10ம் தேதி முதல் பொங்கல் பரிசு கிடைக்கும்

பொங்கல் திருநாளை முன்னிட்டு, வரும் 10ஆம் தேதி முதல் பொங்கல் பரிசு தொகுப்புடன், ரூபாய் 1000 ரொக்கப் பணமும்  சேர்த்து வழங்கப்படும் என்று தமிழ்நாடு அரசு அறிவித்துள்ளது. வருகின்ற 10 தேதி முதல் 13ஆம் தேதி வரை பொங்கல் தொகுப்பு வழங்கப்பட உள்ள நிலையில், நாளை முதல் டோக்கன் விநியோகம் செய்யப்படும்.13ஆம் தேதிக்குள் பொங்கல் தொகுப்பை பெற்றுக் கொள்ள முடியாதவர்கள் 14ஆம் தேதி பெற்றுக் கொள்ளலாம் என அறிவிக்கப்பட்டுள்ளது.

கிரிக்கெட் சூப்பர் ஸ்டார் கபில் தேவுக்கு.. லால் சலாம் டீம் வாழ்த்து

கிரிக்கெட் சூப்பர் ஸ்டார் கபில் தேவுக்கு, சூப்பர் ஸ்டார் ரஜினிகாந்த் நடிக்கும் லால் சலாம் படக் குழு அசத்தலான பிறந்த நாள் வாழ்த்துகளைத் தெரிவித்துள்ளது. ஐஸ்வர்யா ரஜினிகாந்த் இயக்கும் லால் சலாம் படத்தில் ரஜினிகாந்த்துடன், கபில்தேவும் நடித்துள்ளார் என்பது நினைவிருக்கலாம்.

இறுதிச் சுற்றில் ஆதித்யா எல் 1 விண்கலம்

சூரியனை ஆய்வு செய்வதற்காக அனுப்பப்பட்டுள்ள இந்தியாவின் ஆதித்யா எல்1 விண்கலம் இன்று தனது இறுதிச் சுற்றுப் பாதையில் நுழையவுள்ளது. இந்திய விண்வெளித்துறையின் வரலாற்று சாதனைகளில் இதுவும் இடம் பிடிக்கிறது.

காங்கோ நாட்டில் பெருவெள்ளம்- 300 பேர் பலி

காங்கோ நாட்டில் பெய்து வரும் அதிக மழையால் வெள்ளம் ஏற்பட்டது. இந்த வெள்ளம் மற்றும் நிலச்சரிவில் சிக்கி 300 பேர் உயிரிழந்ததாகவும், பலர் காயம் அடைந்ததாகவும் கூறப்படுகிறது. பெரும் வெள்ளத்தால் ஏற்பட்ட நிலச்சரியில் இதுவரை 43,750 வீடுகள் இடிந்ததாக காங்கோ அமைச்சர் தகவல் தெரிவித்துள்ளார்.

உணர்ச்சிவசப்பட்ட பயனாளி.. நெகிழ்ச்சி அடைந்த டாக்டர் தமிழிசை

புதுச்சேரியில் நடந்த விழாவில், ஆயுஷ்மான் பாரத் ஹெல்த் இன்சூரன்ஸ் திட்டத்தின் கீழ் தனது கணவரை எப்படிக் காப்பாற்ற முடிந்தது என்பது குறித்து ஒரு பெண் விவரித்தது குறித்து நெகிழ்ச்சியுடன் தெரிவித்துள்ளார் துணை நிலை ஆளுநர் டாக்டர் தமிழிசை செளந்தரராஜன்.

போதை ஊசி செலுத்தி 23 வயது இளைஞர் மரணம்

சென்னை ஓட்டேரி பின்னி  பின்னி மைதானத்தில் தீபக் நாத் என்ற 23 வயது இளைஞர், போதை மருந்து ஊசி செலுத்திக் கொண்ட நிலையில் மயங்கி மரணமடைந்தார். அவரது தாய் கொடுத்த புகாரின் பேரில், ஓட்டேரி போலீஸார் விசாரணை நடத்தி வருகின்றனர்.

இன்று மாலை கேப்டன் மில்லர் டிரெய்லர் ரிலீஸ்

தனுஷ் நடிப்பில் உருவாகியுள்ள கேப்டன் மில்லர் படத்தின் டிரெய்லர் இன்று மாலை 5 மணிக்கு வெளியிடப்படும் என்று அறிவிக்கப்பட்டுள்ளது. இப்படம் பொங்கலுக்குத் திரைக்கு வருகிறது.

விஜயபாஸ்கர் மீதான சொத்துக்குவிப்பு வழக்கு ஒத்திவைப்பு

முன்னாள் அமைச்சர் சி. விஜயபாஸ்கர் மீதான சொத்து குவிப்பு வழக்கு  விசாரணை ஜனவரி 11க்கு ஒத்திவைக்கப்பட்டது. வருமானத்தை விட அதிகமாக சொத்து சேர்த்ததாக விஜயபாஸ்கர் மீது அமலாக்கத்துறை வழக்கு தொடர்ந்திருந்தனர். இந்த வழக்கு புதுக்கோட்டை முதன்மை அமர்வு நீதிமன்றத்தில்  விசாரணைக்கு வந்தது. அப்போது, விஜயபாஸ்கர் இன்று ஆஜரான நிலையில் விசாரணை ஒத்திவைக்கப்பட்டது.

புதுச்சேரி வணிகத்துறை அலுவலகத்தில் சிபிஐ சோதனை

புதுச்சேரியில் உள்ள வணிகத்துறை அலுவலகத்தில் சிபிஐ அதிகாரிகள் சோதனை நடத்தினர். மூன்று வாகனங்களில் வந்த அதிகாரிகள் நேற்று இரவு முதல் தொடர் சோதனை நடத்தி வருகின்றனர். இதில் ஒரு உதவி வணிக வரித்துறை அதிகாரியை, லஞ்சம் கேட்ட வழக்கில் சிபிஐ அதிகாரிகள் விசாரணைக்கு அழைத்து சென்றுள்ளனர்.

விஜயகாந்த் நினைவிடத்தில் அஞ்சலி

நடிர் ஆதி, நடிகை நிக்கி கல்ராணி மற்றும் நடிகர்கள் எம். எஸ் பாஸ்கர், ஸ்ரீநாத் ஆகியோர் மறைந்த தேமுதிக தலைவர் விஜயகாந்த்  நினைவிடத்திற்கு சென்று மரியாதை செலுத்தினார்கள்.

{{val.headLine}}