Welcome 2024: ஆட்டம் பாட்டம் கொண்டாட்டம்.. பிறந்தது புத்தாண்டு.. உற்சாக வெள்ளத்தில் மக்கள்..!

Jan 01, 2024,12:12 AM IST

சென்னை: 2024ம் ஆண்டு கோலாகலமாக பிறந்துள்ளது. இந்தியாவின் அனைத்துப் பகுதிகளிலும் புத்தாண்டை மக்கள் விதம் விதமாக கொண்டாடி வரவேற்றுள்ளனர்.

புத்தாண்டை வரவேற்க கடற்கரைகள், ஹோட்டல்கள், பொது இடங்களில் கூடிய கூட்டத்தால் அனைத்துப் பகுதிகளிலும் திருவிழாக் கோலமாக காணப்பட்டது.

சென்னையில் மெரீனா கடற்கரை, பெசன்ட் நகர் கடற்கரை, திருவான்மியூர் உள்ளிட்ட அனைத்து கடற்கரைகளிலும் மக்கள் கூட்டம் ஆயிரக்கணக்கில் திரண்டிருந்தது. கடற்கரைகளில் விளையாடியும், குடும்பத்தோடு அமர்ந்து சாப்பிட்டும், கேக் வெட்டியும் விதம் விதமாக மக்கள் புத்தாண்டைக் கொண்டாடினர்.

பல்வேறு விதமான நிகழ்ச்சிகளுக்கும் கடற்கரைகளில் ஏற்பாடு செய்யப்பட்டிருந்தது. வாகனங்கள் கடற்கரை காமராஜர் சாலையில் தடை செய்யப்பட்டிருந்ததால் மக்கள் எந்தவிதமான அச்சமும் இல்லாமல் ரிலாக்ஸ்டாக நடமாட முடிந்தது.

இதேபோல புதுச்சேரியிலும் கடற்கரையில் ஆயிரக்கணக்கானோர் கூடியிருந்தனர். பாடல் பாடியும், ஆடியும், விதம் விதமாக விளையாடியும் மக்கள் புத்தாண்டை வரவேற்று மகிழ்ந்தனர். தமிழ்நாட்டின் அனைத்து கடற்கரை நகரங்களிலும் பீச்களில் கூட்டம் அலை மோதியது.

இதேபோல ஹோட்டல்கள், மால்கள் உள்ளிட்ட பல்வேறு இடங்களிலும் விதம் விதமான கொண்டாட்டங்களுக்கு இன்று ஏற்பாடு செய்யப்பட்டிருந்தது.

அனைத்து பொது இடங்களிலும் பலத்த போலீஸ் பாதுகாப்பு போடப்பட்டிருந்தது. சென்னையில் கிட்டத்தட்ட 18,000 போலீஸார் பாதுகாப்புப் பணியில் ஈடுபடுத்தப்பட்டனர். வாகனத் தணிக்கை, கண்காணிப்பு கோபுரங்கள், பட்ரோல் ரோந்து என பல வழிகளிலும் போலீஸார் பாதுகாப்பு நடவடிக்கைகளை மேற்கொண்டிருந்தனர். அத்துமீறி யாரேனும் நடந்தால் அவர்களை எச்சரித்து அனுப்பியும் வைத்தனர் போலீஸார்.

2023ம் ஆண்டு கொடுத்த அத்தனை சோகங்களையும் புறந்தள்ளி விட்டு, பிறந்துள்ள 2024ம் ஆண்டை சந்தோஷமாக வரவேற்று மக்கள் கொண்டாடிக் கொண்டுள்ளனர். இந்த வருடம்.. அனைவருக்கும் சந்தோஷத்தைத் தரட்டும்.

சமீபத்திய செய்திகள்

பகுதிநேர ஆசிரியர்கள் சிறப்பு மதிப்பெண் அடிப்படையில் பணி நிரந்தரம்: முதல்வர் மு.க.ஸ்டாலின் அறிவிப்பு

குற்றவாளிகளை காப்பாற்ற மட்டுமே திமுக ஆட்சி நடத்திக் கொண்டிருக்கிறது: அண்ணாமலை குற்றச்சாட்டு!

8% ஆரம்பித்து 0.17 சதவீதத்தில் வந்து நிற்கும் தேமுதிக.. எதிர்பார்க்கும் சீட்டுகள் எத்தனை?

எனக்கு போட்டியாக இந்தியாவில் எந்த கட்சியும் இல்லை..பூமிக்காக அரசியல் பேசும் ஒரே தலைவன் நான்: சீமான்

அமெரிக்காவை உலுக்கும் பெர்ன் பனிப்புயல்:. ஸ்தம்பித்த வாழ்க்கை.. காலியான சூப்பர் மார்க்கெட்டுகள்!

மக்களே தயாராக இருங்க... நாளை 9 மாவட்டங்களுக்கு மழைக்கு வாய்ப்பு..வானிலை மையம் அறிவிப்பு!

டி20 உலகக் கோப்பைத் தொடரிலிருந்து வங்கதேசம் அதிரடி நீக்கம்?.. ஸ்காட்லாந்துக்கு வாய்ப்பு!

ஓபிஎஸ் - அமைச்சர் சேகர்பாபு திடீர் சந்திப்பு: தமிழக அரசியலில் புதிய திருப்பம்?

என்னாது கேரள சட்டசபைத் தேர்தலில் நான் போட்டியிடப் போறேனா?.. பாவனா பதில்!

Welcome 2024: ஆட்டம் பாட்டம் கொண்டாட்டம்.. பிறந்தது புத்தாண்டு.. உற்சாக வெள்ளத்தில் மக்கள்..!

Comments

சமீபத்திய செய்திகள்

அதிகம் பார்க்கும் செய்திகள்