பெங்களூரைக் கலக்கி வரும் மலர்க் கண்காட்சி.. 2 நாள்தான் பாக்கி இருக்கு.. வாங்க வாங்க!

Dec 05, 2025,04:32 PM IST

- ஆ. உஷாதேவி

பெங்களூரில் நடந்து வரும் மலர்க் கண்காட்சி பெருமளவிலான மக்கள் கூட்டத்தை ஈர்த்துள்ளது. கப்பன் பூங்காவில் நடைபெறும் இந்த மலர்க் கண்காட்சிக்கு பெரும் திரளானோர் சாரை சாரையாக வந்தவண்ணம் உள்ளனர். இதுகுறித்து அங்கு சென்று பாரவையிட்ட ஆ.உஷாதேவி நமக்காக எடுத்து வந்து கொடுத்துள்ள பிரத்யேக படங்களின் அணிவகுப்பு.

1 / 7
Share

Image Courtesy: A Ushadevi

டிசம்பர் 7-ஆம் தேதி வரை நடக்கும் பெங்களூரு கப்பன் பூங்காவின் 11 நாள் மலர் கண்காட்சிக்கு, தினமும் பல்லாயிரக்கணக்கான பார்வையாளர்கள் வந்து குவிகின்றனர். இது கப்பன் பூங்காவில் நடைபெறும் நான்காவது மலர் கண்காட்சி. நீண்ட வரலாற்றைக் கொண்ட, லால்பாக் மலர் கண்காட்சியிலிருந்து இது சற்று வேறுபட்டதாகும்.

2 / 7
Share

Image Courtesy: A Ushadevi

லால்பாக் கண்காட்சிக்கு கிட்டத்தட்ட ஒரு நூற்றாண்டு வரலாறு உள்ளது. கப்பன் பூங்கா கண்காட்சியோ, கொரோனா காலத்துக்கு முன்புதான் ஆரம்பிக்கப்பட்டது. பின்னர் இடையில் அது தடைபட்டிருந்தது. தற்போது நான்காவது முறையாக அது நடைபெறுகிறது. நல்ல வரவேற்பையும் இது பெற்றுள்ளது.

3 / 7
Share

Image Courtesy: A Ushadevi

பால் பவன் (Bal Bhavan) அருகில் உள்ள நுழைவாயிலில் இருந்து கப்பன் பூங்காவிற்குள் செல்லும் சாலையின் இறுதி வரையிலும், அரசு அருங்காட்சியகத்தின் (Government Museum) பின்புறத்திலிருந்து மாநில மத்திய நூலகம் மற்றும் பேண்ட் ஸ்டாண்ட் பகுதிக்குச் செல்லும் பாதையிலும் இந்தக் கண்காட்சியைப் பார்க்கலாம்.

4 / 7
Share

Image Courtesy: A Ushadevi

ஆயிரக்கணக்கான பூக்களைக் கொண்டு வடிவமைக்கப்பட்ட 50-க்கும் மேற்பட்ட மலர் அலங்காரங்களை இங்கு பார்த்து மகிழ முடியும். சுரக்காய் மற்றும் குடைமிளகாய் போன்ற காய்கறிகளைப் பயன்படுத்தி செய்யப்பட்ட யானை சிற்பம். சிறு தானியங்கள் மற்றும் கொட்டைகளைப் பயன்படுத்தி வடிவமைக்கப்பட்ட கர்நாடகாவின் வரைபடம். ஒரு பெரிய மலர் தேர் வடிவிலான அலங்காரம்.

5 / 7
Share

Image Courtesy: A Ushadevi

மலர் அலங்காரங்களைத் தவிர, இரண்டு பாதைகளிலும் டஜன் கணக்கான கடைகள் அமைக்கப்பட்டுள்ளன. இதில் அங்ககப் பொருட்கள் (Organic Produce) மற்றும் தோட்டக்கலை சார்ந்த பொருட்களை விற்பவர்கள் உள்ளனர்.

6 / 7
Share

Image Courtesy: A Ushadevi

கர்நாடக மாநில விவசாயப் பொருட்கள் பதப்படுத்துதல் மற்றும் ஏற்றுமதி நிறுவனம் போன்ற பொதுத்துறை நிறுவனங்களும் பங்கேற்று, ஊறுகாய்கள் முதல் பொடி வடிவிலான ஜூஸ்கள் வரை விற்பனை செய்கின்றன. இங்கு சிற்றுண்டிகள், நினைவுப் பரிசுகள் மற்றும் ஆடைகளும் விற்பனை செய்யப்படுகின்றன.

7 / 7
Share

Image Courtesy: A Ushadevi

மலர் கண்காட்சியை காலை 6 மணி முதல் மாலை 7 மணி வரை பார்த்து ரசிக்கலாம். இந்தக் கண்காட்சியைப் பார்க்க கட்டணம் செலுத்த வேண்டும். பெரியவர்களுக்கு ரூ. 30, குழந்தைகளுக்கு 10 ரூபாய் கட்டணமாக வசூலிக்கப்படுகிறது. மெட்ரோவில் பயணிப்பவர்கள், தேஜஸ் ஜெட் (Tejas jet) விமானத்தின் மாதிரிக்கு மிக அருகில் உள்ள கப்பன் பூங்கா நுழைவாயிலில் வெளியேறி, டிக்கெட் வாங்கிய பிறகு பால் பவன் நுழைவாயிலுக்குச் செல்லுமாறு அறிவுறுத்தப்படுகிறார்கள்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்