பேசுவது குறைவு.. படங்களோ சூப்பர் நிறைவு.. ஓவியத்தில் கலக்கும் காயத்ரி!

Oct 06, 2025,02:32 PM IST

சிலருக்கு வார்த்தைகளில் வித்தை இருக்கும்.. சிலருக்கு செயல்களில் வித்தை இருக்கும்.. சிலரோ சொல்லும் செயலும் வித்தையாக இருப்பார்கள்.. ஆனால் காயத்ரியின் கை விரல்களில் மகா வித்தை மறைந்து கிடக்கிறது.. அது வரையும் ஓவியங்களை நம்மை மயங்கச் செய்கிறது. அப்படி ஒரு திறமைக் குவியலாக காணப்படுகிறார் காயத்ரி.

1 / 6
Share

Image Courtesy: Artist gayathri

தென்காசி மாவட்டம் திருவேங்கடத்தைச் சேர்ந்தவர்தான் ப. காயத்ரி. பிஇ முடித்தவர். என் ஓவியங்களைப் பார்க்கிறீர்களா என்று அவர் கேட்டபோது எங்கே அனுப்புங்க என்று சொன்னோம்.. அவர் அனுப்பிய ஓவியங்களைப் பார்த்தபோது அத்தனையும் சூப்பர். எல்லாமே சாதாரண பென்சில் ஓவியங்கள்தான். ஆனால் அத்தனை உயிர்ப்போடு ஜொலிக்கின்றன.

2 / 6
Share

Image Courtesy: Artist gayathri

அத்தனை ஓவியங்களும் அப்படி பேசுகின்றன. நிறைய விஷயங்களை நமக்குச் சொல்லிக் கொண்டுள்ளன. ஆனால் காயத்ரி பேசுவதோ மிக மிக குறைவான வார்த்தைகள்தான்.. நம்ம டைரக்டர் மணிரத்தினம் மாதிரி ரத்தினச் சுருக்கமாகத்தான் பேசுகிறார். அவரிடம் பேசிப் பேசி நாம் வாங்கிய விவரங்களை அவரது வார்த்தைகளிலேயே கேளுங்கள்..

3 / 6
Share

Image Courtesy: artist gayathri

சிறு வயதிலிருந்தே ஓவியம் வரைகிறேன். சின்ன வயதில் வாட்டர் கலர் உள்ளிட்டவற்றில் வரைவேன். ஆரம்பத்தில் சின்ன சின்னதாகத்தான் வரைய ஆரம்பித்தேன. பட்டர்பிளைஸ் வரைவேன்.. பிறகு கற்றுக் கொண்ட பிறகு முகங்கள் வரைய ஆரம்பித்தேன்.

4 / 6
Share

Image Courtesy: Artist gayathri

வித்தியாசம் என்றால் எப்படின்னா ஒரே ஓவியத்தில் இரு விதமான பார்வைகள் கிடைக்கும்படியான ஓவியம் நிறைய வரைந்திருக்கிறேன். அதாவது நேராக பார்த்தால் ஒரு கோணம் தெரியும், தலைகீழாக பார்த்தால் இன்னொரு கோணம் தெரியும். அது போல வரைவேன் என்றார் காயத்ரி..

5 / 6
Share

Image Courtesy: Artist gayathri

காயத்ரி நிறைய போட்டிகளில் கலந்து கொண்டுள்ளாராம். குறிப்பாக திருவண்ணாமலை தடம் பதிக்கும் தளிர்கள் அமைப்பின் பல்வேறு போட்டிகளில் கலந்து கொண்ட பிறகுதான் இடையில் நிறுத்தி விட்ட ஓவியம் வரைதலைத் தொடர்ந்துள்ளார் காயத்ரி. இதற்காக அந்த அமைப்பின் தலைவரான ரத்னா செந்தில்குமாருக்கும் நன்றி சொல்கிறார். இந்த குழுவின் தலைமை ஒருங்கிணைப்பாளராகவும் காயத்ரி இருக்கிறார் என்பது கூடுதல் சிறப்பாகும்.

6 / 6
Share

Image Courtesy: Artist gayathri

காயத்ரி பேசுவது குறைவாக இருக்கலாம்.. ஆனால் அவரது விரல்கள் நிறையவே பேசுகின்றன.. அதிலிருந்து புறப்பட்டு வரும் ஒவ்வொரு ஓவியமும், ஒரு காவியத்துக்கு நிகராக உள்ளன.. காயத்ரி இது போதாது.. இன்னும் நிறைய ஓவியக் கலையில் சாதிக்க வேண்டும். வாழ்த்துகள். நீங்களும் பாராட்டுங்களேன்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

அமைச்சர் நேரு மீது வழக்கு.. திமுகவுக்கு வைக்கப்படும் மறைமுக 'செக்'ஆ.. நாங்க தயார்.. திமுக அதிரடி!

திமுக.,வில் இணையப் போகிறாரா ஓபிஎஸ்? .. சட்டசபையை அதிர வைத்த ஆதரவு எம்எல்ஏ அய்யப்பன்!

மீண்டும் ஆட்சிக்கு வரக்கூடிய வாய்ப்பு திமுகவிற்கு இருக்கிறது - முன்னாள் முதலமைச்சர் ஓ.பன்னீர்செல்வம்

அந்த ஒரு ராஜ்யசபா எம்.பி., சீட் யாருக்கு?...உச்சகட்ட பரபரப்பில் அதிமுக, திமுக கூட்டணிகள்

பாமக ராமதாஸ் கையெழுத்தே பொய்யா? பகீர் கிளப்பிய வக்கீல்... என்னதான் நடக்கிறது?

தேமுதிக பிளான்: விஜய பிரபாகரன் தெற்கு.. பிரேமலதா விஜயகாந்த் வடக்கு.. எல்.கே.சுதீஷ் ராஜ்யசபா!

த.வெ.க நிர்வாகிகள் கூட்டம்... பொதுமக்களுக்கு அனுமதியில்லை... காவல்துறை அறிவிப்பு!

இந்தியா பாகிஸ்தான் மோதலும்.. வரிவிதிப்பை "டிரம்ப் கார்டாக" பயன்படுத்தினாரா அமெரிக்க அதிபர்?

எனக்கு வாசனையும் தெரியாது, சுவையும் தெரியாது : மம்முட்டி ஓபன் டாக்!

பேசுவது குறைவு.. படங்களோ சூப்பர் நிறைவு.. ஓவியத்தில் கலக்கும் காயத்ரி!

சமீபத்திய செய்திகள்

அதிகம் பார்க்கும் செய்திகள்