அடுத்த 3 மணி நேரத்தில் 21 மாவட்டங்களில் மிதமான மழைக்கு வாய்ப்பு

சென்னை, திருவள்ளூர், ராணிப்பேட்டை, வேலூர், கள்ளக்குறிச்சி, அரியலூர், பெரம்பலூர், திருச்சி, நாமக்கல், சேலம், தர்மபுரி, திருப்பத்தூர், கிருஷ்ணகிரி ,உள்ளிட்ட 21 மாவட்டங்களில் அடுத்த 3 மணி நேரத்திற்கு மிதமான மழை பெய்யக்கூடும் என இந்திய வானிலை ஆய்வு மையம் தெரிவித்துள்ளது.

மரக்காணம் அருகே கந்தாடு ஏரி உடைந்தது

மரக்காணம் கந்தாடு ஏரி உடைந்து 5 கிராமங்களை வெள்ளநீர் சூழ்ந்தது. கந்தம் பாளையம், காணி மேடு பகுதிகளில் உள்ள தெருக்களில் மழை நீர் ஓடி ஆறு போல் காட்சியளிக்கிறது. 200 ஏக்கர் பரப்பளவில் உள்ள பயிர்கள் நீரில் மூழ்கியது.

அடுத்த 3 மணி நேரத்தில்10 மாவட்டங்களில் கனமழைக்கு வாய்ப்பு

தமிழகத்தில் செங்கல்பட்டு, காஞ்சிபுரம், திருவண்ணாமலை, விழுப்பரம், கடலூர், மயிலாடுதுறை, நாகை, திருவாரூர், தஞ்சை, புதுக்கோட்டை ஆகிய 10 மாவட்டங்களில் அடுத்த 3 மணி நேரத்தில் கன மழை பெய்ய வாய்ப்புள்ளதாக இந்திய வானிலை ஆய்வு மையம் தெரிவித்துள்ளது.

ஓதியூரில் 200 வீடுகளை சூழ்ந்த மழைநீர்

வட கிழக்குப் பருவ மழை தீவிரமாக உள்ளது - வானிலை மையம்

வட கிழக்குப் பருவ மழை தொடர்ந்து தீவிரமாக உள்ளது. நான்காவது வருடமாக இந்த வருடமும் ஜனவரியில் மழை  தொடர்கிறது. 2 நாட்களுக்குப் பிறகு மழை படிப்படியாக குறையும். தென் மாவட்டங்களில் மழை தொடரும். சென்னைக்கு அதி கன மழைக்கு வாய்ப்பில்லை என்று சென்னை வானிலை மைய தலைவர் பாலச்சந்திரன் தகவல்.

சீர்காழி வைத்தீஸ்வரன் கோயிலுக்குள் புகுந்த வெள்ளம்

சீர்காழியில் பெய்த கன மழையால்  குடியிருப்பு பகுதிக்குள் தண்ணீர் புகுந்தது. சாலைகளையும் சூழ்ந்தது வெள்ள நீர். சீர்காழி அருகே உள்ள புகழ் பெற்ற வைத்தீஸ்வரன் கோயிலுக்குள் மழை நீர் புகுந்தது.

வைகை அணை நிரம்பியது.. சிம்மக்கல் தரைப்பாலம் மூழ்கியது

கனமழை காரணமாக வைகை அணையின் நீர்மட்டம் முழு கொள்ளளவை எட்டியது. இதனால் அணைக்கு வரும் உபரி நீர் திறக்கப்பட்டுள்ளது.  வைகை ஆற்றில் வெள்ளம் கரைபுரண்டு ஓடுவதால் சிம்மக்கல் தரைப்பாலம் மூழ்கியது. இதனால் கரையோரம் உள்ள ஐந்து மாவட்டங்களுக்கு வெள்ள அபாய எச்சரிக்கை விடுக்கப்பட்டுள்ளது.

தமிழகத்தில் இரண்டு கீழடுக்கு சுழற்சிகள்

தமிழகத்தில் வங்கக்கடல் மற்றும் தென்கிழக்கு அரபிக்கடல் பகுதிகளில் இரண்டு கீழ் அடுக்கு சுழற்சி நிலவுகிறது இதனால் அடுத்த சில நாட்களுக்கு கன மழை தொடரும் என வானிலை ஆய்வு மையம் தெரிவித்துள்ளது.

தமிழ்நாட்டில் 17 இடங்களில் மிக கனமழை

தமிழ்நாட்டில் கொள்ளிடம், புவனகிரி, மீனம்பாக்கம், நன்னிலம், சேத்தியாந் தோப்பு, அண்ணாமலை நகர், திருத்துறைப்பூண்டி, காட்டுமன்னார்கோவில், குடவாசல், மரக்காணம், கொத்தவாஞ்சேரி, லால்பேட்டை, வானூர், கடலூர், உள்ளிட்ட 17 இடங்களில்  மிக கனமழை பதிவாகியுள்ளதாக வானிலை ஆய்வு மையம் அறிவித்துள்ளது.

5 இடங்களில் அதி கன மழை.. 56 இடங்களில் கன மழை

தமிழ்நாட்டில் சீர்காழி, சிதம்பரம், வேளாங்கண்ணி, திருவாரூர், நாகப்பட்டனம் ஆகிய இடங்களில் அதி கன மழை பதிவாியுள்ளது. அதேபோல 56 இடங்களில்  கனமழை பெய்துள்ளது. கடந்த 24 மணி நேரத்தில் அதிகபட்சமாக சீர்காழியில் 24 செமீ மழை கொட்டி தீர்த்தது. சிதம்பரத்தில் 23 செமீ மழையும், வேளாங்கண்ணியில் 22 செமீ மழையும், திருவாரூர் மற்றும் நகையில் தலா 21 செமீ மழையும் பெய்துள்ளது.

{{val.headLine}}