உலக ஆட்டிசம் (மதியிறுக்கம்) விழிப்புணர்வு தினம்
- தா. சிலம்பரசி
ஒவ்வொரு ஆண்டும் ஏப்ரல் 2 அன்று அனுசரிக்கப்படும் உலக ஆட்டிசம் விழிப்புணர்வு தினம், நாம் “வேறுபாடு” என்று கருதும் பல தனித்துவங்களின் பின்னால் இருக்கும் அற்புதமான மனித நேயத்தையும் உள் ஒளியையும் உணர்த்தும் ஒரு முக்கியமான நாள்.
ஆட்டிசம் என்பது குறைபாடு அல்ல; அது ஒரு தனித்துவமான உலகத்தை பார்க்கும் விதம். சிலர் சொற்களில் பேசுவார்கள்; சிலர் கண்களில் பேசுவார்கள். சிலர் சத்தமில்லா அமைதியின் வழியே உணர்வுகளை பகிர்வார்கள். அவர்கள் மௌனம் பலவீனம் அல்ல, அளவற்ற திறன்களின் மறைமுகம்.
இந்த நாளின் நோக்கம்,
அவர்களை “சிறப்பு குழந்தைகள்” என்று பிரித்து விடுவது இல்லை; அவர்களின் உணர்வுகளை புரிந்து கொண்டு, அவர்களுக்கு நம்பிக்கை, பொறுமை, பாதுகாப்பு, அன்பு வழங்குவதே. இந்த நாளில் நாம் ஒவ்வொருவரும் நினைவில் கொள்ள வேண்டியது:
ஒவ்வொரு குழந்தையும் வெவ்வேறு மலராய் மலர்கிறது.
அவர்களின் வேகமும், வழியும் மாறலாம்; ஆனால் அவர்களின் மதிப்பு குறையாது. அவர்களை புரிந்து கொள்வதே உண்மையான கல்வி. அவர்களை பாதுகாப்பதே சமூகத்தின் பொறுப்பு.
உலக ஆட்டிசம் விழிப்புணர்வு தினம் ஒரு குழந்தையின் கையைப் பிடித்து “நீ தனியாக இல்லை… நாங்கள் உன் பக்கமே இருக்கிறோம்” என்று சொல்லும் மனிதநேயத்தின் நாள்.
உணர்வுகளை புரிந்துகொண்டு அணைத்தாற்போல் ஏற்றுக்கொள்வோம்… அவர்களின் உலகத்தை ஒளிரச் செய்வோம்.
(தா சிலம்பரசி, வேலூர் மாவட்டம்)
சமீபத்திய செய்திகள்
5 தொகுதி இடைத் தேர்தல்.. தவெக வியூகம் என்ன.. திமுக என்ன பண்ணப் போகுது.. அப்போ அதிமுக?
கேரளத்தில் பதிவான வழக்கு: தமிழகத்தில் 3 இடங்களில் என்.ஐ.ஏ. அதிகாரிகள் அதிரடி சோதனை!
முடிவுக்கு வந்த குழப்பம்.. அதிமுக அலுவலக சாவி எடப்பாடி பழனிசாமி தரப்பிடம் ஒப்படைப்பு
அஜித் குமார் தாயார் மோகினி மணி மறைவு: முதல்வர் விஜய், பிரபலங்கள் இரங்கல்!
"இதற்குத்தானே ஆசைப்பட்டாய் பாலகுமாரா" .. மறக்க முடியாத முதல் நாள் வகுப்பறை அனுபவம்!
Tamil Short Story: கௌரவம் சிறுகதை (சென்ற வார தொடர்ச்சி)... எல்லாம் முடிந்து விட்டது பாஸ்கர்!
முருகப் பெருமான் அவதரித்த திருநாள்.. வைகாசி விசாகமும், காவடியும்!
Sasikala Viswanathan Haiku: நிலவு ஒளிர்கிறது!
My mother stood through every pain... தாயின் தியாகங்கள்!
{{comments.comment}}