விவேகானந்தர் ஏன் கன்னியாகுமரிக்கு சென்றார் ?

Jan 13, 2026,02:13 PM IST

இந்தியத் துறவியரின் வரலாற்றில் ஸ்வாமி விவேகானந்தர் ஒரு மாபெரும் திருப்புமுனை. அவரது வாழ்க்கையில் கன்னியாகுமரி பயணம் மிக முக்கியமான ஆன்மிக மற்றும் சமூக விழிப்புணர்வு தருணமாகக் கருதப்படுகிறது. அவர் கன்னியாகுமரிக்கு சென்றது ஒரு சாதாரண யாத்திரை அல்ல. அது இந்தியாவின் எதிர்காலத்தை நோக்கி அவர் எடுத்த ஒரு ஆழ்ந்த தியானப் பயணம் ஆகும். விவேகானந்தர் இந்தியா முழுவதும் சுற்றிப் பயணம் செய்தபோது, நாட்டின் பல பகுதிகளில் வறுமை, அறியாமை, சாதி வேறுபாடு, சமூக அநீதி போன்ற பல துன்பங்களை நேரில் கண்டார். மக்கள் உடலளவிலும் மனஅளவிலும் பலவீனமடைந்திருந்ததை அவர் ஆழமாக உணர்ந்தார்.

1 / 3
Share

Image Courtesy: Saraswathi

கல்வியின்மை மற்றும் தன்னம்பிக்கையின்மை இந்திய மக்களை பின்னடைந்த நிலையில் வைத்திருப்பதை அவர் வேதனையுடன் கவனித்தார். இந்த நிலைகளைப் பார்த்த விவேகானந்தர், “இந்தியாவை மீட்டெடுக்க முதலில் மனிதனை எழுப்ப வேண்டும்” என்ற உறுதியை எடுத்தார். அந்த உறுதியைத் தெளிவாக வடிவமைக்கவும், தனது வாழ்க்கையின் இலக்கை தீர்மானிக்கவும் ஒரு தனிமையான, ஆழ்ந்த தியானம் அவசியம் என அவர் உணர்ந்தார். அதற்காகவே அவர் இந்தியாவின் தென் முனை கன்னியாகுமரியைத் தேர்ந்தெடுத்தார்.

2 / 3
Share

Image Courtesy: Saraswathi

கன்னியாகுமரி இந்தியாவின் மூன்று கடல்கள் சங்கமிக்கும் புனித இடம். அங்கு நின்றபோது, இந்தியாவின் முழுப் பரப்பையும் தெரியப்ப்படுத்தும் ஒரு ஆன்மிக மையமாக அது அவருக்குத் தோன்றியது. 1892 ஆம் ஆண்டு, கடலின் நடுவில் உள்ள பாறையில் (இன்றைய விவேகானந்தர் பாறை) மூன்று நாட்கள் தொடர்ந்து அவர் தியானத்தில் ஈடுபட்டார். அந்த தியான காலத்தில் இந்தியாவின் கடந்த பெருமை, தற்போதைய துயரம் மற்றும் எதிர்கால எழுச்சி குறித்து ஆழமாக சிந்தித்தார். அந்த தியானத்தின் பயனாக, இந்திய மக்களை ஆன்மிகமாகவும் சமூகமாகவும் எழுப்ப வேண்டிய கடமை தன்னிடம் இருப்பதாக உறுதியாக உணர்ந்தார். “ஏழை, அறியாத, ஒடுக்கப்பட்ட மக்களே நமது தெய்வம்” என்ற உயர்ந்த எண்ணம் அவரது மனதில் உறைந்தது. கல்வி, தன்னம்பிக்கை மற்றும் சேவை மூலமே இந்தியா மீண்டும் எழ முடியும் என்ற தெளிவான பாதையும் அங்கே உருவானது.

3 / 3
Share

Image Courtesy: Saraswathi

கன்னியாகுமரி தியானத்திற்குப் பிறகு, உலகிற்கு இந்தியாவின் ஆன்மிகப் பெருமையை எடுத்துச் செல்ல வேண்டும் என்ற தீர்மானத்துடன் விவேகானந்தர் புறப்பட்டார். அதன் விளைவாகவே அவர் சிகாகோ உலக மத மாநாட்டில் கலந்து கொண்டு, இந்தியாவின் வேதாந்த சிந்தனையை உலக அரங்கில் உயர்த்தினார். முடிவாக, விவேகானந்தர் கன்னியாகுமரிக்கு சென்றது தனிப்பட்ட ஆன்மிக தேடலுக்காக மட்டுமல்ல; இந்திய தேசத்தின் மறுமலர்ச்சிக்கான ஒரு உறுதி எடுத்த பயணமாகும். அந்தப் பயணம் இன்று வரை இந்திய இளைஞர்களுக்கு தன்னம்பிக்கை, சேவை மற்றும் தேசபக்தி ஆகியவற்றின் வழிகாட்டியாகத் திகழ்கிறது. 2024.ஆம் ஆண்டில் திருவள்ளுவர் சிலைக்கும் விவேகானந்தர் தியான மடத்திற்கும் கண்ணாடி பாலம் அமைக்கப்பட்டுள்ளது குறிப்பிடதக்கது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

தவெக கூட்டணியில் பங்கேற்க மாட்டோம்: சிபிஐ(எம்) தலைவர்கள் கே.பாலகிருஷ்ணன், பெ.சண்முகம் அறிவிப்பு

முதல்வர் விஜய் பேச்சுக்கு எதிர்ப்பு.. தர்ணா செய்த திமுக எம்எல்ஏக்கள் அவை காவலர்களால் வெளியேற்றம்

சட்டமன்ற நேரம் வீணடிப்பு...தவெக அரசு மீது எடப்பாடி பழனிசாமி சரமாரி குற்றச்சாட்டு!

லண்டனில் அஜித்தின் கார் பந்தயத்தை நேரில் பார்க்கிறாரா முதல்வர் விஜய்? இணையத்தில் தீயாய் பரவும் தகவல்

விடுதலை வேண்டா பசி!

சிந்தனைச் சிதறல்.. உழைப்புக்கு நம்மை உரமாக்கினால்.. அது நம்மை உயர் தரமாக்கும்!

காஞ்சிபுரம் பட்டு வாங்கித் தாரேன் கட்டு!

காதல் மொழி காற்றின் வழி!

எல்லாம் கூறினேனே பெண்ணே!

விவேகானந்தர் ஏன் கன்னியாகுமரிக்கு சென்றார் ?

சமீபத்திய செய்திகள்

அதிகம் பார்க்கும் செய்திகள்