தில் குதித்தார். ஜாவார் ரொட்டியை கைகளால் தட்டித் தட்டி பின்னர் அதை தோசைச் சட்டியில் போட்டு சுட வேண்டும். நம்ம ஊர் சோள ரொட்டிதான் இது. ஆனால் இந்த ரொட்டி கர்நாடகத்தில் மிகவும் பிரபலமானது. சும்மா சொல்லக் கூடாது, கன்னடத்துக்காரர்கள் சுடுவது போலவே சூப்பராக சோள ரொட்டியைச் சுட்டுத் தள்ளினார் வானதி சீனிவாசன்.

இதுகுறித்த ஒரு சுவாரஸ்யமான வீடியோவையும் தனது டிவிட்டர் பக்கத்தில் போட்டுள்ளார் வானதி சீனிவாசன்.

சமீபத்திய செய்திகள்

நவம்பர் 1-க்குள் தமிழில் கடையின் பெயர் பலகைகள்...சென்னை உயர் நீதிமன்றம் அதிரடி உத்தரவு!

"பூச்சாண்டிகளுக்கு எல்லாம் அஞ்சிட மாட்டோம்": கே.என்.நேரு வீடு ரெய்டிற்கு மு.க.ஸ்டாலின் கண்டனம்!

"ராகுல் காந்திதான் பிரதமர் வேட்பாளர்": தவெக கூட்டணி குறித்து மாணிக்கம் தாகூர் பரபரப்பு பேட்டி!

"ஸ்கிரீன் டைம் போதையாக மாறிவிட்டது" – பிரதமர் நரேந்திர மோடி எச்சரிக்கை!

பெண்களை இழிவுபடுத்தும் விளம்பரங்களை வைக்கலாமா.. மெட்ரோவுக்கு சு. வெங்கடேசன் கேள்வி

முன்னாள் காங்கிரஸ் எம்.எல்.ஏ அசன் மௌலானாவுக்கு 3 ஆண்டுகள் தேர்தலில் போட்டியிடத் தடை

திமுக முன்னாள் அமைச்சர் கே.என்.நேரு வீடுகளில் லஞ்ச ஒழிப்புத்துறை அதிரடி சோதனை

மாணவர்கள் வளர்ச்சி கண்டு பெருமைப்படும் பேரான்மாக்கள்.. ஆசிரியர்கள்!

கல்வி என்னும் நறுந்தேனை.. சுவைக்கச் செய்யும் இளங்காற்று நாமே!

பிரச்சாரத்துக்குப் போன இடத்தில்.. வீடு புகுந்து.. ரொட்டி சுட்ட வானதி சீனிவாசன்!

Comments

சமீபத்திய செய்திகள்

அதிகம் பார்க்கும் செய்திகள்