பெண்கள் பெயரில் சொத்து பதிவு செய்தால் 1% கட்டணம் குறைப்பு

ரூ. 10 லட்சம் வரையிலான வீடு, வீட்டு மனை, விவசாய நிலம் உள்ளிட்ட அனைத்து அசையாச் சொத்துக்களை பதிவு செய்தால், பதிவுக் கட்டணத்திலிருந்து 1 சதவீதம் தள்ளுபடி செய்யப்படும். 1.4.2025 முதல் இது அமலுக்கு வரும்.

வரும் நிதி ஆண்டில் கடன் அளவு 26.07 சதவீதமாக ஆகக் குறையும்

வருவாய் பற்றாக்குறை 1.17 சதவீதமாக குறையும் நிலையில் 10 ஆண்டுக்கு முந்திய நிலையை எட்ட கூடும். வரும் நிதி ஆண்டில் கடன் அளவு 26.07 சதவீதமாக குறையும். 

தமிழகத்தின் வரி வருவாய் 14% அதிகரிக்கும்

மத்திய அரசின் உதவி மானியம் ரூபாய் 23 ஆயிரத்து 834 கோடியாக இருக்கும். சொந்த வரி வருவாய் 14.6 சதவீதமாக அதிகரிக்கும். தேசிய பொருளாதார வளர்ச்சியில் தமிழகத்தின் பங்கு 9 சதவீதமாக உள்ளது. ஆனால் தமிழகத்திற்கு மத்திய அரசு விடுவிக்கும் நிதி 4% மட்டுமே.

நிதி பற்றாக்குறை 1.37 சதவீதமாக இருக்கும்.

மாநில அரசுக்கான மத்திய அரசின் வரி பங்கு குறைவு

மாநில அரசுக்கான மத்திய அரசின் வரிப்பங்கு குறைந்து வருகிறது. வரும் நிதி ஆண்டில் மாநில வரி வருவாய், ரூபாய் 2.21 லட்சம் கோடியாக இருக்கும் என மதிப்பீடு செய்யப்பட்டுள்ளது.

பெண்கள் பாதுகாப்பிற்கு புதிய திட்டம்

மாநகராட்சிகளில் பெண்களின் பாதுகாப்பிற்கு புதிய திட்டம் உருவாக்க ரூபாய் 75 கோடி நிதி ஒதுக்கீடு செய்யப்பட்டுள்ளது.

தமிழ்நாட்டில் ஜிடிபி துல்லியமாக கணக்கெடுக்க நிதி ஒதுக்கீடு

தமிழ்நாட்டின் ஜிடிபி ஐ துல்லியமாக கணக்கெடுக்க ரூபாய் ஐந்து கோடி நிதி ஒதுக்கீடு செய்யப்பட்டுள்ளது.

சார்பதிவாளர் அலுவலகங்கள் சீரமைப்பு

சென்னை, கோயம்புத்தூர், மதுரை, உள்ளிட்ட நகரங்களில் 50 சார் பதிவாளர் அலுவலகங்கள் ரூபாய் 30 கோடியில் சீரமைக்கப்படும்.

5 லட்சம் பேருக்கு இலவச பட்டா

கடந்த நான்கு ஆண்டுகளில் 10 லட்சம் மேற்பட்டோருக்கு விலையின்றி வீட்டுமனை பட்டா வழங்கப்பட்டுள்ள நிலையில், வரும் நிதியாண்டில் 5 லட்சம் பேருக்கு இலவச வீட்டுமனை பட்டாக்கள் வழங்கப்படும் .

சென்னையில் புதிய குடியிருப்பு பகுதிகள் அமைப்பு

சென்னை சைதாப்பேட்டை தாடண்டர் நகரில் ரூபாய் 110 கோடியில் புதிதாக 190 குடியிருப்புகள் கட்டப்படும்.

புறவழிச் சாலைகள் அமைப்பு

கோயம்புத்தூரில் 12.5 km நீளத்திற்கு ரூபாய் 348 கோடியில் மேற்கு புறவழிச் சாலைகள் அமைக்கப்படும். திருநெல்வேலியில் 12.4 கிலோ மீட்டர் நீளத்திற்கு ரூபாய் 225 கோடியில் மேற்கு புறவழிச் சாலைகள் அமைக்கப்படும்.

{{val.headLine}}